Efeho 4:31 - Tokelauan New Testament

³¹ Tīaki te loto tīgā, te loto fekai ma te ita. Nahe toe taukekē pe faikupu fakakino, nahe toe i ei lele ni manatu e fakatupu ai te loto ita.

Efeho 4:31 ပူးပေါင်းရင်းမြစ်များ

Gāluega 21:30

Kua kāmata oi vevehi ia tagata uma o te kakai, ma fetutuli fakatahi oi puke ia Paulo ma toho ki fafo o te Mālumalu, ma na tapunia ai loa nā faitotoka o te Mālumalu i te taimi tēnā.

Loma 3:14

ko a lātou kupu e tumu i te ita ma te fetū.

1 Kolinito 14:20

Te kau uho, koutou nahe vē ni tamaiti i outou manatunatuga; koutou ke vē ni pepe e tuha ai ma nā mea e kino, kae ke vē ni tino mātutua e tuha ai ma nā manatunatuga o koutou.

1 Kolinito 5:8

Ke ki tātou fakamanatua la te Pāheka, i te falaoa e hēai he fefete, te falaoa o te fakamāoni ma te meamoni, kae hē ko te falaoa e i ei te fefete tuai o te agahala ma te āmio kino.

2 Kolinito 12:20

Ko au e popole nā ia au e pa atu kua kehe te tūlaga kua i ei koutou i lo te mea e fofou au ki ei, ma koutou kitea kua kehe te tūlaga kua i ei au i lo te mea e fofou koutou ki ei. Ko au e popole nā ia au e pa atu ko koutou e tauai miha ma loto kino, e loto ita ma manatu fakapito, e tau fakakino ma faitatala, e mimita ma hē pūlea.

Kalatia 5:20

ko te ifo ki tupua ma te fai mea fakataulaitu. Ko te fevaevaeaki ma tauaimiha; ko te loto kino, ko te ita ma te manatu fakapito. Ko te fetekeaki ma fai itū kau;

Efeho 4:22

Ko te mea ia, tīaki loa outou uiga tuai nae ola ai koutou muamua — nā uiga tuai e fakaumatia ai koutou ona e maua mai ai e koutou nā tuinanauga e fakahehē ai.

Efeho 4:25

Ko te mea ia, tuku loa te faitala pepelo. Ko ki tātou uma ni vāega e o te tino o Keliho, e tatau la ke tautala te uho Kelihiano ki tētahi ona uho, i te meamoni.

Efeho 4:26

Kāfai koutou e ita, nahe kavea te koutou ita ma mea e agahala ai koutou, ma nahe fano te aho kātoa koi ita koutou.

Kolohe 3:19

Koutou tāne, alolofa ki autou āvaga ma nahe koutou fakahāuā ki ei.

Kolohe 3:8

Kae nei, kua tatau ke tīaki e koutou nā mea uma iēnei: ko te loto fekai, ko te nauloto ma nā lagona kino. Nahe i ei lele ni kupu fakakino, pe ni kupu palapalā e hau mai outou gutu

1 Timoteo 3:11

Ko nā āvaga a ki lātou e tatau foki ni tino e āmio lelei ma e hē faitala fakakino; e tatau ke fai fuafua lelei o lātou uiga ma ke fakamāoni i mea uma.

1 Timoteo 3:3

e hē ko he tino e fiafia oi inu lahi ma konā, e hē fakahāuā kae e agamalū ma tauhi ki te fīlēmū, e hē mānumanu ki te tupe;

1 Timoteo 5:13

E hē gata i tēnā, kua ki lātou iloa foki oi fakamāumau o lātou taimi, i te oatu mai tēia fale ki tēia fale. Kae ko te mea e hili te kino, kua ki lātou iloa oi faitala fakakino ma aiā tauanoa ki nā mea e hēai he lātou fekau ki ei.

2 Timoteo 2:23

Tau mamao ma nā fīnauga valea ma hēai he uiga; e iloa e koe ko te ikuga o nā mea iēnei ko te tauaimiha.

2 Timoteo 3:3

ka hē loto alolofa, hē loto fakamāgalo, ka tau fakakino, ka fakahāuā, ma hē pūlea; ka feita ki nā mea lelei;

Tito 1:7

Auā ko te takitaki o he Ekalehia e kikila e ia te gāluega a te Atua, ma e tatau ke lelei tana āmio. E hē tatau ke fakamaualuga pe māitaita, pe konā, pe fakahāuā, pe maetupe.

Tito 2:3

Ke vēnā foki oi fakatonu e koe ia fafine mātutua ke vē a lātou āmio ko nā āmio a ni fafine kua ola i he ōlaga kua fakapaiagia. Nahe faitala tau fakakino pe fai ma pologa a te uaina. E tatau ke akoako e ki lātou nā mea e lelei,

Iakopo 1:19

Te kau uho pele, ke koutou manatua te mea tēnei! Ko koutou e tatau ke vave te fakalogo, kae tuai te tautala ma tuai te ita.

Iakopo 3:14

Kae kāfai nā loto o koutou e tumu i te fuā, te ita ma te fakapito, koutou nahe gugutu ma talapepelo ke mumuni ai te meamoni.

Iakopo 4:11

Te kau uho, nahe faitio tētahi ki tētahi. Kāfai e faitio pe fakamahino e koe hētahi tino, kua faitio ma fakamahino e koe te Tūlāfono. Kāfai e fakamahino e koe te Tūlāfono, ko tona uiga ko koe ko he tino e hē i lalo o te Tūlāfono, kae ko he tino e fakamahino e ia.

1 Petelu 2:1

Ko te mea ia, kave kehe loa nā uiga kino uma; nahe toe talapepelo, pe fakagutugutulua, pe fuā pe fai tala fakakino.

1 Ioane 3:12

Ki tātou nahe vē ko Kaino; na tāmate e ia tona uho ko Apelu ona ko ia ko he fānau e a te Tino Kino. He ā te na tāmate ai e Kaino tona uho? Auā nae kino nā mea nae ia faia, kae lelei nā mea nae fai e tona uho.

1 Ioane 3:15

Ko ai lava he tino e inoino ki hētahi tino, he tāmate tino tēnā, ma kua iloa e koutou e hēai he tāmate tino e ia te ia te ola e fakavavau.

Fakaaliga 12:10

Oi kō lagona ai he leo lahi i te lagi e lea vē, “Kua fakaalia te fakaolataga a te Atua i e taimi nei. Kua fakaalia e te Atua tona mālohi ko ia ko te Tupu i te taimi nei. Kua fakaalia te pule a tona Mehia i te taimi nei! Auā ko tē nae tū i mua o te Atua ma mōlia o mātou uho Kelihiano i te ao ma te pō, kua togi ki lalo mai te lagi.