Efeho 2:18 - Tokelauan New Testament

¹⁸ Ona ko Keliho kua mafai ai ki tātou uma lele, ia tagata Iutaia ma tagata nukukehe, ke oatu i te Agaga e fokotahi ki mua o te Tamana.

Efeho 2:18 ပူးပေါင်းရင်းမြစ်များ

Mataio 28:19

Olo la oi fai ia tagata o mālō uma o te lalolagi ma oku hoko: papatiho atu ki a te ki lātou i te igoa o te Tamana, te Ataliki ma te Agaga Paia,

Ioane 10:7

Oi toe vāgana atu ai ia Iehu, “E takutino atu e au ki a te koutou te meamoni: ko au ko te faitotoka mo nā māmoe.

Ioane 10:9

Ko au ko te faitotoka. Ko nā tino e kui mai ia te au, ka fakahao; ka ōmamai ki loto ma olo ki fafo ma ki lātou maua te vao lelei.

Ioane 14:6

Oi tali mai ai ia Iehu ki ei, “Ko au ko te ala ma te meamoni ma te ola; e hēai he tino e fano ki te Tamana, vaganā e kui mai ia te au.

Loma 5:2

Kua kaumai e ia ki tātou e ala i to tātou fakatuatua, ki te alofa tūnoa o te Atua, tēia e ola ai nei ki tātou. Ko ki tātou la e fāfifia ona ko te tātou fakamoemoe, ke i ei fakatahi ki tātou i te huhulu pupula mamalu o te Atua.

Loma 8:15

Auā ko te Agaga tēia kua tuku atu e te Atua ki a te koutou, e hē ia faia koutou ma pologa, ma fai ma mea e mātataku ai koutou; kae ko te Agaga te kavea ai koutou ma fānau a te Atua, ma i te mana o te Agaga e kālalaga vē atu ai ki tātou ki te Atua, “Te Tamana, To mātou Tamana!”

1 Kolinito 12:13

E vēnā foki la ki tātou uma, pe ko ki tātou ni tagata Iutaia pe ni tagata nukukehe, pe ni pologa pe ni tagata haoloto, ko ki tātou uma kua papatiho e te Agaga e fokotahi ki loto o te tino e fokotahi, ma kua tuku e te Atua te Agaga tēnei e fokotahi ki loto o nā loto o ki tātou uma lele.

1 Kolinito 8:6

kae mo ki tātou, e fokotahi oioti lava te Atua, ko te Tamana, na ia gaohia ia mea uma, ma ko ki tātou e ola mo ia; ma e fokotahi oioti lava te Aliki, ko Iehu Keliho, e ala ia te ia na gaohiga ai ia mea uma, ma e ala ia te ia kua ola ai ki tātou.

Kalatia 4:6

Ona ko koutou ni fānau e a te Atua, na ia uga maia ai te Agaga o tona Ataliki ki o tātou loto, te Agaga tēia na kalaga vē, “Te Tamana, toku Tamana!”

Efeho 3:12

Ona ko te hokotaga vāvālalata a ki tātou ma Keliho ma to tātou fakatuatua ki a te ia, kua loto toa ai ki tātou ke oatu ki mua o te Atua ma te mautinoa kātoatoa.

Efeho 3:14

Ko au e tōtuli ma tatalo ki te Tamana,

Efeho 4:4

E tahi te tino ma tahi te Agaga, e vē foki lava oi tahi te fakamoemoe kua kalagagia ai koutou e te Atua.

Efeho 6:18

Fai nā mea uma iēnei i te tatalo, e gogō atu ai ki te fehoahoani a te Atua. Tatalo i taimi uma ma mulimuli ki te mea e lea atu ai te Agaga. Ko te mea la ia, koutou ke mataala ma nahe fakavāivai lele, kae tatalo pea lava mo tagata uma o te Atua.

Epelu 7:19

Auā nae hē mafai e te Tūlāfono a Mohe ke fakalelei kātoatoagia he mea. Kae nei, kua kaumai e te Atua he fakamoemoe e hili atu te lelei, e tafapili ai ki tātou ki a te ia.

Iakopo 3:9

E fakaaogā e ki tātou ke fakafetai ai ki to tātou Aliki ma to tātou Tamana, ma fakaaogā foki e ki tātou ke fetū ai iētahi tino kua gaohia i te fakatuha o te Atua.

1 Petelu 1:17

E lea koutou ko te Atua ko te koutou Tamana, kae ko te Atua e hē fakapito ki he tino. E fakamahino e ia ia tagata uma fua ki nā mea a ki lātou kua fai. Ko te mea ia, i te taimi kātoa e aumau ai koutou i te lalolagi nei e vē ni tino kua fakaaunukua, e tatau koutou ke ola mātataku i te Atua.

1 Petelu 1:21

Ona ko nā mea kua koutou iloa e uiga ki a Keliho, kua talitonu ai koutou ki te Atua tē na ia fakatūa ia Keliho mai te oti, ma tuku atua ki a te ia te mamalu; ko te mea ia kua mautū ai te koutou fakatuatua ma te fakamoemoe ki te Atua.

1 Petelu 3:18

Auā ko Keliho na mate fakafokotahi oioti lava mo nā agahala, he tino āmiotonu na fai ma hui o nā tino hē āmiotonu, kae ke takitakia ai koutou ki te Atua. Na tāmate i tona tino tagata, kae na fakaola i te fakateagaga,

Iuta 1:20

Kae ko koutou aku uō pele, ke haga ati ake pea i te fakavae o te koutou fakatuatua e hili te paia. Tatalo i te mana o te Agaga Paia,