Efeho 6:17 - Tokelauan New Testament

¹⁷ Ma ke kavea te fakaolataga ke vē he pūloutau, ma te kupu a te Atua ke vē ko te pelu e tuku atu ki a te koutou e te Agaga.

Efeho 6:17 ပူးပေါင်းရင်းမြစ်များ

Mataio 4:4

Ka kua tali atu ia Iehu, “Lea mai te tuhituhiga paia, ‘E hē ko nā meakai oioti e ola ai te tagata, kae ko nā kupu uma e vāgana mai ai te Atua.’ ”

Mataio 4:7

Kua tali mai ia Iehu, “E lea mai foki te tuhituhiga paia, ‘Nahe kē tofotofoa te Aliki tō Atua.’ ”

Efeho 5:26

Na ia faia te mea tēnei ke fakapaia ai te Ekalehia mo te Atua e ala i tana kupu (ka kua uma ai te fakamamāgia e ia i te vai),

1 Tehalonia 5:8

Kae ko ki tātou ni tino e o te ao, ma e tatau o tātou māfaufau ke hako. E tatau ke kokofu ki tātou i te fakatuatua ma te alofa e vē he talipupuni fatafata, ma to tātou fakamoemoe ki te fakaolataga e vē he pūloutau.

Epelu 4:12

Ko te kupu a te Atua e ola ma e mamana, e kaha atu ia i lo ho he pelu matalua. E ati lele tana tipi ki te fatumanava ma te agaga, ki te mea e i ei nā hokoga ivi ma te atilo. E ia fakamahinoagia ia manakoga ma manatunatuga o te loto.

Epelu 6:5

na iloa e ki lātou e ala ia lātou gāluega nae tautua ai, ko te kupu a te Atua e lelei, ma na logo i o lātou tino te mālohiaga o te ōlaga koi hau.

Fakaaliga 1:16

E kukuma i tona lima taumatau nā fetu e fitu, ma he pelu e taufai kaha uma nā itū e hau ki fafo mai loto o tona gutu. Ko ona fōliga e huhulu e vē ko te huhulu mālohi o te la i te vaeluaga o te aho.

Fakaaliga 12:11

Na fakatōkilalo e ki lātou te Tiāpolo e ala i te toto o te Punuamāmoe ma nā kupu o ta lātou molimau; ma nae hē mānumanu ki o lātou ola, e tuha lava pe feoti ai ki lātou.

Fakaaliga 19:15

E hau i loto o tona gutu he pelu kakaha, ka fakatōkilalo ai e ia nā mālō. Ka pūlea e ia ki lātou ma te fakahāuā, ma ka holi e ia i ona vae nā fuāvine i loto o te tanoa tatau vine o te tōkahā o te Atua Hilihilikehe te Mālohi.

Fakaaliga 2:16

Liliu kehe loa mai autou agahala i te taimi nei! Kāfai koutou e hē liliu kehe, ko au ka fanatu i he taimi lata mai oi tau ma nā tino iēnā, i te pelu e hau ki fafo mai toku gutu.