Efeho 6:14 - Tokelauan New Testament

¹⁴ Tutū la ma hāuniuni! Ke kavea te kupu moni ke vē he fuhipaku e fuhi ai outou taugātiti, ma te āmiotonu ke vē he talipupuni fatafata mo koutou,

Efeho 6:14 ပူးပေါင်းရင်းမြစ်များ

Luka 12:35

“Koutou ke nonofo hāuni mo ho he mea e ono tutupu; hulu nā fuhipaku ki outou taugātiti ma fakamumū autou mōlī,

Loma 13:12

Kua loa te pō, ma kua tāli pa lele ki te ao. Ke i na tuku loa e ki tātou nā mea e fai i te pōuli, kae hiki ake nā meatau e tau ai i te mālamalama.

2 Kolinito 6:7

e ala i to mātou tautatala i te meamoni, ma e ala i te mana o te Atua. Ko ta mātou kaukupega ko te āmiotonu, e tau ma puipuia ai foki ki mātou.

Efeho 5:9

auā ko te mālamalama te kaumaia te helehelega o nā itūkāigā lelei uma lele, te āmiotonu ma te meamoni.

Efeho 6:13

Ko te mea ia, kokofu loa i te kofutau kātoatoa o te Atua! Kāfai la e pa mai te aho kino, e koutou mafaia oi teteke atu nā ohofakiga a te fili, ma kāfai e uma te tau o koutou ke pa ki te ikuga, ka hē māluelue lele te koutou tutū.

1 Tehalonia 5:8

Kae ko ki tātou ni tino e o te ao, ma e tatau o tātou māfaufau ke hako. E tatau ke kokofu ki tātou i te fakatuatua ma te alofa e vē he talipupuni fatafata, ma to tātou fakamoemoe ki te fakaolataga e vē he pūloutau.

1 Petelu 1:13

Ko te mea la ia, ke lava hāuni outou māfaufau mo nā mea ka tutupu; mataala ma tukutahi te koutou fakamoemoe ki te fakamanuiaga ka maua e koutou, kāfai ia Iehu Keliho e haele mai.

Fakaaliga 9:17

Ma e vēnei te mea na kō kitea ki nā holofanua i te fakaaliga: ko nā fitafita e tiketike i nā holofanua nae fai o lātou talipupuni fatafata kukula e vē he afi, e lanu moana e vē he hafilo, ma hehega e vē ko te teiō. Ko nā ulu o nā holofanua e vē ni ulu o ni leona, ma ko o lātou gutu e hau ai ki fafo te afi, te ahu ma te teiō.

Fakaaliga 9:9

Ko o lātou fatafata e pupuni i ni mea e vē ni talipupuni fatafata ukamea, ma ko te pākēkē o nā kapahau o ki lātou e vē ko te pākēkē o ni tāvale holofanua e lahi e tutuku ki he taua.