Efeho 4:5 - Tokelauan New Testament

⁵ E tahi te Aliki, tahi te talitonuga, tahi te papatihoga;

Efeho 4:5 ပူးပေါင်းရင်းမြစ်များ

Mataio 28:19

Olo la oi fai ia tagata o mālō uma o te lalolagi ma oku hoko: papatiho atu ki a te ki lātou i te igoa o te Tamana, te Ataliki ma te Agaga Paia,

Gāluega 10:36

Kua koutou iloa te fekau na ia kaumaia ki tagata o Ihalaelu, na folafola ai te Tala Lelei o te fīlēmū e ala ia Iehu Keliho, te Aliki o tagata uma.

Gāluega 2:36

“Ko te mea ia e tatau ai ke iloa ma mautinoa e koutou nā tino Ihalaelu uma, ko te Iehu tēnei, tēia na koutou fakahātauloagia, ko te tino ia kua fai e te Atua ma Aliki, ma ko ia ko te Mehia!”

Loma 3:30

E fokotahi oioti lava te Atua, ma ka ia fakaleleia te va o tagata Iutaia ma ia, e ala i to lātou fakatuatua. Ka vēnā foki oi ia fakaleleia te va o tagata nukukehe ma ia, e ala i to lātou fakatuatua.

1 Kolinito 1:13

Ko Keliho kua uma te tavaevae ki ni vāega! Ko Paulo nei te na mate i luga o te hātaulo mo koutou? Na papatiho nei koutou i te igoa o Paulo?

1 Kolinito 1:2

Ki te Ekalehia a te Atua i Kolinito, ki a te koutou uma kua kalagagia e te Atua ke kavea ma ona tagata, i te māfutaga ma Keliho Iehu, fakatahi ai ma nā tino uma lele, pe ko fea lava te mea e tāpuaki ai ki to tātou Aliki ko Iehu Keliho, te Aliki o ki lātou vēnā ma ki tātou.

1 Kolinito 12:13

E vēnā foki la ki tātou uma, pe ko ki tātou ni tagata Iutaia pe ni tagata nukukehe, pe ni pologa pe ni tagata haoloto, ko ki tātou uma kua papatiho e te Agaga e fokotahi ki loto o te tino e fokotahi, ma kua tuku e te Atua te Agaga tēnei e fokotahi ki loto o nā loto o ki tātou uma lele.

1 Kolinito 12:5

E i ei nā itūkāigā auala kehekehe e tautua ai, kae ko te Aliki lava e fokotahi te tautua ki ei.

1 Kolinito 8:6

kae mo ki tātou, e fokotahi oioti lava te Atua, ko te Tamana, na ia gaohia ia mea uma, ma ko ki tātou e ola mo ia; ma e fokotahi oioti lava te Aliki, ko Iehu Keliho, e ala ia te ia na gaohiga ai ia mea uma, ma e ala ia te ia kua ola ai ki tātou.

2 Kolinito 11:4

Auā kua fiafia koutou oi fakataga ho he tino e fanatu oi folafola atu e uiga ki he Iehu kehe, e kehe ma te Iehu na folafola atu e ki mātou; ma talia e koutou he agaga ma he tala lelei e kehe mai te Agaga ma te tala lelei na maua e koutou mai ia te ki mātou!

Kalatia 5:6

Auā kāfai ki tātou e i te hokotaga ma Keliho Iehu, e hēai lele he mea e kehe ai pe kua pelitome pe hēai. Oioti lava te mea e tāua ko te koutou fakatuatua e mafai ai koutou ke alolofa ki iētahi tagata.

Efeho 4:13

Oi ko ki tātou la ka fuhia fakatahi ke fai ma tino e tahi i to tātou talitonuga ma to tātou iloa o te Ataliki o te Atua; ka kavea ki tātou ma tagata kua kātoatoa te mātutua i to tātou talitonu ki te Atua, e vē foki lava ko Keliho.

Filipi 2:11

ma ka takutaku atu e ki lātou uma lele ko Iehu Keliho ko te Aliki, ke vīkia ai te Atua te Tamana.

Filipi 3:8

E hē nā ko nā mea iēnā oioti. Ia te au, e hēai lele he mea e hili atu te tāua i lo te iloa e au o Keliho Iehu toku Aliki. Kua tīaki e au nā mea uma lele, auā ia te au, ni otaota uma nā mea iēnā. Oioti lava te mea e fofou au ke kō maua ko Keliho,

Tito 1:1

Mai ia Paulo, he kaukauna e a te Atua ma ko he apohitolo e a Iehu Keliho. Ko au na filifilia ke fehoahoani ki tagata o te Atua ke tūmau to lātou fakatuatua ma takitaki ki lātou ki te meamoni e akoako e te tātou talitonuga,

Tito 1:4

Ki a Tito, toku ataliki moni e ala i te talitonuga kua talia fakatahi e ki tāua. Ke ia te koe te alofa tūnoa ma te fīlēmū o te Atua te Tamana ma Keliho Iehu to tātou Fakaola.

Epelu 13:7

Māfaufau ki nā takitaki muamua o koutou kua momoe atu, iēia na ki lātou fakailoa atua te kupu a te Atua ki a te koutou. Māfaufau ki o lātou ōlaga ma pe na vēhea ona feoti, ma fakatakitaki ki to lātou fakatuatua.

Epelu 6:6

Kae nei kua liliu kehe ki lātou mai te Atua. E hē mafai ke toe kaumai ki lātou ke toe halamō, auā e vē lava kua toe fakahātaulo e ki lātou te Ataliki o te Atua, ma faigōfie ai ke fakatauemu ki ei ia tagata.

Iakopo 2:18

Kae ka lea vē he tino, “E mafai ke fakatuatua tētahi tino kae fai ni gāluega e tētahi.” Ko taku tali ki ei, “Fakahino mai pe vēhea ona i ei he fakatuatua i he tino kae hē faia ni ana gāluega? Ka fakahino atu e au toku fakatuatua e ala ai aku gāluega.”

1 Petelu 3:21

Ko he fakailoga tēnā e fakatatau ki te papatihoga, tēia kua fakaola ai nei koutou. E hē ko te fakamamā kehega o nā kelekele mai te tino, kae ko te takutinoga e fai ki te Atua mai te lotofuatia e mamā, te fakaola ai koutou e ala i te toetū o Iehu Keliho,

2 Petelu 1:1

Mai ia Himona Petelu, he kaukauna ma he apohitolo e a Iehu Keliho — Ki nā tino kua fōki ki ei he fakatuatua tāua e vē foki lava ko ki mātou, e ala i te āmiotonu o to tātou Atua ma to tātou Fakaola ko Iehu Keliho:

Iuta 1:20

Kae ko koutou aku uō pele, ke haga ati ake pea i te fakavae o te koutou fakatuatua e hili te paia. Tatalo i te mana o te Agaga Paia,

Iuta 1:3

Aku uō pele, ko au nae taumafai ke tuhi atu ki a te koutou e uiga ki te fakaolataga kua maua fakatahi e ki tātou. Kae nei kua ia te au te lagona ke tuhi vave atu loa, ma fakamālohi atu ko koutou ke tau pea lava mo te talitonuga faka-Kelihiano kua fōki mai e te Atua ki ona tagata.