Efeho 2:6 - Tokelauan New Testament

⁶ I te māfutaga a ki tātou ma Keliho Iehu na toe fakatutū ai ki tātou e te Atua ki te ola fakatahi ma Keliho, ma ia fakanonofoa ki tātou i tafa o Keliho, i nā nofoaga i te lagi.

Efeho 2:6 ပူးပေါင်းရင်းမြစ်များ

Mataio 26:29

E lea atu au ki a te koutou, ka hē toe inu lele au ki te uaina tēnei, heiloga kua pa ki te aho e inu ai au i te uaina fou fakatahi ma koutou, i te Mālō o toku Tamana.”

Luka 12:37

Amutia nā kaukauna e maua mai e to lātou matai, e āla ma hāuni ki tona toe foki mai! E lea atu au ki a te koutou, ka ia ui keheagia tona kofulahi ma fakanonofo ki luga nā kaukauna, oi laulau ai e ia he lātou mea ke kai.

Ioane 12:26

Ko ai lava he tino e fia kaukauna mai ki a te au, e tatau ke mulimuli mai ki a te au, ma ko te mea e i ei au, ka i ei ai foki taku kaukauna. Ko ai lava e kaukauna mai ki a te au, ka vīkia ia e toku Tamana.

Ioane 14:3

Ma kāfai au e fano oi hāuni he mea ke nonofo ai koutou, ko au e toe hau oi kavatu koutou, kae ke i ei ai koutou fakatahi ma au, i te mea e i ei ai au.

Efeho 1:1

Mai ia Paulo, te apohitolo a Keliho Iehu, na filifilia e te Atua — Ki tagata o te Atua i Efeho, ki lātou e fakamāoni i o lātou ōlaga i te māfutaga fakatahi ma Keliho Iehu.

Efeho 1:3

Ke hiki ake fakatahi e ki tātou he fakafetai ki te Atua, te Tamana o to tātou Aliki ko Iehu Keliho. Auā e ala i te tātou hokotaga ma Keliho, kua fakamanuia ai e ia ki tātou i nā fakamanuiagia fakateagaga kehekehe uma mai te lagi.

Efeho 2:10

Ko ki tātou na fai e te Atua ke vē lava ko te tūlaga kua i ei ki tātou, ma i te māfutaga ma Keliho Iehu na gaohia ai ki tātou e te Atua mo he ōlaga o gāluega lelei, tēia kua uma te ia hāunia ke fai e ki tātou.

Efeho 2:13

Kae nei, i te māfutaga ma Keliho Iehu, ko koutou nae mamao ma te Atua ka kua kaumai ke pili ki te Atua e ala i te toto o Keliho.

Kolohe 1:18

Ko ia ko te ulu o tona tino, ko te Ekalehia tēnā; ko ia ko te puna o te ola mo te Ekalehia. Ko ia ko te Ataliki ulumatua, tē na toe fakatū mai i te oti, kae ke kavea ai ia ma muamua i nā mea uma lele.