Efeho 4:10 - Tokelauan New Testament

¹⁰ Ko te tino la na fanaifo ki lalo ko ia foki lava te na fanake ki luga ki te lagi pito hili te maualuga, ke fakatumu kātoatoa ai te vānimonimo i tona i ei.

Efeho 4:10 ပူးပေါင်းရင်းမြစ်များ

Mataio 24:34

E takutino atu e au ki a te koutou, ko nā mea uma iēnei e tutupu, ka ko hēki feoti uma nā tino o te tupulaga tēnei.

Luka 24:44

Oi vāgana atu ai ki a te ki lātou, “Ko iēnei tonu lava nā mea nae lea atu ai au ka koi māfuta ki tātou: ko nā mea uma lele kua tūhia e uiga ki a te au i nā Tūlāfono a Mohe, nā tuhituhiga a te kau pelofeta ma nā Halamo, e tatau lava ke taunuku.”

Ioane 1:16

Ona ko te lahi o tona alofa tūnoa, kua fakamanuia ai ki tātou uma e ia, ma maua ai e ki tātou nā fakamanuiaga hautualahi.

Ioane 19:24

Kua lea atu tētahi fitafita ki tētahi, “Nahe hahaea te kofu, kae fai he tātou vili pe ko ai te tino ka kave mo ia.” Na tupu te mea tēnei, kae ke taunuku ai te mea e lea mai ai te tuhituhiga paia: “Na tufa e ki lātou oku kofu mo ki lātou ma fai te lātou vili pe ko ai te ia kavea toku kofu tatao.” Ma ko te mea tēnei na fai e nā fitafita.

Ioane 19:28

Kua iloa e Iehu kua uma te fakataunuku e ia o nā mea uma lele; ma kae ke taunuku ai te kupu a te tuhituhiga paia, na lea vē ai, “Ko au e fia inu.”

Ioane 19:36

Ko te mea tēnei na fai ke taunuku ai te kupu i te tuhituhiga paia e vē mai: “Ka hēai he ivi e fokotahi i tona tino e gagaua.”

Gāluega 1:11

Kua lea vē mai ki lāua, “Nā tino Kalilaia, he ā te tutū ai koutou i kinā ma taukikila ki te lagi? Ko te Iehu tēnei, tēia na hikitia ake mai ia te koutou, ka toe haele mai i te auala lava e tahi na koutou kitea na fanake ai ki te lagi.”

Gāluega 1:9

Kua uma te vāgana atu vēnei o Iehu, oi hikitia ake ai ki te lagi kae kikila atu ki lātou, ma na pupuni ai ia i he ao, mai te lātou kikila.

Gāluega 2:33

Kua hikitia ake ia ki te itū taumatau o te Atua tona Tamana, ma kua tuku atu ki a te ia te Agaga Paia, e vē oi folafola e tona Tamana ki a te ia. Ko te mea la kua kikila ma fakalogo koutou ki ei nei, ko tana meaalofa tēnā kua liligi ifo ki o mātou luga.

Gāluega 3:18

Na folafola e te Atua i nā aho kua leva e ala i te kau pelofeta uma, ko tana Mehia e tatau ke maua i nā puapuagā; ma na ia fakataunukuagia tēnei vāloaga i te auala tēnei.

2 Kolinito 12:2

E i ei he tino Kelihiano e iloa e au, na hikitia ake ki te lagi e hili te maualuga, e tuha kua hefulufa tauhaga taluai (e hē iloa e au pe ko te mea tēnei na tupu moni, pe ko he mea na fakailoa ki ei i he miti — nā ko te Atua oioti te ia iloa).

Efeho 3:19

Io, ko au e tatalo ke iloa e koutou tona alofa, e ui lava e hē mafai ke iloa kātoatoa te uiga kehe o tona alofa — ma ke fakatumulia kātoatoa ai koutou i te natula o te Atua.

Kolohe 1:19

Auā e a te Atua lava te fuafuaga ke i te Ataliki lava ia te natula kātoatoa o ia.

Kolohe 2:9

Auā ko nā uiga uma lele o te Atua e ia Keliho, i tona itū fakatetagata,

1 Timoteo 3:16

Kua iloa uma lele e ki tātou, te uiga kehe o te mealilo e uiga ki to tātou talitonuga: Na hau ia i tona tino tagata, na fakamāonia te hako o ia e te Agaga, ma na kitea ia e agelu. Na tālaki e uiga ki a te ia ki nukukehe, na talitonu ki a te ia te lalolagi, ma na kavake ki te lagi e te Atua.

Epelu 4:14

Ko te mea ia, tātou tāofi mau la ki nā mea kua folafola e ki tātou e talitonu ki tātou ki ei. Auā e i ei to tātou Ulu Ohitāulaga e hili te tāua, kua fano ki te mea e i ei te Atua — ko Iehu, te Ataliki o te Atua.

Epelu 7:26

Ko Iehu la ko te Ulu Ohitāulaga e maua ai e ki tātou te fehoahoani i ho he mea e fofou ki tātou ki ei. E lelei lava ia i te kikila a te Atua, e hēai hona hehē pe he agahala; kua tuku kehe ia mai tagata agahala ma hiki ake e te Atua ki te lagi.

Epelu 8:1

Ko te uiga moni o te mea e lea atu ai ki mātou, e i ei to tātou Ulu Ohitāulaga, e nofo i te itū taumatau o te nofoāliki o te Atua i te lagi.