Efeho 4:28 - Tokelauan New Testament

²⁸ Kāfai koe he tino kaihohoa, tuku loa te kaihohoa kae kāmata galue mālohi ke ola koe i au gāluega ma mafai ai koe ke fehoahoani ki nā tino mātitiva.

Efeho 4:28 ပူးပေါင်းရင်းမြစ်များ

Luka 19:8

Oi tū ai ia Hakaio ki luga oi lea vē atu ki te Aliki, “Te Aliki, kikila! Ka fōki e au te āfa o āku koloa ki nā tino mātitiva, ma kāfai e i ei he tino na kave fakakaihohoa e au ni ana mea, ka fakafa te lahi o nā mea ka toe totogi e au ki ei.”

Luka 3:8

Fai nā mea ke iloa ai ko koutou kua halamō i autou agahala, ma ia koutou nahe kāmata oi lea vē tētahi ki tētahi, ‘Ko Apelaamo he tupuna e o ki mātou’ auā e lea atu au ki a te koutou, e mafai e te Atua oi fakaliu tino nā fatu iēnei, ke fai ma lāpuna o Apelaamo.

Ioane 12:6

Ko Iuta na lea vēnā, e hē ona ko hona alofa moni ki nā tino mātitiva, kae ona nae ia kikilagia te taga e teu ai a lātou tupe, ma nae māhani oi ia kaihohoa mai ai ni tupe.

Ioane 13:29

Ona ko Iuta te nae kikilagia te taga tupe, na vēake ai iētahi o te kau hoko, ko Iehu na lea ki ei ke fano oi fakatau nā mea e manakomia e ki lātou mo te Kaiga Fakamanatu o te Pāheka, pe ke kave he mea ma nā tino mātitiva.

Loma 12:13

Kave he vāega o autou mea ke ola ai outou uho Kelihiano mātitiva, ma talia i loto o outou fale nā tino kehe.

1 Kolinito 4:12

ma e fakaaogā o mātou lima i nā gāluega fītā. Kāfai ki mātou e fetū e tagata, e fakamanuia e ki mātou; kāfai ki mātou e maua i nā hāuāga, e onohai ki mātou;

2 Kolinito 8:12

Kāfai koutou e naunau ke fōki, ka taliagia e te Atua tautou meaalofa fua kinā mea kua i outou lima, kae e hē fua kinā mea e hē tagolima koutou ki ei.

2 Kolinito 8:2

Nae āfāina ki lātou i nā fakafītāuli, kae ko te lahi o to lātou fiafia na fakaatili ai to lātou limafoaki, e ui lava e mātitiva lahi lele.

Kalatia 6:10

Ko te mea ia, i taimi uma e maua ai e ki tātou he avanoa, e tatau ke fai e ki tātou nā mea lelei ki ho he tino, kae maihe lava ki lātou i loto o te tātou kāiga Kelihiano.

1 Timoteo 6:18

Fakatonu ke fai e ki lātou nā mea e lelei, ke maukoloa ki lātou ia lātou gāluega lelei e fai, ma ke lima fōaki ma fehoahoani ki iētahi tino.

Tito 3:14

E tatau o tātou tagata Kelihiano i Kelete ke ki lātou iloa oi fakaaogā o lātou taimi ke fai ai ni gāluega lelei, kae ke mafai ai ke fehoahoani ki nā tino e fofou vave ki he fehoahoani; e hē tatau ke ola ki lātou i he ōlaga e hē tupu mai ai ni fua lelei.

Tito 3:8

Ko te fakakupuga tēnei e hako. Ko au e fofou ko koe ke fakamākeke oi tautala i nā mea iēnei, kae ke mafai ai nā tino kua talitonu ki te Atua ke fano hako o lātou taimi ki te faiga o nā mea e lelei, ma fai ai e ki lātou ni gāluega e lelei ma aogā.