Efeho 1:23 - Tokelauan New Testament

²³ Ko te Ekalehia ko te tino ia o Keliho, ko te kātoatoaga ia o tē e ia fakakātoatoagia ia mea uma lele i ho he mea.

Efeho 1:23 ပူးပေါင်းရင်းမြစ်များ

Ioane 1:16

Ona ko te lahi o tona alofa tūnoa, kua fakamanuia ai ki tātou uma e ia, ma maua ai e ki tātou nā fakamanuiaga hautualahi.

Loma 13:5

Ona ko te mea tēnei, e tatau ai koutou ke uhitaki ki a te ki lātou e i ei te pule — e hē gata ona ko te fakahalaga a te Atua, kae ko he mea foki e iloa lelei lava e koutou e tatau ke koutou faia.

1 Kolinito 12:6

E i ei nā itūkāigā mālamalama kehekehe e fakatino ai nā tautuaga, kae ko te Atua lava e fokotahi te maua ai te mālamalama e tagata uma, mo a lātou gāluega e tautua ai.

1 Kolinito 15:28

Kae kāfai nā mea uma kua uma te tuku ki lalo o te pule a Keliho, oi ka tuku atu ai loa e te Ataliki ia ia lava ki lalo o te pule a te Atua, tē na ia tukuagia ia mea uma ki lalo o ia; ma ka pule ai te Atua ki nā mea uma.

Efeho 2:16

Ko tona mate i luga o te hātaulo na fakauma ai e Keliho nā tauaimihaga; e ala i te hātaulo na ia tuku fakatahia ai ia tagata mai nā fevaevaeakiga ke kavea ai ki lātou ma tino e tahi, ma ke kaumai ki lātou ki te Atua.

Efeho 3:10

kae ke fai ai te Ekalehia i nā aho nei, ma auala ke iloa ai e te kau agelu pule ma mālohiaga i te lagi, te matalahi o te poto o te Atua.

Efeho 3:19

Io, ko au e tatalo ke iloa e koutou tona alofa, e ui lava e hē mafai ke iloa kātoatoa te uiga kehe o tona alofa — ma ke fakatumulia kātoatoa ai koutou i te natula o te Atua.

Efeho 4:10

Ko te tino la na fanaifo ki lalo ko ia foki lava te na fanake ki luga ki te lagi pito hili te maualuga, ke fakatumu kātoatoa ai te vānimonimo i tona i ei.

Efeho 4:12

Na fai e ia te mea tēnei ke hāunia ai ia tagata uma o te Atua mo nā gāluega faka-Kelihiano, kae ke ati ake ai te tino o Keliho.

Efeho 4:13

Oi ko ki tātou la ka fuhia fakatahi ke fai ma tino e tahi i to tātou talitonuga ma to tātou iloa o te Ataliki o te Atua; ka kavea ki tātou ma tagata kua kātoatoa te mātutua i to tātou talitonu ki te Atua, e vē foki lava ko Keliho.

Efeho 4:4

E tahi te tino ma tahi te Agaga, e vē foki lava oi tahi te fakamoemoe kua kalagagia ai koutou e te Atua.

Kolohe 1:24

I te taimi nei, ko au e fiafia ke puapuagā au mo koutou, auā ko oku puapuagā i te tino e fehoahoani ai au ke fakakātoatoa nā puapuagā o Keliho koi totoe, mo tona tino, te Ekalehia.

Kolohe 2:19

ma kua hē pipiki ai ki a Keliho, te ulu o te Ekalehia. I lalo o te pule a Keliho, ko te tino o te Ekalehia kātoa e fafaga ma tāofi fakatahi e nā hokoga ma nā maho, ma e tupu e vē oi finagalo ki ei te Atua.

Kolohe 3:11

Ma ko te mea ia, kua hē toe i ei ai he kehekehega o nā tino Iutaia ma nā tino nukukehe, nā tino kua pelitome ma ki lātou e hēki pelitomea, nā tino hē taupulea, nā tino fakapaupau, nā pologa, ma nā tino haoloto, kae ko Keliho ko te kātoaga ia o nā mea uma, ko ia e i nā mea uma.

Kolohe 3:15

Ko te fīlēmū e fōki atu e Keliho, ke takitakia ai koutou i autou tonu e fai; auā ko te fīlēmū tēnei kua kalagagia fakatahi ai koutou e te Atua, i te tino e tahi. Ma e tatau la koutou ke maua i te loto fakafetai.