Efeho 4:15 - Tokelauan New Testament

¹⁵ Kae ko ki tātou e tatau ke tautatala i te meamoni ma te agaga alofa o tētahi ki tētahi. Ko Keliho ko te ulu o te Ekalehia, e tatau ai la ki tātou ke tuputupu ake ke vē ko ia i ho he itū.

Efeho 4:15 ပူးပေါင်းရင်းမြစ်များ

Ioane 1:47

I te kitea atuga e Iehu ko Natanielu e hau ki a te ia, oi lea ai vēia, “Kikila, he Ihalaelu moni tēnei; he tino e hē mafai ke pepelo!”

Loma 12:9

Ko te alofa e tatau ke kātoatoa te moni. Inoino ki te mea e kino, tāofi mau ki te mea e lelei.

1 Kolinito 11:3

Kae ko au e fofou ke koutou manatua ko te ulu o ho he tino ko Keliho, ko te ulu o he fafine ko tana tāne, ma ko te ulu o Keliho ko te Atua.

2 Kolinito 4:2

Kua tuku kehe e ki mātou nā uiga mātagā uma ma nā faiga fakalilolilo; e hē taumafai ki mātou ke fakahehē he tino, pe fakaliliu hehē te fekau a te Atua. E molimau te Atua ko ki mātou e tautatala oioti i te meamoni, ma ko te mea ia ka mafai ai ke talitonu mai nā tino ki a te ki mātou.

2 Kolinito 8:8

Ko koutou e hē kō fakatonua. Kae e fia kō iloa pe moni te koutou alofa, kāfai e fakatuhatuha ki te naunau lahi o iētahi tino ke fehoahoani.

Efeho 1:22

Kua tuku e te Atua nā mea uma ki lalo o nā vae o Keliho, ma tuku atu e ia ki te Ekalehia ke kavea ma Aliki hilihili e pule i nā mea uma.

Efeho 1:4

Ka ko hēki fakavaea te lalolagi ka kua uma te filifilia o ki tātou e te Atua ke fai mo ia, e ala i te tātou hokotaga ma Keliho, kae ke paia ai ki tātou ma hēai ni hehē i mua o ia. Ona ko tona alofa

Efeho 2:21

Ko ia te tamaua te fale kātoa ke mau, ma ia faua ke kavea ma mālumalu kua fakapaia mo te Aliki.

Efeho 4:25

Ko te mea ia, tuku loa te faitala pepelo. Ko ki tātou uma ni vāega e o te tino o Keliho, e tatau la ke tautala te uho Kelihiano ki tētahi ona uho, i te meamoni.

Efeho 5:23

Auā ko te tāne e ia te ia te pule ki tana āvaga, e vē foki lava ona ia Keliho te pule ki te Ekalehia, tona tino, ma ko ia foki lava ko te Fakaola.

1 Petelu 1:22

I te taimi nei, ona ko koutou kua talitonu ki te meamoni, kua fakamamāgia ai koutou mai te agahala, ma ia te koutou ai te alofa moni ki iētahi uho a Kelihiano, ma alofa tētahi ki tētahi ma te loto kātoa.

1 Petelu 2:2

Ke vē koutou ni pepe fātoā fānanau mai, e fia inu pea lava ki te huhu mamā fakateagaga, kae ke tutupu ake ai koutou ma fakaolagia ona ko koutou e inu ki ei.

2 Petelu 3:18

Kae ke tupu olaola pea koutou i te alofa tūnoa ma te mālamalama mai to tātou Aliki ma to tātou Fakaola ko Iehu Keliho. Ke ia te ia nā vīkiga, nei ma ke pa lava ki te fakavavau! Amene.

1 Ioane 3:18

Taku fānau, ki tātou nahe alolofa i ni kupu ma ni tala, kae ia tātou gāluega e fai ma te alofa moni.