Efeho 2:20 - Tokelauan New Testament

²⁰ Ko koutou foki, kua fau ake e vē he fale ki luga o te fakavae na tuku ki lalo e te kau apohitolo ma te kau pelofeta, ma ko Iehu Keliho ko te fatu tulimanu.

Efeho 2:20 ပူးပေါင်းရင်းမြစ်များ

Mataio 16:18

Ko au la e lea atu ki a te koe, Petelu; ko koe he papa, i luga o te papa tēnei ka fakatū ai taku Ekalehia, ma e pa lava ki te mālohi o te oti e hē mafai e ia oi fakaumatia.

Mataio 21:42

Kua vāgana atu ia Iehu ki a te ki lātou, “E hēki faitau lele nei koutou ki nā Tuhituhiga Paia e lea mai: ‘Ko te fatu na tīaki e nā faufale e hē aogā kua kavea ma fatu e pito hili atu ona tāua. Ko te mea tēnei na fai e te Aliki; kai te manaia i te kikila ki ei.’ ”

1 Kolinito 12:28

Kua tōfia e te Atua i loto o te Ekalehia: muamua ko nā apohitolo, lua ko nā pelofeta, ma tona tolu ko nā faiakoga; oi hohoko ai nā tino fai vāvega, hohoko ai ki lātou kua tuku ki ei te mana ke fakamālōlō ai nā tauale pe ke fehoahoani ai ki iētahi tino pe ke fakatonu ai ki lātou, pe ke tautatala ai i nā gagana kehekehe.

Kalatia 2:9

Ko Iakopo, ma Petelu ma Ioane, e vē ko ki lātou lava iēnei ko nā takitaki, na iloa e ki lātou ko te gāluega fakapitoa tēnei na fōki mai e te Atua ki a te au; ma na fakamautū ta mātou māliliega ke gālulue fakatahi, i te fakatālofa o ki māua ma Panapa ki ei. Na mālilie fakatahi ki mātou ko ki māua ma Panapa ke gālulue mo tagata nukukehe, kae gālulue ki lātou mo tagata Iutaia.

Efeho 3:5

I nā aho kua teka, ko te mealilo tēnei e hēki fakailoa ki tagata, kae nei kua fakaalia e te Atua e ala i tona Agaga, ki tana kau apohitolo ma tana kau pelofeta paia.

Kolohe 2:7

Ke mau ma loloto nā aka o koutou ia te ia, ati ake outou ōlaga i luga o ia, ma ke tuputupu te mālohi o te koutou fakatuatua, e vē oi akoako atu ai koutou. Ma ke fakatūtumugia koutou i te loto fakafetai.

1 Petelu 2:6

Auā e lea mai te tuhituhiga paia, “Kikila, na kō filifilia he fatu e tāua lahi, ma e fai e au ma fatu tulimanu i loto o Hiona; ma ko ai lava e talitonu ki ei ka hē mā lele ia.”

Fakaaliga 21:14

Ko nā puipui o te kakai na fau ki luga o ni fakavae e hefulu lua, ma e tūhia i luga nā igoa o nā apohitolo e toka hefululua a te Punuamāmoe.