Efeho 1:20 - Tokelauan New Testament

²⁰ na fakatū ai ia Keliho mai te oti, ma fakanofo ai i tona itū taumatau i te mālō i te lagi.

Efeho 1:20 ပူးပေါင်းရင်းမြစ်များ

Mataio 26:64

Kua tali mai ia Iehu, “Ko tēnā lava e lea ai koe. Kae ko au e lea atu ki a te koutou uma, e kāmata atu nei ka koutou kitea te Ataliki o te Tagata e nofo i te itū taumatau o te Hilihilikehe, ma e hau i luga o nā ao o te lagi.”

Mataio 28:18

Kua hōhō atu ia Iehu ki o lātou tafa, oi vāgana atu ai ki ei, “Ko te pule kātoa i te lagi ma te lalolagi, kua tuku mai ki a te au.

Maleko 14:62

“Io, ko au,” kua tali mai ia Iehu, “ma ka koutou kitea te Ataliki o te Tagata e nofo i te itū taumatau o te Hilihilikehe, ma e hau ma nā ao o te lagi!”

Maleko 16:19

Kua uma te vāgana atu o te Aliki ko Iehu ki a te ki lātou, oi hikitia ake ai ki te lagi ma nofo i te itū taumatau o te Atua.

Ioane 10:18

E hēai he tino e ia kave kehea toku ola mai ia te au, kae e kō ofo atua i toku loto malie. E ia te au te pule ke ofo atu ai toku ola, ma e ia te au foki te pule e toe kaumai ai. Ko te mea tēnei kua fakatonu mai e toku Tamana ke kō faia.”

Ioane 10:30

Ko te Tamana ma au, e tahi ki māua.”

Gāluega 10:40

Kae na toe fakatū e te Atua mai te oti i tona tolu o aho, ma ko tona lava finagalo ke fakakitea ia Iehu,

Gāluega 26:8

He ā te faigatā ai ia te koutou iēnā i kinei ke talitonu ko nā tino kua feoti, e toe fakatutū e te Atua mai te oti?

Gāluega 4:10

e tatau foki la ke iloa e koutou uma vēnā ma tagata uma o Ihalaelu, ko te tino tēnei e koutou kitea mai, kua fakamālōlōgia kātoa i te mana o te igoa o Iehu Keliho te Nahaleta — tē na koutou fakahātauloagia ma na toe fakatū mai te oti e te Atua.

Gāluega 5:31

Kua fakaeke ake ia e te Atua ki tona itū taumatau ke fai ma Takitaki ma ke fai foki ma Fakaola, kae ke maua ai e te nuku o Ihalaelu te avanoa ke halamō ai, ma fakamāgalo ai mai a lātou agahala.

Loma 8:34

Ko ai la te ka ia taku halagia ki lātou? Ko Keliho Iehu? Hēai! Ko Keliho na oti, oi toe fakatū mai ai i te oti, ma e i te itū taumatau o te Atua, e fautua mo ki tātou!

Efeho 1:3

Ke hiki ake fakatahi e ki tātou he fakafetai ki te Atua, te Tamana o to tātou Aliki ko Iehu Keliho. Auā e ala i te tātou hokotaga ma Keliho, kua fakamanuia ai e ia ki tātou i nā fakamanuiagia fakateagaga kehekehe uma mai te lagi.

Filipi 3:10

Oioti lava la te mea e fofou au ki ei, ke iloa e au ia Keliho ma te mana o tona toetū, ke puapuagā au e vē ko ia, ma ke oti foki au e vē ko ia

Kolohe 1:16

Auā ko nā mea uma lele i te lagi ma te lalolagi, nā mea e kitea ma nā mea e hē kitea, fakatahi ai ma nā pule o agaga, aliki, tupu ma taupulega, na gaohia e te Atua e ala ia Keliho ma e mo ia.

Kolohe 3:1

Kua uma te fakatutū o koutou mai te oti ki te ola fakatahi ma Keliho. Ke fakatāua la i nā loto o koutou nā mea i te lagi, te mea e nofo ai ia Keliho i tona nofoāliki, i te itū taumatau o te Atua.

Epelu 1:3

E kitea e ala i te Ataliki te uiga kehe o te mamalu o te Atua, ma e fōliga tutuha lelei lava ia ma te Atua, ma ko te mamana o tana kupu e tūmau ai pea nā mea i te lagi ma te lalolagi. I te kua uma o te fakamamāga e ia o agahala a te lalolagi, oi nofo ai ki lalo i te itū taumatau o te Tupu Hilihilikehe.

Epelu 10:12

Kae e fokotahi lava te tāulaga na ofo ake e Keliho mo nā agahala, he tāulaga e aogā pea lava ke pa ki te fakavavau, ma na nofo ai loa i te itū taumatau o te Atua.

Epelu 13:20

Kua toe fakatū e te Atua to tātou Aliki ko Iehu mai te oti, ko ia ko te Leoleomāmoe Hili, ona ko tona toto kua fakamautū ai te feagaiga ke pa ki te fakavavau. Ke fōki atu ki a te koutou e te Atua o te fīlēmū nā mea lelei uma e manakomia e koutou, kae ke mulimuli ai koutou ki tona finagalo, ma ke fai e ia ki a te ki mātou e ala ia Iehu Keliho, nā mea e fiafia ia ki ei. Ma ke vīkia pea lava ia Keliho ke pa ki te fakavavau! Amene.

Epelu 2:9

Kae kua ki tātou kitea ia Iehu, tē na fakamaulalogia i lo nā agelu mo hina taimi, kae ke oti ai ia e ala i te alofa tūnoa o te Atua, mo tagata uma lele. I te taimi nei la, kua kitea e ki tātou ko Iehu kua fakapalegia i te paia ma te mamalu, ona ko tona onohai i nā puapuagā na pa ia ki ei i tona mate.

1 Petelu 1:3

Ke vīkia te Atua ma te Tamana o to tātou Aliki ko Iehu Keliho! Ona ko te lahi o tona alofa fakahao na ia fōki maia ai ki a te ki tātou te ola fou, e ala i te toetū o Iehu Keliho mai te oti. Ko ki tātou kua fakatumulia i he fakamoemoe e ola pea lava,

Fakaaliga 1:17

I te kō kiteaga o ia, oi fakapakū ai au ki tafa o ona vae e vē he tino kua oti. Kae kua tuku mai tona lima taumatau ki oku luga ma lea vē mai, “Ia koe nahe mataku! Ko au ko te muamua ma te mulimuli.