Efeho 5:16 - Tokelauan New Testament

¹⁶ Fakaaogā lelei nā avanoa uma e maua e koutou, auā ko nā aho iēnei ni aho kino.

Efeho 5:16 ပူးပေါင်းရင်းမြစ်များ

Mataio 25:17

Na vēnā foki te mea na fai e te kaukauna na tuku ki ei nā tāleni e lua, ma na toe maua mai ai iētahi tāleni e lua.

Ioane 12:35

Kua tali atu ia Iehu, “Ko te mālamalama ka i ei fakatahi ma koutou mo hina taimi. Havavali loa ka koi i ei fakatahi te mālamalama ma koutou, kae ke nahe maua koutou i te pōuli; auā ko te tino e havali i te pōuli, e hē ia iloa te mea e fano ia ki ei.

Loma 13:11

E tatau ke fai e koe te mea tēnei, auā e iloa e koe kua pa ki te taimi e tatau ke ala ai koe mai tau moe e fai. Auā ko te taimi ka maua ai e ki tātou te fakaolataga e pili lele mai nei i lo te taimi na muamua talitonu ai ki tātou.

1 Kolinito 7:26

Ona ko nā fakafītāuli e i ei i te taimi nei, e manatu ai au, e lelei atu mo he tino ke tūmau i te mea e i ei ai nei.

Kalatia 1:4

Na fakataunuku e Iehu Keliho te finagalo o to tātou Atua te Tamana, ma ofo atu tona ola mo a tātou agahala, kae ke maua ai e ki tātou te haolotoga mai tēnei lalolagi kino.

Kalatia 6:10

Ko te mea ia, i taimi uma e maua ai e ki tātou he avanoa, e tatau ke fai e ki tātou nā mea lelei ki ho he tino, kae maihe lava ki lātou i loto o te tātou kāiga Kelihiano.

Efeho 6:13

Ko te mea ia, kokofu loa i te kofutau kātoatoa o te Atua! Kāfai la e pa mai te aho kino, e koutou mafaia oi teteke atu nā ohofakiga a te fili, ma kāfai e uma te tau o koutou ke pa ki te ikuga, ka hē māluelue lele te koutou tutū.

Efeho 6:15

ma ke kavea te koutou naunau ke tālaki te Tala Lelei o te fīlēmū, ke vē ko nā hēvae i outou vae.

Kolohe 4:5

Ke koutou iloa oi fai te koutou āmio i te va feagai ma tagata hē talitonu, ma ke fakaaogā lelei nā avanoa vēnā.