Efeho 4:3 - Tokelauan New Testament

³ Ko te Aliki te kua maua ai e koutou te tahi. Taumafai la ki te mea e gata ai te koutou mafai, ke tūmau pea te tahi o koutou. Ko te auala e mafai ai te mea tēnei, ko te fuhia fakatahi o koutou i te fīlēmū.

Efeho 4:3 ပူးပေါင်းရင်းမြစ်များ

Maleko 3:24

Kāfai he mālō e fevaevaeaki ma tauai miha lava ki lātou, ko te mālō tēnā ka mālepelepe.

Ioane 13:34

Ma i te taimi nei, e kō tuku atua ki a te koutou he fakatonuga fou: ke alofa tētahi ki tētahi. E vē ona alofa atu au ki a te koutou, ke vēnā foki ona alofa tētahi ki tētahi.

1 Kolinito 1:10

I te igoa o to tātou Aliki ko Iehu Keliho, e lea atu ai au ki a te koutou oku uho, ma toku loto naunau, ko koutou ke tahi i nā mea e tautatala ai koutou, kae ke nahe i ei ai ni fevaevaeakiga ia te koutou. Ke tahi kātoatoa koutou, tahi te manatu ma tahi te fakamoemoe.

2 Kolinito 13:11

Ma i te taimi nei la, ko au e fakatōfā atu ki a te koutou oku uho. Hui autou āmio ma fakalogo ki nā mea kua lea atu ai au. Fealofani ma ola i te fīlēmū, ma ka fakatahi te Atua o te alofa ma te fīlēmū ma koutou.

Efeho 4:13

Oi ko ki tātou la ka fuhia fakatahi ke fai ma tino e tahi i to tātou talitonuga ma to tātou iloa o te Ataliki o te Atua; ka kavea ki tātou ma tagata kua kātoatoa te mātutua i to tātou talitonu ki te Atua, e vē foki lava ko Keliho.

Efeho 4:4

E tahi te tino ma tahi te Agaga, e vē foki lava oi tahi te fakamoemoe kua kalagagia ai koutou e te Atua.

1 Tehalonia 5:13

Koutou ke fakaaloalo lahi ma alolofa ki a te ki lātou, ona ko nā gāluega a ki lātou e fai. Ke maua fakatahi e koutou te fīlēmū.

Epelu 12:14

Taumafai ke maua te fīlēmū i te va o koutou ma iētahi tino uma lele, ma taumafai oi ola e vē ko nā tino kua ofo atu o lātou tagata mo te Atua, auā e hēai he tino e mafai ke kikila ki te Aliki kāfai e hē ia faia te mea tēnei.