Efeho 4:23 - Tokelauan New Testament

²³ E tatau outou loto ma outou māfaufau ke toe fakafougia kātoatoa,

Efeho 4:23 ပူးပေါင်းရင်းမြစ်များ

Loma 12:2

Koutou nahe mulimuli ki faiga a te lalolagi, kae ke līua koutou e ala i te hūia kātoatoa e te Atua o outou māfaufau. Oi ka iloa tonu ai e koutou te finagalo o te Atua — te mea e gali ma e fiafia ai ia, ma e kātoatoa te lelei.

Loma 6:4

I te papatihoga la o ki tātou, ko ki tātou na oti ma na tanu fakatahi ma Keliho. Ko ki tātou na papatiho kae ke ola ai ki tātou i he ola fou, e vē ona toe fakatū ia Keliho ki te ola i te mana o te Atua te Tamana.

Loma 8:6

Kāfai te māfaufau e pūlea e te natula fakatetagata, ko te ikuga ko te oti; kāfai e pūlea e te Agaga, ko te ikuga ko te ola ma te fīlēmū.

Efeho 2:10

Ko ki tātou na fai e te Atua ke vē lava ko te tūlaga kua i ei ki tātou, ma i te māfutaga ma Keliho Iehu na gaohia ai ki tātou e te Atua mo he ōlaga o gāluega lelei, tēia kua uma te ia hāunia ke fai e ki tātou.

Kolohe 3:10

ma kua i ei outou tino fou. Ko te tino ola fou tēnei e fakafougia pea lava e te Atua tē na faia ia mea uma, ke fōliga ki a te ia, kae ke mālamalama kātoatoa ai koutou e uiga ki a te ia.

Tito 3:5

ma kua fakaola ai ki tātou. E hē ona ni gāluega lelei na ki tātou faia, kae ona ko tona alofa fakahao mo ki tātou. E ala i te mana o tona Agaga na ia fakamamāgia ai ki tātou ma mafai ai ke toe fanaufougia ki tātou ma maua ai e ki tātou te ola fou.

1 Petelu 1:13

Ko te mea la ia, ke lava hāuni outou māfaufau mo nā mea ka tutupu; mataala ma tukutahi te koutou fakamoemoe ki te fakamanuiaga ka maua e koutou, kāfai ia Iehu Keliho e haele mai.