Efeho 2:19 - Tokelauan New Testament

¹⁹ Ko te mea la ia, ko koutou tagata nukukehe kua hē toe ni tagata nukukehe pe ni tino kehe. Ko koutou kua fai ma tagatānuku fakatahi ma iētahi uma kua i loto o te kāiga o te Atua.

Efeho 2:19 ပူးပေါင်းရင်းမြစ်များ

Mataio 10:25

Ko te mea ia e tatau ai i te tamaiti akoga ke fiafia oi kavea ia ke vē ko tona faiakoga, ma te pologa ke vē ko tona matai. Kāfai te ulu o te kāiga e fakaigoa ki a Pelehepulo, ka hē hili atu nei la te kino o nā igoa ka fakaigoa ai nā tino o te kāiga!

Kalatia 6:10

Ko te mea ia, i taimi uma e maua ai e ki tātou he avanoa, e tatau ke fai e ki tātou nā mea lelei ki ho he tino, kae maihe lava ki lātou i loto o te tātou kāiga Kelihiano.

Efeho 2:12

I te taimi tēnā, ko hēki koutou iloa ai ia Keliho, ma nae hē taua koutou i loto o te faigāmālō o tagata o Ihalaelu, ma hē aofia i loto o nā feagaiga na folafola e te Atua ki a te ki lātou. Ko koutou nae ola i te lalolagi tēnei e aunoa ma he fakamoemoe ma aunoa ma te Atua.

Efeho 3:15

tē e maua ai e kāiga takitahi uma i te lagi ma te lalolagi, o lātou igoa hako.

Efeho 3:6

Ko te mealilo la ko tēnei. Ona ko Keliho Iehu, kua maua ai e tagata nukukehe he vāega o te tofi na folafola e te Atua ki tagata Iutaia, e ala i te tala lelei. Kua tuku atu foki e te Atua ia tagata nukukehe ke kavea ma vāega o he tino e tahi.

Filipi 3:20

Kae ko ki tātou ni tagatānuku e o te lagi, e fakatalitali ma te amanaki ki to tātou Fakaola, te Aliki ko Iehu Keliho, ke haele ifo mai te lagi.

Epelu 11:13

Ko te fakatuatua te na feoti ai nā tino uma iēnei. E hēki ki lātou mauagia nā mea na folafola e te Atua, kae na ki lātou kitea mamao lele atu nā mea iēnei, ma na fiafia oi fakailoa, ko ki lātou ni tino kehe e fakaaunukua i te lalolagi.

Epelu 13:14

Auā e hēai he nuku tūmau mo ki tātou i lalo nei; ko ki tātou e hakilikili ki te kakai e tuku e pa mai.

1 Petelu 2:11

Ko au e vēnei atu ki a te koutou te kau uho pele, koutou iēnā e nonofo e vē ni tino kehe ma ni tino e fakaaunukua i te lalolagi tēnei! Koutou nahe mulimuli ki tuinanauga o te tino, iē e fakahaga tau pea lava ki nā mea uma e lelei i loto ia te koutou.

1 Ioane 3:1

Kikila ki te lahi lele o te alofa o te Tamana ki a te ki tātou! Ko te lahi o tona alofa kua takua ai ki tātou ni fānau e a te Atua — ma e moni lava te mea tēnei. Ko te mea ia e hē iloa ai e te lalolagi ki tātou, ona e hē ki lātou iloa te Atua.