Efeho 6:12 - Tokelauan New Testament

¹² Auā ko ki tātou e hē tau ma tagata, kae ko ki tātou e fakahaga tau ki nā pūlega kino fakateagaga i te lagi, ki nā tupu, nā taupulega, ma nā mālohiaga i te vāteatea o te tupulaga pōgihā tēnei.

Efeho 6:12 ပူးပေါင်းရင်းမြစ်များ

Mataio 16:17

Kua lea atu ia Iehu, “Amutia koe Himona te ataliki o Ioane! Auā ko te mea tēnei e hēki iloa e koe mai he tino ola, kae na fakailoa hako atu ki a te koe e toku Tamana i te lagi.

Maleko 4:19

kae ko popōlega o te ōlaga ma te mānumanu ki koloa o te lalolagi ma iētahi mea uma e naunau ki ei, kua tumu ai te loto ma kua taomia ai te fekau ma hē fua mai ai ni fua.

Luka 13:24

“Taumafai ke kui koutou ki loto i te faitotoka vāiti; auā e lea atu au ki a te koutou, e tokalahi nā tino ka taumafai ke kui ai, kae ka hē mafai.

Luka 22:53

I aho uma ko au e fakatahi ma koutou i loto o te Mālumalu, kae e hēki koutou pukea au i kinā. Kae ko tēnei te taimi e fakatino ai e koutou te pule a te pōgihā.”

Ioane 12:31

Ko tēnei te taimi e fakamahino ai te lalolagi; ko tēnei te taimi e fakatōkilalo ai te pule o tēnei lalolagi.

Ioane 14:30

Ka hē toe mafai ke fai atu ni aku tala ki a koutou, auā te pule o te lalolagi nei kua hau. E hē ia mafaia oi pule mai ki a te au,

Ioane 16:11

ma e hehē to lātou tāofi e uiga ki te fakamahinoga, auā ko te pule o te lalolagi kua uma te fakamahinogia e te Atua.

Gāluega 26:18

Ka fakapupula e koe o lātou mata ma liliu kehe ki lātou mai te pōuliuli ki te mālamalama, mai te pule a Hātani ki te pule a te Atua, kae ke kavea ai to lātou fakatuatua mai ki a te au ma mea ka fakamāgalo ai a lātou agahala, ma kavea ai ki lātou ma vāega o tagata kua filifilia e te Atua.’

Loma 8:38

Auā e mautinoa e au, e hēai he mea e mafai ke ia vavae kehea ki tātou mai tona alofa: e hē mafai e te oti pe ko te ola, e hē mafai e agelu pe ko iētahi mālohiaga i te lagi, e hē mafai e nā mea e i ei i te taimi nei, pe ko nā mea i te taimi koi mua,

1 Kolinito 15:50

Ko te uiga o taku lea atu, te kau uho, ko te mea e gaohia i te kanofi ma te toto, e hēai hona inati i loto o te Mālō o te Atua, ma ko te mea e fano e pala, e hē mafai ke hē pala.

2 Kolinito 11:14

Ma e hetioa, auā e pa foki lava ki a Hātani, e ia fakahehēa ia tagata ke vēakē ko ia ko he agelu huhulu pupula!

2 Kolinito 4:4

Ko nā tino iēnei e hē talitonu, auā kua fakapoulitia o lātou māfaufau e Hātani, te atua kino o te lalolagi. E ia tāofiofia ki lātou ke nahe ki lātou kiteagia te mālamalama e huhulu ake ki a te ki lātou, te mālamalama e hau mai te Tala Lelei e uiga ki te mamalu o Keliho, tē e vē lava ko te Atua.

Kalatia 1:16

fakailoa mai tona Ataliki ki a te au kae ke mafai ai e au oi tālaki te Tala Lelei a uiga ki a te ia ki tagata nukukehe, e hēki hakili fehoahoani au ki he tino,

Efeho 1:21

E pule ia Keliho i kinā ki nā aliki uma o te lagi, nā taupulega, nā mālō ma aliki; e hili lele atu te maualuga ma te tāua o tona tūlaga, i lo nā tūlaga uma lele i te lalolagi nei ma te ōlaga i mua.

Efeho 1:3

Ke hiki ake fakatahi e ki tātou he fakafetai ki te Atua, te Tamana o to tātou Aliki ko Iehu Keliho. Auā e ala i te tātou hokotaga ma Keliho, kua fakamanuia ai e ia ki tātou i nā fakamanuiagia fakateagaga kehekehe uma mai te lagi.

Efeho 2:2

I nā aho iēnā, ko koutou nae mulimuli ki nā uiga kino o te lalolagi; ko koutou nae uhitaki ki te pule o agaga i te vānimonimo, tē e ia pūlea nā tino e hē uhitaki ki te Atua.

Efeho 3:10

kae ke fai ai te Ekalehia i nā aho nei, ma auala ke iloa ai e te kau agelu pule ma mālohiaga i te lagi, te matalahi o te poto o te Atua.

Kolohe 1:13

Na ia laveakia ki tātou mai te mālohi o te pōuliuli, ma kaumai ki tātou ma te haogalēmū ki loto o te mālō o tona Ataliki pele,

Kolohe 2:15

Ma ko luga o te hātaulo te na fakatōkilalo ai e Keliho nā agaga e takua ni tupu vēnā ma nā taupulega; na fakamahiahi e ia ki lātou i mua o tagata e vē ni tino kua puke fakapagotā, e ala i te fakahavavali pito ki mua o te holo e fakailoga ai tona manumālō.

2 Timoteo 2:5

Ko he tino e vili i he tūkuga e hē mafai ke maua hona togi vaganā e uhitaki ki nā tūlāfono.

Epelu 12:1

Ko te mea ia, ona ko ki tātou e hikomia e he kaifenua tokalahi o tagata e fai ma molimau, tuku kehe la nā mea uma e fai ma fakalavelave ki a te ki tātou, ma te agahala e pipiki mau mai ki a te ki tātou. Kae tātou fētutuli ma te onohai i te tūkuga ei mua nei o ki tātou,

Epelu 12:4

I nā taumafaiga a koutou ke teteke atu ki te agahala, ko hēki pa lele koutou ki te tūlaga e vē kua lamatia ai outou ola.

1 Petelu 3:22

tēia kua fano ki te lagi ma e i te itū taumatau o te Atua, ma e pule ia i agelu uma, taupulega ma mālohiaga uma i te lagi.