Efeho 4:11 - Tokelauan New Testament

¹¹ Ko ia te na ia “fōkia nā meaalofa ki tagata”; na ia tōfiagia iētahi ke kavea ma apohitolo, ko iētahi ma pelofeta, ko iētahi ma tino tālaki, ko iētahi ma faifekau ma iētahi ma faiakoga.

Efeho 4:11 ပူးပေါင်းရင်းမြစ်များ

Mataio 28:20

ma akoako ki a te ki lātou ke mulimuli ki nā mea kua kō fakatonua ai koutou. Ma ko au ka fakatahi pea lava ma koutou, ke pa lava ki te gataaga o te ōlaga.”

Gāluega 13:1

Nae i te Ekalehia i Anitioka he vāega o te kau pelofeta ma ni faiakoga: ko Panapa, ko Himeona (nae fakaigoa ko te Nekelō), ko Loukio (mai Kulene), ko Manaene (tēia na ola fakatahi ake ma Helota te kōvana), ma Haulo.

Gāluega 20:28

Ko te mea ia, koutou ke mataala ma kikila lelei te lafu māmoe kua tuku atu e te Agaga Paia ke kikila e koutou. Ke kavea koutou ma leoleomāmoe o te Ekalehia a te Atua, tēia kua ia kavea ke fai mo ia, e ala i te toto o tona Ataliki.

Gāluega 21:8

I te aho alafaki na olo kehe ai ki mātou, ma taunuku atu ki Kaihaleia. Na nonofo ki mātou i kinā i te fale o Filipo te tino tālaki o te Tala Lelei, ko hētahi ia o te toka fitu taulelea na filifilia ke fai ma fehoahoani i Ieluhalema.

Loma 12:7

kāfai ko te tautua, e tatau ki tātou ke tautua; kāfai ko te akoako, e tatau ki tātou ke akoako;

1 Kolinito 12:4

E i ei nā itūkāigā meaalofa fakateagaga kehekehe, kae ko te Agaga lava e fokotahi te maua mai ai.

Efeho 2:20

Ko koutou foki, kua fau ake e vē he fale ki luga o te fakavae na tuku ki lalo e te kau apohitolo ma te kau pelofeta, ma ko Iehu Keliho ko te fatu tulimanu.

Efeho 3:5

I nā aho kua teka, ko te mealilo tēnei e hēki fakailoa ki tagata, kae nei kua fakaalia e te Atua e ala i tona Agaga, ki tana kau apohitolo ma tana kau pelofeta paia.

Efeho 4:8

E vē oi lea mai te tuhituhiga paia, “I te fanakega o ia ki te mea e pito hili ona maualuga, na takitaki kehe e ia nā pagotā e tokalahi; ma fōki nā meaalofa ki tagata.”

2 Timoteo 4:5

Kae e tatau koe ke pūlea ki a te koe lava i taimi uma; onohai i nā puapuagā, ma fai tau gāluega tālaki ke uma.

Epelu 5:12

I te taimi nei, ko koutou kua tatau ke fai ma faiakoga — kae koi manakomia pea lava e koutou he tino ke ia akoako atua nā lehona muamua o te fekau a te Atua. I lo te kakai ki nā meakai mamafa, ko koutou koi fakainu lava i te huāhuhu.

Iuta 1:17

Kae ke koutou manatua aku uō pele, nā mea na fakailoa atu ki a te koutou e nā apohitolo a to tātou Aliki ko Iehu Keliho, i nā aho kua teka.

Fakaaliga 18:20

E tatau te lagi ke fiafia, auā kua fakaumatia e te Atua ia Papelona! E tatau koutou tagata o te Atua, te kau apohitolo ma te kau pelofeta ke fiafia! Auā kua fakahalagia e te Atua ia Papelona ona ko nā mea na ia faia ki a te koutou!

Fakaaliga 21:14

Ko nā puipui o te kakai na fau ki luga o ni fakavae e hefulu lua, ma e tūhia i luga nā igoa o nā apohitolo e toka hefululua a te Punuamāmoe.