Efeho 2:17 - Tokelauan New Testament

¹⁷ Ko Keliho la na hau ma na ia tālakia te Tala Lelei o te fīlēmū ki tagata uma — ki a te koutou tagata nukukehe nae mamao ma te Atua, ma ki tagata Iutaia nae pili ki a te ia.

Efeho 2:17 ပူးပေါင်းရင်းမြစ်များ

Mataio 10:13

Kāfai e talia koutou e nā tino o te fale, ke tūmau pea te fīlēmū o te Atua ia te ki lātou; kae kāfai koutou e hē ki lātou talia, oi toe fakafoki mai te koutou fakamanuiaga na fai.

Luka 15:8

Kua fai tētahi talafakatuha e Iehu. “Ko ai he fafine e i ei ni ana tupe hiliva e hefulu, ma kāfai e galo he tupe hiliva e fokotahi, e hē ia tutua he mōlī ma haluhalua te fale, ma hakili fakalelei lele ke maua?

Luka 2:14

“Ko te vīkiga ki te Atua Hilihilikehe, ma te fīlēmū i te lalolagi, mo ki lātou kua fiafia ia ki ei!”

Gāluega 10:36

Kua koutou iloa te fekau na ia kaumaia ki tagata o Ihalaelu, na folafola ai te Tala Lelei o te fīlēmū e ala ia Iehu Keliho, te Aliki o tagata uma.

Gāluega 2:39

Auā ko te folafolaga a te Atua, na fai ki a te koutou ma autou fānau vēnā ki nā tino uma lele e nonofo mamao — ki lātou uma kua valakaugia e te Atua to tātou Aliki, ke ōake ki a te ia.”

Loma 10:14

Kae e kālalaga vēhea ake ki lātou ki a te ia mo he fehoahoani, pe kāfai ko hēki talitonu ki lātou? E talitonu vēhea ake ki lātou, pe kāfai ko hēki fakalogo ki lātou ki te fekau? Ma, e lagona vēhea ake e ki lātou te fekau, pe kāfai te fekau ko hēki folafolagia?

Loma 5:1

Nei la kua uma te fakalelei o te va o ki tātou ma te Atua e ala i te fakatuatua, kua maua ai e ki tātou te fīlēmū i te māfutaga ma te Atua e ala i to tātou Aliki ko Iehu Keliho.

2 Kolinito 5:20

Ko ki mātou la na uga mai ke tautatala mo Keliho, ma ko te Atua e fakatagi atu ko koutou ke fakalogo ki ta mātou fekau. Ko ki mātou e tautatala i te igoa o Keliho ma aioi atu i te agaga moni, ke fakalelei ko te koutou va ma te Atua.

Efeho 4:21

Ko hēki fakalogo moni nei lava koutou e uiga ki a te ia, ma akoakogia i te meamoni e i a Iehu.