Efeho 1:4 - Tokelauan New Testament

⁴ Ka ko hēki fakavaea te lalolagi ka kua uma te filifilia o ki tātou e te Atua ke fai mo ia, e ala i te tātou hokotaga ma Keliho, kae ke paia ai ki tātou ma hēai ni hehē i mua o ia. Ona ko tona alofa

Efeho 1:4 ပူးပေါင်းရင်းမြစ်များ

Mataio 24:22

Kae kua uma te fakaitiitia e te Atua te nūmela o nā aho; anei ake e hēki ia faia te mea tēnei, e hēai he tino fokotahi na mafai ke ola. Kae ona ko te alofa o te Atua ki ona tagata kua uma te ia filifilia, ka fakaitiitia ai e ia te nūmela o nā aho.

Mataio 24:24

Auā ka ōmamai nā Keliho pepelo ma nā pelofeta pepelo; ka ki lātou faia ni vāvega uiga kehe ma ni mea ofoofogia ke fakahehē ai ia tagata, ke pa lava ki tagata kua filifilia e te Atua, pe kāfai e mafai.

Mataio 24:31

Ka ili lahi te pu, ma uga atu ai e ia ana agelu, ma ka ki lātou fakamāopoopo maia nā tino kua uma te ia filifilia mai nā itū e fa o te lalolagi, mai tētahi itūlagi ki tētahi.

Mataio 25:34

Oi ka lea atu ai te Tupu ki nā tino i tona itū taumatau, ‘Ōmamai, koutou iēnā kua fakamanuiagia e toku Tamana! Ōmamai oi fai mo koutou te tofi ki te mālō, kua uma te hāunia mo koutou, mai te kāmataga o te lalolagi.

Ioane 10:16

E i ei iētahi aku māmoe e hē i loto o te lōtoā tēnei. E tatau ke kō kaumaia foki ki lātou, ma ka uhitaki ki lātou ki toku leo. Oi ka tahi ai te lafu māmoe, ma tahi foki te leoleomāmoe.

Ioane 15:16

E hēki koutou filifilia au, kae na kō filifilia koutou ma tōfia ke olo ma fua mai ni fua e lahi, te itūkāigā fua e tūmau pea. Oi fōki atu ai e te Tamana ki a te koutou, ho he mea lava e gogō atu koutou ki ei, i toku igoa.

Ioane 17:24

“Te Tamana, kua kē tuku maia ki lātou ki a te au, ma ko au e fofou ke fakatahi ki lātou ma au i te mea e i ei ai au, kae ke ki lātou kiteagia toku mamalu, te mamalu na kē tuku maia ona ko koe e alofa mai ki a te au, ka ko hēki faia te lalolagi.

Gāluega 13:48

I te lagonaga o te mea tēnei e tagata nukukehe, na fiafia lele ki lātou ma vīkia e ki lātou te fekau a te Aliki; ma ko nā tino kua filifilia e te Atua ke maua e ki lātou te ola e fakavavau, kua talitonu.

Gāluega 15:18

E vēnā te vāgana a te Aliki, tē na ia fakailoa te mea tēnei ki tagata, i nā aho kua leva.’ ”

Gāluega 18:10

auā ko au e i ei fakatahi ma koe. E hēai he tino e ia mafaia oi fai he mea ke ogohia ai koe, auā i te kakai tēnei, e tokalahi oku tagata e nonofo ai.”

Loma 8:33

Ko ai te ka ia mōlia ia tagata filifilia o te Atua? E hē mafai e he tino, auā ko te Atua lava ia te na ia fakaleleia to lātou va ma ia!

1 Kolinito 1:8

Ka tauhia pea lava koutou e ia ke pa ki te ikuga, kae ke nahe i ei lele he mea e hehē ai koutou, i te Aho o to tātou Aliki ko Iehu Keliho.

Kalatia 5:13

Kae e vē la ki a te koutou, te kau uho, ko koutou na kalaga atu ki ei te Atua kae ke maua ai e koutou te haolotoga. Kae nahe kaveagia te haolotoga tēnei ma mea ka pūlea ai koutou e tuinanauga o te tino. Kae ke kavea te alofa ke mafai ai oi tautua tētahi ki tētahi.

Kalatia 5:22

Kae ko te Agaga e fua mai ai te alofa, te fiafia, te fīlēmū, te onohai, te agalelei, te āmio lelei, te fakamāoni,

Kalatia 5:6

Auā kāfai ki tātou e i te hokotaga ma Keliho Iehu, e hēai lele he mea e kehe ai pe kua pelitome pe hēai. Oioti lava te mea e tāua ko te koutou fakatuatua e mafai ai koutou ke alolofa ki iētahi tagata.

Efeho 2:10

Ko ki tātou na fai e te Atua ke vē lava ko te tūlaga kua i ei ki tātou, ma i te māfutaga ma Keliho Iehu na gaohia ai ki tātou e te Atua mo he ōlaga o gāluega lelei, tēia kua uma te ia hāunia ke fai e ki tātou.

Efeho 3:17

ma ko au e tatalo ko Keliho ke mau i nā loto o koutou e ala i te koutou fakatuatua. Ko au e tatalo ke mautū lelei te koutou fakavae i luga o te alofa,

Efeho 4:2

Ke maua pea koutou i taimi uma i te lotomaulalo, te agamalū, ma te onohai. Fakaali te koutou alofa e ala i te talia o nā uiga o tētahi e tētahi.

Efeho 5:2

E tatau nā ōlaga o koutou ke pūlea e te alofa, e vē ko te alofa o Keliho ki a te ki tātou ma na fōki ai tona ola mo ki tātou, ke fai ma tāulaga manogi e fiafia ki ei te Atua.

