Efeho 4:7 - Tokelauan New Testament

⁷ Ko te alofa tūnoa kua fōki mai e te Atua ki a te ki tātou tau tokatahi e vē foki lava ko te lahi o te meaalofa a Keliho ki a te ki tātou.

Efeho 4:7 ပူးပေါင်းရင်းမြစ်များ

Mataio 25:15

Kua tuku atu e ia ki a te ki lātou tau tokatahi, e fua lava ki te iloa ma te mālamalama o te tino; ki tētahi na tuku atu e ia ki ei te lima tāleni, ki tētahi e lua tāleni, ma tētahi e fokotahi te tāleni. Oi fano ai loa i tana malaga.

Ioane 3:34

Auā ko tē na uga mai e te Atua, e tautala i te kupu a te Atua, auā kua tuku atu kātoa ki ei, te Agaga o te Atua.

Loma 12:3

Ma e ona ko te meaalofa a te Atua ki a te au, e lea vēnei atu ai au ki a te koutou tau tokatahi uma: Ia koutou lele nahe manatu ko koutou e hili atu te lelei i lo i te tūlaga moni e i ei ai koutou. Kae e tatau koutou ke tukutuku ki lalo outou manatu, ma fuafua te tūlaga e i ei koutou ki te lahi o te fakatuatua kua fōki atu e te Atua ki a te koutou.

2 Kolinito 6:1

I ta mātou gālulue fakatahi la ma te Atua, e aioi atu ai ki mātou ki a te koutou iēnā kua taliagia te alofa tūnoa o te Atua, ke nahe koutou fakamāumauagia.

Efeho 3:2

E talitonu au kua fakalogo koutou ki te alofa tūnoa o te Atua kua ia tuku maia ai ki a te au te gāluega tēnei ke fai, kae ke maua ai e koutou he fehoahoani.

Efeho 3:8

E ui lava ko au ko te tino ia e pito hili ona fakatauva i lo tagata uma o te Atua, kae na tuku mai te alofa tūnoa e te Atua ki a te au, ke kō tālakia ki tagata nukukehe e uiga ki nā fakamanuiaga e lahi ma hē mafai oi fuafuagia, e maua ia Keliho

Epelu 2:4

I te taimi foki lava tēnā, na fakaopoopo e te Atua tana molimau ki nā molimau a nā tino iēnei, e ala i nā itūkāigā vāvega ma nā mea ofoofogia kehekehe na ia faia, ma te tufatufaga o nā meaalofa a te Agaga Paia, e tuha ai ma te mea kua finagalo ia ki ei.

1 Petelu 4:10

Kua tuku atu e te Atua ki a te koutou tau tokatahi nā meaalofa kehekehe ke koutou kikilagia, fakaaogā lelei la ke tautua ai ki iētahi tino.