Efeho 6:5 - Tokelauan New Testament

⁵ Ko koutou pologa, uhitaki ki outou matai fakatetino i te mataku ma te gatete; fai te mea tēnei ma te loto fakamāoni moni, e vē lava ko koutou e kaukauna ki a Keliho.

Efeho 6:5 ပူးပေါင်းရင်းမြစ်များ

Mataio 6:22

“Ko nā mata o koe e vē ko he mōlī mo tō tino. Kāfai ō mata e lelei, ko tō tino kātoa ka tumu i te mālamalama;

Mataio 6:24

“E hēai he tino e mafai ke kaukauna ki ni matai e toka lua; auā ka ita ki tētahi kae alofa ki tētahi; ka fakamāoni ki tētahi kae inoino ki tētahi. E hē mafai koe ke kaukauna uma ki te Atua ma nā tupe.

Mataio 8:9

Auā ko au foki ko he tino e i lalo o te pule a nā takitakikau e maualuluga atu ia te au, ma e i ei foki nā fitafita e i lalo o taku pule. Ma kāfai au e lea ki te tino tē, ‘Fano vē’ oi e fano; kāfai au e lea ki tētahi tino, ‘Hau’ oi e hau foki; ma kāfai au e lea ki taku kaukauna, ‘Fai te mea tē!’ oi e vēnā lava oi fai e ia.”

Gāluega 2:46

I aho takitahi uma, e fakapotopoto fakatahi ki lātou i loto o te Mālumalu ma kakai fakatahi fakaholoholo i nā fale o ki lātou, i te agaga fiafia ma te loto maulalo,

Loma 9:3

ki oku tagata, oku kanofi ma oku toto! Na hili ai pe kana fetū au e te Atua ma kave kehea mai ia Keliho, pe kāfai ko te mea ia e maua ai e oku tagata he fehoahoani.

1 Kolinito 2:3

Ma i te kāmataga, ko au nae vāivai ma tete i te mataku,

1 Kolinito 7:22

Auā ko he pologa na kalagagia e te Aliki, ko he tino tēnā e haoloto i te Aliki; e vēnā foki la he tino e haoloto na kalagagia e te Aliki, e kavea ia ma pologa a Keliho.

2 Kolinito 1:12

Ko ki māua e mafai ke fāfifia auā ko o mā lotofuatia e mamā lava. Ko a mā gāluega i te lalolagi nei, kae maihe lava i te va ma koutou, e fai lava ma te fakamāoni ma te loto mamā mai te Atua. Ko te mana o te alofa tūnoa o te Atua te mafai ai nā mea iēnei, kae hē ona ko he poto o te tagata.

2 Kolinito 7:15

E alofa lahi lele atu ia Tito ki a te koutou uma, kae maihe lava kāfai e ia manatua te uhitaki o koutou uma ki nā mea nae lea atu ai, vēnā ma te gatete ma te mātataku o koutou, i te taimi na feiloaki ai koutou.

Efeho 5:22

Koutou fafine, tuku atu koutou kātoatoa ki te pule a autou tāne, e vē ona koutou faia ki te Aliki.

Efeho 6:24

Ke ia te koutou uma e alolofa pea lava ki to tātou Aliki ko Iehu Keliho, te alofa tūnoa o to tātou Atua.

Filipi 2:12

Ko te mea ia te kau uho pele, e vē ona uhitaki mai koutou ki a te au i taimi uma nae māfuta fakatahi ai ki tātou, ka hili atu la te tāua ke uhitaki mai koutou ki a te au i te taimi tēnei e hē i kinā ai au ma koutou. Ke tūmau pea te koutou gālulue i te mataku ma te gatete, ke kātoatoa ai te koutou fakaolataga,

Filemoni 1:16

I te taimi nei la, ko Onehimahi e hē nā ko he pologa, kae e hili atu lele ia i lo he pologa: ko ia ko he uho pele ia Keliho. Kai au te alofa ko ki ei! Kae e vēhea ake nei la te lahi lele atu o tō alofa ki ei, e hē gata ona ko he pologa kae i tētahi itū, ko he uho foki e ala i te Aliki!

1 Petelu 3:2

auā ka kitea e ki lātou te fakamāoni o koutou i nā tāpuakiga ki te Atua ma te lelei o autou āmio.