Efeho 4:29 - Tokelauan New Testament

²⁹ Nahe fakaaogā e koe ni kupu e ogohia ai hētahi tino, kae tautala i nā kupu e mafai ke fehoahoani ke ati ake ma maua ai ni fehoahoaniga, kae ke aogā ai autou kupu ki nā tino uma e fakalogo ki ei.

Efeho 4:29 ပူးပေါင်းရင်းမြစ်များ

Mataio 5:16

Ke vēnā foki oi māina atu tau mōlī ki tagata, kae ke kitea ai e ki lātou au mea lelei e fai, ma vīkia ai te koutou Tamana i te lagi.

Luka 4:22

Na fiafia lahi ki lātou uma, ma ofo lele ki te lelei o ana fakakupuga nae tautala ai. Kua vē ake te lātou kupu, “E hē ko ia tēnei te ataliki o Iohefa?”

Ioane 1:37

Kua lagona atu e nā hoko e toka lua o ia te mea tēnei, oi olo ai kua mulimuli ki a Iehu.

Loma 14:19

Ko te mea ia, ko ki tātou e tatau ke taumafai pea lava ke ola i te fīlēmū ma fehoahoani tētahi ki tētahi, ke taufai mālolohi ai.

Loma 15:2

E tatau ke fai e ki tātou uma nā mea ke fiafia ai iētahi kua talitonu ki te Atua, kae ke kavea ma mea e mālohi ātili ai to lātou fakatuatua.

1 Kolinito 14:19

Kae i nā faigālotu, e hili atu toku tautala i ni kupu e lima e mafai ke mālamalama ai, kae ke akoako ai iētahi tino, i lo toku tautala i ni kupu e hefulu afe i he gagana kehe.

Efeho 4:12

Na fai e ia te mea tēnei ke hāunia ai ia tagata uma o te Atua mo nā gāluega faka-Kelihiano, kae ke ati ake ai te tino o Keliho.

Efeho 4:16

I lalo o tana taukikilaga, ko nā itūtino kehekehe uma o te tino e nofo tonu ma fetaui lelei, ma ko te tino kātoa e tamau fakatahi e nā hokoga takitahi uma kua hāunia e ia. Ko te mea ia, kāfai nā vāega kehekehe takitahi e gālulue e vē ona fuafuagia, ka vēnā foki oi tuputupu ake te tino kātoa ma fano e mālohi e ala i te alofa.

Kolohe 4:6

Ko autou kupu e tatau ke lelei ma mālie i te fakalogo, ma e tatau ke mafai e koutou oi kavatu ni tali e hako ki ni fehili e fai atu e ho he tino.

1 Tehalonia 5:11

Ko te mea ia e tatau ai lava koutou ke fakamākeke ma fehoahoani tētahi ki tētahi, e vē lava ko te mea e fai e koutou i te taimi nei.

1 Petelu 2:12

E tatau ke lelei autou āmio i te kikila a nā tino fakapaupau. Kāfai la ka faitiogia koutou e ki lātou ma lea e koutou faia nā āmioga kino, ka mafai ke ki lātou kitea autou gāluega lelei ma viviki ake ai ki te Atua i te Aho e haele mai ai.

1 Petelu 3:1

E vēnā foki koutou fafine kua fai kāiga, e tatau koutou ke i lalo o te pule a autou tāne. E tuha lava la pe i ei ni tino o ki lātou e hē talitonu ki te kupu a te Atua, kae ka kavea te koutou uhitaki ma mea e liliu ai ki lātou ma talitonu. E hē tau faia e koutou he kupu ki ei,

2 Petelu 2:18

E fai e ki lātou nā tala mimita ma te valea, ma fakatōhina e ki lātou e ala i nā tuinanauga o te tino, nā tino fātoā mafai ke olo kehe mai i te ōlaga hehē.