Efeho 5:27

kae ke ia tukulima atu ai te Ekalehia ki a te ia lava, i tona gali kātoatoa — e mamā ma hēai he hehē, e hēai he ila pe he mafenu, pe ko hētahi lava mea e hē kātoatoa te lelei.

Filipi 2:15

kae ke hē taku hehē ai koutou ma mamā kātoatoa, koutou te fānau a te Atua e nonofo i he lalolagi o tagata āmio pikopiko ma agahala. E tatau koutou ke huhulu atu e vē ni fetu pupula e māinafia ai te lagi,

Kolohe 1:22

Kae nei, e ala i te mate o tona Ataliki, ko koutou kua fai e te Atua ma ana uō, kae ke ōmamai ai koutou ki a te ia, kua uma te fakapaiagia, mamā ma hēai ni hehē.

Kolohe 2:2

E fai e au te mea tēnei kae ke fakatumulia ai ki lātou i te loto mākeke ma fuhia fakatahi i te alofa, ma lahi ai te mautinoa o ki lātou e ala i to lātou mālamalama e uiga ki te mealilo a te Atua, ko Keliho tēnā.

Kolohe 3:12

Ko koutou ko nā tino o te Atua; na alofa atu te Atua ki a te koutou, ma na ia filifilia koutou ke fai mo ia. Ko te mea ia e tatau ai koutou ke kokofu i te tīgā alofa, agalelei, loto maulalo, agamalū ma te onohai.

1 Tehalonia 3:12

Ke fakatupu pea lava e te Aliki te alofa o tētahi ki tētahi, ma ki tagata uma, ke vē ko te lahi o to mātou alofa mo koutou.

1 Tehalonia 4:7

E hēki kalagagia ki tātou e te Atua ke ola i nā uiga kino fakatetino, kae ke ola i nā uiga e paia.

2 Timoteo 1:9

Ko ki tātou na fakaola e te Atua ma ia filifilia ke kavea ma ona tagata, e hē ona ko nā gāluega kua ki tātou faia, kae ona ko ana lava fuafuaga ma tona alofa tūnoa. Na ia fōki maia tona alofa tūnoa tēnei e ala ia Keliho Iehu, ka ko hēki faia te lalolagi,

2 Timoteo 2:10

Ma ko au e onohai i nā mea uma iēnei mo te lelei o nā tino kua filifilia e te Atua, kae ke mafai ai foki ke ki lātou maua te fakaolataga e ala ia Keliho Iehu ma maua ai nā vīkiga e fakavavau.

2 Timoteo 2:19

Kae ko te fakavae mautū na fai e te Atua, e hē māluelue; ma e tuhi i luga nā kupu iēnei: “E iloa e te Aliki nā tino o ia” ma “Ko nā tino e lea ko ki lātou e a te Aliki, e tatau ke liliu kehe mai a lātou āmio hehē.”

Iakopo 2:5

Fakalogo mai koutou te kau uho pele! Na filifilia e te Atua nā tino mātitiva o tēnei lalolagi ke mau koloa i te fakatuatua, ma ke fai mo ki lātou te Mālō o te Atua, tēia kua folafola e ia mo ki lātou e alolofa ki a te ia.

1 Petelu 1:2

Ko koutou na filifilia e tuha ai ma fuafuaga a te Atua te Tamana, ma na fakapaiagia e tona Agaga, ke uhitaki ki a Iehu Keliho ma ke fakamamāgia i tona toto. Ke tūmau pea ia te koutou te alofa tūnoa ma te fīlēmū o te Atua.

1 Petelu 1:20

Na filifilia ia e te Atua ka ko hēki gaohia te lalolagi, ma na fātoā haele mai i nā toe aho iēnei, ke fehoahoani ki a te koutou.

1 Petelu 2:9

Kae ko koutou ko nā tino filifilia o te Atua, ko nā ohitāulaga a te Tupu, ko nā tino o te mālō paia, ko nā tōtino o te Atua na filifilia ke fakailoa ki tagata ia gāluega ofoofogia a te Atua, tē na kalagagia koutou ka koi i te pōuliuli ai koutou, ke ōmamai ki te gali o tona mālamalama.

2 Petelu 3:14

Ko te mea ia te kau uho pele, ka koi fakatalitali koutou ki te Aho tēnā, taumafai mālohi ke mamā ma hēai he mea e kino ai koutou i te kikila a te Atua, ma ke i ei koutou i te fīlēmū ma ia.

1 Ioane 4:16

Ma kua iloa lelei lava e ki tātou ma kua talitonu ki tātou, ki te alofa o te Atua mo ki tātou. Ko te Atua ko te alofa, ma ko nā tino e alolofa, e ola ki lātou i te māfutaga ma te Atua, ma ko te Atua e ola i te māfutaga ma ki lātou.

Fakaaliga 13:8

Ko tagata uma i te lalolagi ka ifo atu ki a te ia, vaganā ai ki lātou na tūhia o lātou igoa ki te tuhi o te ola, ka ko hēki faia te lalolagi. Ko te tuhi o te ola e a te Punuamāmoe, tē na tāmate.

Fakaaliga 17:8

Ko te manu fekai na kitea e koe, nae ola muamua kae nei kua hē toe ola; ma kua hāuni ka fanake ki luga mai te lua e hēai he gataga o tona loloto, ma fano ki te mea ka fakaumatia ai. Ko nā tino e nonofo i te lalolagi ko hēki tūhiagia o lātou igoa ki te tuhi o tagata ola ka ko hēki gaohia ai te lalolagi, ka ofo lahi lele kāfai e kikila ki te manu fekai. Nae ola muamua kae nei kua hē toe ola, kae e toe hula mai.