Efeho 1:10 - Tokelauan New Testament

¹⁰ Ko te fuafuaga tēnei, te ka fakatino kātoatoa i te taimi e tatau ai, ka tuku fakatahi ai nā mea uma lele na gaohia i te lagi ma te lalolagi, ma kavea ai ia Keliho ma ulu.

Efeho 1:10 ပူးပေါင်းရင်းမြစ်များ

Mataio 25:32

ma ka ōmamai ia tagata o mālō uma ki a te ia. Oi vāevāe ai e ia ki lātou ki ni vāega e lua, e vē lava oi tuku kehekehe e te leoleomāmoe nā māmoe ma nā oti.

Maleko 1:15

Kua vāgana atu, “Kua pa ki te taimi, ko te Mālō o te Atua kua pili mai; liliu kehe mai autou agahala ma talitonu ki te Tala Lelei!”

1 Kolinito 10:11

Ko nā mea uma iēnei na tutupu ki a te ki lātou ke fai ma fakatakitakiga ki iētahi tino, ma na tūhia ki lalo kae ke fai ma mea ke fakaeteete ai ki tātou. Auā kua pili mai i te taimi nei e ola ai ki tātou, te ikuga o mea uma.

1 Kolinito 11:3

Kae ko au e fofou ke koutou manatua ko te ulu o ho he tino ko Keliho, ko te ulu o he fafine ko tana tāne, ma ko te ulu o Keliho ko te Atua.

Kalatia 4:4

Kae i te pa maiga o te taimi tonu na fuafuagia, oi uga mai ai e te Atua tona lava Ataliki. Na fānau mai i he fafine, ma na ola ake i lalo o nā Tūlāfono Iutaia,

Efeho 1:22

Kua tuku e te Atua nā mea uma ki lalo o nā vae o Keliho, ma tuku atu e ia ki te Ekalehia ke kavea ma Aliki hilihili e pule i nā mea uma.

Efeho 2:15

Na fakahēai e ia te Tūlāfono Iutaia vēnā ma ona fakatonuga ma poloakiga, kae ke mafai ai ke tuku fakatahi ia tagata Iutaia ma tagata nukukehe ke vē he tino e tahi i te māfutaga ma ia, ma maua ai te fīlēmū.

Efeho 3:15

tē e maua ai e kāiga takitahi uma i te lagi ma te lalolagi, o lātou igoa hako.

Efeho 3:2

E talitonu au kua fakalogo koutou ki te alofa tūnoa o te Atua kua ia tuku maia ai ki a te au te gāluega tēnei ke fai, kae ke maua ai e koutou he fehoahoani.

Kolohe 1:16

Auā ko nā mea uma lele i te lagi ma te lalolagi, nā mea e kitea ma nā mea e hē kitea, fakatahi ai ma nā pule o agaga, aliki, tupu ma taupulega, na gaohia e te Atua e ala ia Keliho ma e mo ia.

Kolohe 1:20

Ko te mea ia na fuafua ai e te Atua, ke fai te Ataliki ma auala ke toe fakafoki atu ai te lagi ma te lalolagi ki a te ia. Na fai te fakaleleiga e te Atua, e ala i te mate o tona Ataliki i luga o te hātaulo, ke toe fakafoki atu ai ki a te ia nā mea uma lele, i te lagi ma e lalolagi.

Kolohe 3:11

Ma ko te mea ia, kua hē toe i ei ai he kehekehega o nā tino Iutaia ma nā tino nukukehe, nā tino kua pelitome ma ki lātou e hēki pelitomea, nā tino hē taupulea, nā tino fakapaupau, nā pologa, ma nā tino haoloto, kae ko Keliho ko te kātoaga ia o nā mea uma, ko ia e i nā mea uma.

Epelu 1:2

Kae i nā toe aho iēnei, kua tautala mai te Atua ki a te ki tātou e ala i tona Ataliki. Na gaohia e te Atua te lagi ma te lalolagi e ala i tona Ataliki, tē kua ia tōfiagia ke fai ma ona tofi nā mea uma iēnei.

Epelu 11:40

auā kua uma te fai e te Atua hētahi peleni e hili atu te lelei, mo ki tātou. Ko te fuafuaga a te Atua, ke nahe fakakātoatoagia to lātou lelei, heiloga kua i ei fakatahi ki lātou ma ki tātou.

Epelu 9:10

ona ko nā mea iēnei ni mea tau meakai, meainu, ma nā faiga kehekehe e mafai ai ia tagata ke fakamamāgia. Ko nā mea uma iēnei ni tūlāfono mo te kikila atu i fafo, e fakaaogā oioti ke pa ki te taimi e hui ai e te Atua i ni mea fou e hili atu te lelei.

1 Petelu 1:20

Na filifilia ia e te Atua ka ko hēki gaohia te lalolagi, ma na fātoā haele mai i nā toe aho iēnei, ke fehoahoani ki a te koutou.

Fakaaliga 5:9

Na uhu te lātou pehe fou e vē: “E ia te koe te pule ke kave ai te tuhitākai ma ke tatala ona fakamaufakailoga. Auā ko koe na tāmate, ma ko tō toto na totogi ai nā tino ke haoloto ke kavea ki lātou mo te Atua, nā tino mai nuku uma, mai gagana uma, mai mālō uma, mai lanu uma.