Efeho 4:25 - Tokelauan New Testament

²⁵ Ko te mea ia, tuku loa te faitala pepelo. Ko ki tātou uma ni vāega e o te tino o Keliho, e tatau la ke tautala te uho Kelihiano ki tētahi ona uho, i te meamoni.

Efeho 4:25 ပူးပေါင်းရင်းမြစ်များ

Ioane 8:44

Ko koutou ko nā fānau a te koutou tamana, te Tiāpolo, ma e fofou lava koutou ke fai te mea e fofou ia ki ei. Mai te kāmataga, ko ia ko he fahioti tagata ma nae hē fofou lele ki te meamoni, ona e hēai he meamoni e ia te ia. Kāfai e tautala i te pepelo, e fai lava e ia te mea kua māhani ai, auā ko ia ko he tino talapepelo, ma ko te tamana o talapepelo uma.

Loma 12:5

E vēnā foki lava ki tātou, e ui e tokalahi ki tātou, kae e tahi te tino i te māfutaga ma Keliho. Ko ki tātou uma ni vāega takitahi e hohoko tētahi ki tētahi i te tino e tahi.

1 Kolinito 10:17

Ona e fokotahi te falaoa, ko ki tātou uma, e ui e tokalahi, kae e tahi i te tino, auā ko ki tātou uma e kakai ki te falaoa e fokotahi.

2 Kolinito 7:14

Na fakaali toku fāfia ki a Tito ona ko koutou, ma e hēki koutou faia lele he mea ke hui ai toku lagona tēnei. Ko ki mātou e tautatala lava ki a te koutou i te meamoni, ma e vēnā foki to mātou fāfifia na fai ki a Tito, ko tēia kua hako foki lava.

Efeho 4:15

Kae ko ki tātou e tatau ke tautatala i te meamoni ma te agaga alofa o tētahi ki tētahi. Ko Keliho ko te ulu o te Ekalehia, e tatau ai la ki tātou ke tuputupu ake ke vē ko ia i ho he itū.

Efeho 4:22

Ko te mea ia, tīaki loa outou uiga tuai nae ola ai koutou muamua — nā uiga tuai e fakaumatia ai koutou ona e maua mai ai e koutou nā tuinanauga e fakahehē ai.

Efeho 4:31

Tīaki te loto tīgā, te loto fekai ma te ita. Nahe toe taukekē pe faikupu fakakino, nahe toe i ei lele ni manatu e fakatupu ai te loto ita.

Efeho 5:30

auā ko ki tātou ni vāega e o tona tino).

Kolohe 3:8

Kae nei, kua tatau ke tīaki e koutou nā mea uma iēnei: ko te loto fekai, ko te nauloto ma nā lagona kino. Nahe i ei lele ni kupu fakakino, pe ni kupu palapalā e hau mai outou gutu

Kolohe 3:9

Nahe pepelo tētahi ki tētahi, auā kua uma te koutou tuku keheagia o te tino tuai ma ona uiga

1 Timoteo 1:10

nā tino fai āmio mātagā, nā tamāloa e nanau ki nā tino o iētahi tamāloa, nā tino e pukea fakamālohi iētahi tino, nā tino tala pepelo ma molimau pepelo, pe faia foki ho he mea e teteke ki ei nā akoakoga moni faka-Kelihiano,

1 Timoteo 4:2

Ko nā akoakoga vēnā e fakahalalau e nā tino talapepelo fakahehē, kua mamate o lātou lotofuatia, e vē na huhunu i he ukamea kakaha.

Tito 1:12

Ko he tino foki lava mai Kelete, he pelofeta, te na tautala i te meamoni i te leaga vēia, “Ko nā tino Kelete ni tino talapepelo i taimi uma lava, ni manu fēkakai, ni tino kakai fakaatuatuvale ma paieē.” Ona ko te tūlaga tēnei, e tatau ai ke tautalagia lahi ki lātou, kae ke fakahako ai te mea e talitonu ki lātou ki ei,

Tito 1:2

iē e fakavae i luga o te fakamoemoe mo te ola fakavavau. Ko te Atua e hē pepelo, ma na ia folafola maia te ola fakavavau tēnei ka ko hēki faia te lalolagi,

Epelu 12:1

Ko te mea ia, ona ko ki tātou e hikomia e he kaifenua tokalahi o tagata e fai ma molimau, tuku kehe la nā mea uma e fai ma fakalavelave ki a te ki tātou, ma te agahala e pipiki mau mai ki a te ki tātou. Kae tātou fētutuli ma te onohai i te tūkuga ei mua nei o ki tātou,

Iakopo 1:21

Ko te mea ia e tatau ai ke tīaki e koutou nā āmio mātagā ma nā uiga kino uma, kae talia ma te loto maulalo te kupu kua uma te ia totōagia i outou loto ke maua ai e koutou te fakaolataga.

1 Petelu 2:1

Ko te mea ia, kave kehe loa nā uiga kino uma; nahe toe talapepelo, pe fakagutugutulua, pe fuā pe fai tala fakakino.

Fakaaliga 21:8

Kae ko nā tino palakakai, vēnā ma nā tino kua toe liliu kehe mai te Atua, nā tino āmio kino, nā tino tāmate tino, nā tino e tuinanau ki te tino, nā taulāitu, nā tino e ifo ki tupua ma nā tino talapepelo uma lele — ko te nofoaga mo ki lātou ko te vaitūloto e mumū i te afi ma te teiō, ko te oti tēnā tona lua.”

Fakaaliga 22:15

Kae i fafo o te kakai, ka i ei ai nā tino e vē ni kulī, nā taulāitu, nā tino e tuinanau ki te tino, nā tino tāmate tino, nā tino ifo ki tupua, nā tino e fiafia oi tala pepelo ma fai nā mea hehē.