Efeho 3:3 - Tokelauan New Testament

³ Na fakailoa mai e te Atua ki a te au tana fuafuaga lilo i he fakaaliga, e vē lava oi tākua i taku tuhi.

Efeho 3:3 ပူးပေါင်းရင်းမြစ်များ

Gāluega 22:17

“Na toe foki au ki Ieluhalema, ma ka koi tatalo au i loto o te Mālumalu, kae kō kitea he fakaaliga

Gāluega 22:21

Oi vāgana mai ai te Aliki ki a te au, ‘Fano loa, auā ko koe ka uga kehe e au ke fano ki he mea mamao ki nā tino nukukehe.’ ”

Gāluega 23:9

Kua fakalalahi te piha, oi tutū ai ki luga iētahi faiakoga o te Tūlāfono i te itū o te kau Falehaio, kua faitio lahi lele ma lea vē atu: “E hēai he mea kua ki mātou maua e hala ai te tagata tēnei! Hōvē moni he agaga pe he agelu na tautala ki ei!”

Loma 11:25

Oku uho, e i ei te meamoni lilo e fofou au ke koutou iloa, ona e fehoahoani ke tāofiofi ai koutou mai te manatu ko koutou e popoto. Ko tēnei la; ko te loto makaka o tagata Ihalaelu e hē tūmau, ma e fātoā uma kāfai kua kātoatoa te nūmela o tagata nukukehe e ōmamai ki te Atua.

Loma 16:25

Tātou tuku atu te vīkiga ki te Atua. E ia mafaia oi fakamautū te koutou fakatuatua, e tuha ai ma te Tala Lelei e kō tālakia e uiga Iehu Keliho, ma e tuha ai ma te fakailoa maiga o te meamoni lilo nae mumuni i nā tauhaga e lahi lele kua teka.

2 Kolinito 12:1

Ko au e tatau ke fāfia, e ui lava e hēai hona aogā. Kae ko au ka tautala atu e uiga ki nā mea na fakailoa mai e te Aliki ki a te au, e ala i ni miti ma ni fakaaliga.

Kalatia 1:12

E hēki maua e au mai tagata, pe na akoako mai e ni tino ki a te au. Na maua e au i te fakailoa maiga o Iehu Keliho ki a te au.

Efeho 1:17

ma ko au e fakatoga ki te Atua o to tātou Aliki ko Iehu Keliho, te Tamana e uiga kehe tona mamalu, ke fōki atu ki a te koutou te Agaga, tē ka maua ai e koutou te mālamalama, ma fakailoa atua ki a te koutou te Atua, kae ke koutou iloa ai ia.

Efeho 3:4

Kāfai e faitau koutou ki te mea kua tuhi atu ai au, oi ka iloa ai e koutou e uiga ki toku mālamalama ki te mealilo e uiga ki a Keliho.

Efeho 3:6

Ko te mealilo la ko tēnei. Ona ko Keliho Iehu, kua maua ai e tagata nukukehe he vāega o te tofi na folafola e te Atua ki tagata Iutaia, e ala i te tala lelei. Kua tuku atu foki e te Atua ia tagata nukukehe ke kavea ma vāega o he tino e tahi.

Efeho 3:9

ma ke fakakikila ia tagata uma ki te fuafuaga lilo a te Atua ma tona fakatinoga. Nae mumuni e te Atua, tē na gaohia ia mea uma, tana fuafuaga lilo mai te kāloā,

Efeho 6:19

Tatalo foki mo oku, ke tuku mai e te Atua ki a te au he fekau kāfai au kua lava hāuni ke tautala, kae ke tautala ai au e aunoa ma he mataku, ke fakailoa ki tagata te mea lilo e uiga ki te Tala Lelei.

Kolohe 2:2

E fai e au te mea tēnei kae ke fakatumulia ai ki lātou i te loto mākeke ma fuhia fakatahi i te alofa, ma lahi ai te mautinoa o ki lātou e ala i to lātou mālamalama e uiga ki te mealilo a te Atua, ko Keliho tēnā.

Kolohe 4:3

Tatalo foki mo ki mātou, ke tatala mai e te Atua ki a te ki mātou he avanoa ke tālaki atu ai tana fekau ki te mealilo e uiga ki a Keliho. Auā ko te mea ia e i te falepuipui ai au i te taimi nei.

Epelu 13:22

Ko au e talohaga atu ki a te koutou te kau uho, ko koutou ke fakalogo lelei ki te fekau tēnei e fakamālohi atu ki a te koutou; auā ko te tuhi tēnei e pukupuku.

1 Petelu 5:12

Ko te tuhi pukupuku tēnei e fehoahoani mai ki ei ia Hila, toku hoa Kelihiano fakamāoni, ki te tuhiga. Ko au e fakamālohi ma molimau atu ki a te koutou, ko nā mea uma kua tuhi e au, ko te alofa tūnoa moni tēnā o te Atua. Koutou la ke mautū i te alofa tūnoa o te Atua.

2 Petelu 3:15

E tatau ke kikila vē koutou, ko te onohai o te Aliki ko he avanoa tēnā kua ia fōkiatua ke mafai ai koutou ke fakaolagia, e vē lava ko te tuhi atu a to mātou uho pele ki a Paulo ma na ia fakaaogā ai te poto na fōki ki ei e te Atua.