Efeho 6:21 - Tokelauan New Testament

²¹ Ko Tuhiko, to mātou uho pele ma ko he kaukauna fakamāoni i te gāluega a te Aliki, ka maua ai e koutou nā fakamatalaga uma e uiga ki a te au, kae ke koutou iloa ai te tūlaga e i ei ai au.

Efeho 6:21 ပူးပေါင်းရင်းမြစ်များ

Gāluega 20:4

Ko Hōpato te ataliki o Pulo, mai Peloia, na olo ma Paulo; na vēnā foki ia Alihitako ma Hekounato mai Tehalonika; ko Kaio mai Tepene; ko Tuhiko ma Tolofimo mai te itūmālō o Ahia; ma Timoteo.

1 Kolinito 4:17

Ko te mea ia ka uga atu ai e au ki a te koutou ia Timoteo, toku ataliki pele ma te fakamāoni i te ōlaga faka-Kelihiano. Ka ia fakamanatu atua ki a te koutou nā mea tāua e mulimuli au ki ei i te ōlaga fou fakatahi ma Keliho Iehu, e vē oi akoako atu e au ki nā Ekalehia uma i nā koga kehekehe.

Filipi 1:12

Te kau uho, ko au e fofou ke koutou iloa ko te mea kua tupu ki a te au, kua ātili lele ai te tokalahi o tagata kua fakalogo ki te Tala Lelei.

Kolohe 1:7

Kua iloa e koutou te alofa tūnoa o te Atua, mai ia Epafalahi to mātou uho a kaukauna fakapelepele, te kaukauna fakamāoni a Keliho kua fai ma o mātou hui.

1 Timoteo 4:6

Kāfai e tuku atu e koe nā fakatonuga iēnei ki nā tino kua talitonu, ka kavea koe ma kaukauna lelei a Keliho Iehu. Ka fakaalia e koe ko koe kua matua i nā akoakoga e uiga ki to tātou talitonuga ma nā takitakiga kua mulimuli koe ki ei.

2 Timoteo 4:12

Kua uga e au ia Tuhiko ki Efeho.

Tito 3:12

Kua tonu ia te au ke uga atu he tino o Atemani pe ko Tuhiko. Kāfai e pa atu, fakamolemole taumafai ke fetaui ki tāua i Nikapoli, auā kua fuafua e au ko au ka nofo i kinā i te taumālūlū.

Filemoni 1:16

I te taimi nei la, ko Onehimahi e hē nā ko he pologa, kae e hili atu lele ia i lo he pologa: ko ia ko he uho pele ia Keliho. Kai au te alofa ko ki ei! Kae e vēhea ake nei la te lahi lele atu o tō alofa ki ei, e hē gata ona ko he pologa kae i tētahi itū, ko he uho foki e ala i te Aliki!

1 Petelu 5:12

Ko te tuhi pukupuku tēnei e fehoahoani mai ki ei ia Hila, toku hoa Kelihiano fakamāoni, ki te tuhiga. Ko au e fakamālohi ma molimau atu ki a te koutou, ko nā mea uma kua tuhi e au, ko te alofa tūnoa moni tēnā o te Atua. Koutou la ke mautū i te alofa tūnoa o te Atua.

2 Petelu 3:15

E tatau ke kikila vē koutou, ko te onohai o te Aliki ko he avanoa tēnā kua ia fōkiatua ke mafai ai koutou ke fakaolagia, e vē lava ko te tuhi atu a to mātou uho pele ki a Paulo ma na ia fakaaogā ai te poto na fōki ki ei e te Atua.