Efeho 2:14 - Tokelauan New Testament

¹⁴ Auā ko Keliho ko to tātou fīlēmū ia, kua ia tuku fakatahia ia tagata Iutaia ma tagata nukukehe ke kavea ma tagata e tahi. Ko tona tino lava na tukimomo ai ki lalo te pa puipui nae vavae ai ki lātou, ma nae fai ai tētahi ma fili o tētahi.

Efeho 2:14 ပူးပေါင်းရင်းမြစ်များ

Luka 1:79

ma fakahuhulu ifo mai te lagi ki luga o nā tino uma e nonofo i te pōuli o te ata o te oti, ke takitaki ai o tātou vae ki te auala o te fīlēmū.”

Luka 2:14

“Ko te vīkiga ki te Atua Hilihilikehe, ma te fīlēmū i te lalolagi, mo ki lātou kua fiafia ia ki ei!”

Ioane 10:16

E i ei iētahi aku māmoe e hē i loto o te lōtoā tēnei. E tatau ke kō kaumaia foki ki lātou, ma ka uhitaki ki lātou ki toku leo. Oi ka tahi ai te lafu māmoe, ma tahi foki te leoleomāmoe.

Ioane 11:52

ma e hē nā mo nā tino Iutaia oioti, kae ka vēnā foki ona fakamāopoopo e ia nā tino uma o te Atua e takape i atunuku kehekehe, ke kavea e vē ko he tino e tahi.

Ioane 16:33

Ko au kua lea atu ki a te koutou i te mea tēnei, kae ke maua ai e koutou te fīlēmū, ona ko koutou e tahi ma au. Ka hāuāgia koutou e te lalolagi. Kae loto tetele! Kua fakatōkilalo e au te lalolagi!”

Gāluega 10:28

Oi lea vē atu ai ki a te ki lātou, “E iloa lelei lava e koutou e hē fakatagagia he tino Iutaia e tana tāpuakiga, ke āhiāhi pe fai mea fakatahi ma he tino nukukehe. Kae kua fakahino mai e te Atua e hē tatau au ke lea, e i ei he tino e hē mamā pe kino.

Gāluega 10:36

Kua koutou iloa te fekau na ia kaumaia ki tagata o Ihalaelu, na folafola ai te Tala Lelei o te fīlēmū e ala ia Iehu Keliho, te Aliki o tagata uma.

Loma 5:1

Nei la kua uma te fakalelei o te va o ki tātou ma te Atua e ala i te fakatuatua, kua maua ai e ki tātou te fīlēmū i te māfutaga ma te Atua e ala i to tātou Aliki ko Iehu Keliho.

Kalatia 3:28

E hēai la he mea e kehekehe ai ia tagata Iutaia ma tagata nukukehe, ia tagata pologa ma tagata haoloto, ia tamāloa ma fafine; e tahi koutou uma i te hokotaga ma Keliho Iehu.

Efeho 2:15

Na fakahēai e ia te Tūlāfono Iutaia vēnā ma ona fakatonuga ma poloakiga, kae ke mafai ai ke tuku fakatahi ia tagata Iutaia ma tagata nukukehe ke vē he tino e tahi i te māfutaga ma ia, ma maua ai te fīlēmū.

Efeho 2:17

Ko Keliho la na hau ma na ia tālakia te Tala Lelei o te fīlēmū ki tagata uma — ki a te koutou tagata nukukehe nae mamao ma te Atua, ma ki tagata Iutaia nae pili ki a te ia.

Efeho 3:15

tē e maua ai e kāiga takitahi uma i te lagi ma te lalolagi, o lātou igoa hako.

Efeho 4:16

I lalo o tana taukikilaga, ko nā itūtino kehekehe uma o te tino e nofo tonu ma fetaui lelei, ma ko te tino kātoa e tamau fakatahi e nā hokoga takitahi uma kua hāunia e ia. Ko te mea ia, kāfai nā vāega kehekehe takitahi e gālulue e vē ona fuafuagia, ka vēnā foki oi tuputupu ake te tino kātoa ma fano e mālohi e ala i te alofa.

Kolohe 1:20

Ko te mea ia na fuafua ai e te Atua, ke fai te Ataliki ma auala ke toe fakafoki atu ai te lagi ma te lalolagi ki a te ia. Na fai te fakaleleiga e te Atua, e ala i te mate o tona Ataliki i luga o te hātaulo, ke toe fakafoki atu ai ki a te ia nā mea uma lele, i te lagi ma e lalolagi.

Kolohe 2:20

Ko koutou na oti fakatahi ma Keliho, ma kua fakahaoloto mai koutou mai nā agaga e pule i te vāteatea. He ā la te koi ola ai lava koutou e vē ni tino e o te lalolagi tēnei? He ā te koi mulimuli ai lava koutou ki nā tūlāfono e vē ko te,

Kolohe 3:11

Ma ko te mea ia, kua hē toe i ei ai he kehekehega o nā tino Iutaia ma nā tino nukukehe, nā tino kua pelitome ma ki lātou e hēki pelitomea, nā tino hē taupulea, nā tino fakapaupau, nā pologa, ma nā tino haoloto, kae ko Keliho ko te kātoaga ia o nā mea uma, ko ia e i nā mea uma.

Kolohe 3:15

Ko te fīlēmū e fōki atu e Keliho, ke takitakia ai koutou i autou tonu e fai; auā ko te fīlēmū tēnei kua kalagagia fakatahi ai koutou e te Atua, i te tino e tahi. Ma e tatau la koutou ke maua i te loto fakafetai.

Epelu 13:20

Kua toe fakatū e te Atua to tātou Aliki ko Iehu mai te oti, ko ia ko te Leoleomāmoe Hili, ona ko tona toto kua fakamautū ai te feagaiga ke pa ki te fakavavau. Ke fōki atu ki a te koutou e te Atua o te fīlēmū nā mea lelei uma e manakomia e koutou, kae ke mulimuli ai koutou ki tona finagalo, ma ke fai e ia ki a te ki mātou e ala ia Iehu Keliho, nā mea e fiafia ia ki ei. Ma ke vīkia pea lava ia Keliho ke pa ki te fakavavau! Amene.

Epelu 7:2

oi fōki ai e Apelaamo ki ei te tahi vaehefulu o nā mea uma lele na maua mai te taua. (Ko te uiga muamua o te igoa o Melekiheteka ko te “Tupu Fai Meatonu”; ma ona ko ia foki ko te tupu o Halema, e i ei ai foki tētahi uiga o tona igoa ko te “Tupu o te Fīlēmū.”)