Efeho 5:24 - Tokelauan New Testament

²⁴ Ko te mea ia e tatau ai nā fafine ke tuku atu kātoatoa ki lātou ki a lātou tāne, e vē foki lava oi tuku atu kātoatoa te Ekalehia ki a Keliho.

Efeho 5:24 ပူးပေါင်းရင်းမြစ်များ

Luka 10:17

Kua foki mai te toka fituhefulu lua ma te fiafia lahi. Kua lea vē atu ki a Iehu, “Te Aliki, ke pa foki lava ki nā tēmoni, nae uhitaki mai kāfai e fakatonu e ki mātou i tō igoa!”

Efeho 5:23

Auā ko te tāne e ia te ia te pule ki tana āvaga, e vē foki lava ona ia Keliho te pule ki te Ekalehia, tona tino, ma ko ia foki lava ko te Fakaola.

Efeho 5:25

Koutou tāne, alolofa ki autou āvaga e vē foki lava oi alofa ia Keliho ki te Ekalehia, ma na ia tuku atua ai tona ola mo te Ekalehia.

Efeho 5:33

Kae e fakatatau foki ki a te koutou: ko tāne tau tokatahi uma e tatau ke alolofa ki a lātou āvaga, ma e vēnā foki ia fafine tau tokatahi uma, e tatau ke āva ki a lātou tāne.

Kolohe 3:20

Koutou tamaiti, ko he tiute faka-Kelihiano e o koutou ke uhiuhitaki ki outou mātua i taimi uma, auā ko te mea tonu ia e fiafia ki ei te Atua.

Kolohe 3:22

Koutou nā pologa, uhitaki ki outou matai fakatetino i nā mea uma lele, nahe koutou uhitaki oioti ona e kikila atu kae ke taku leleia ai koutou; kae fai ma te koutou loto fakamāoni, ona ko koutou e mātataku i te Aliki.

Tito 2:7

E tatau koe ke kavea ma fakatakitakiga ki tagata i taimi uma lava, e tuha ai ma te faiga o nā gāluega lelei. E tatau koe ke fakamāoni ma loto naunau lahi i au akoakoga e fai.

Tito 2:9

Fakatonu nā pologa ke uhitaki ki o lātou matai ma ke fai e ki lātou nā mea e fakafiafia ai. E hē tatau ki lātou ke talitali ki o lātou matai,