Efeho 1:1 - Tokelauan New Testament

¹ Mai ia Paulo, te apohitolo a Keliho Iehu, na filifilia e te Atua — Ki tagata o te Atua i Efeho, ki lātou e fakamāoni i o lātou ōlaga i te māfutaga fakatahi ma Keliho Iehu.

Efeho 1:1 ပူးပေါင်းရင်းမြစ်များ

Luka 16:10

Ko ai lava e fakamāoni i nā tamā mea, ka fakamāoni foki i nā mea lalahi; ma ko ai lava e hē fakamāoni i nā tamā mea, ka hē fakamāoni foki i nā mea lalahi.

Gāluega 16:15

Ina kua uma te papatiho o Litia ma nā tino uma o tona kāiga, oi lea vē mai ai ki a te ki mātou, “Ōmai tātou nonofo i toku fale, kāfai koutou kua manatu ko au he tino kua talitonu moni ki te Aliki.” Ma na ia tauanaua ki mātou ke ōake.

Gāluega 18:19

Kua taunuku atu ki lātou ki Efeho, oi tuku ai i kinā ia Pihila ma Akula e Paulo kae fano ki te hūnako, ma talatalanoa ai ma nā tino Iutaia.

Gāluega 18:21

Ka kua lea vēnei atu ki ei i te taimi ka fano kehe ai, “Kāfai ko te finagalo ia o te Atua, e toe foki mai lava au ki a te koutou.” Oi folau kehe ai loa mai Efeho.

Gāluega 9:13

Kua tali atu ia Anania, “Te Aliki, e tokalahi nā tino kua lea mai ki a te au e uiga ki te tagata tēnei ma ana fakahāuāga ki ō tagata i Ieluhalema.

Loma 1:1

Mai ia Paulo, he kaukauna e a Keliho Iehu, ma ko he apohitolo na kalagagia ma filifilia e te Atua, ke tālakia tana Tala Lelei.

Loma 1:7

Oi ko au la e tuhi atu ki a te koutou uma i Loma, koutou iēnā e alofa ki ei te Atua, ma kua kalagagia e te Atua ke kavea ma ona tagata: Ke ia te koutou te alofa tūnoa ma te fīlēmū mai te Atua to tātou Tamana ma to tātou Aliki ko Iehu Keliho.

Loma 8:1

I te taimi nei la, e hēai he fakahalaga mo ki lātou e ola i te māfutaga ma Keliho Iehu.

1 Kolinito 4:12

ma e fakaaogā o mātou lima i nā gāluega fītā. Kāfai ki mātou e fetū e tagata, e fakamanuia e ki mātou; kāfai ki mātou e maua i nā hāuāga, e onohai ki mātou;

1 Kolinito 4:17

Ko te mea ia ka uga atu ai e au ki a te koutou ia Timoteo, toku ataliki pele ma te fakamāoni i te ōlaga faka-Kelihiano. Ka ia fakamanatu atua ki a te koutou nā mea tāua e mulimuli au ki ei i te ōlaga fou fakatahi ma Keliho Iehu, e vē oi akoako atu e au ki nā Ekalehia uma i nā koga kehekehe.

2 Kolinito 1:1

Mai ia Paulo, he apohitolo a Keliho Iehu e tuha ai ma te finagalo o te Atua, ma te koutou uho ko Timoteo — Ki te Ekalehia a te Atua i Kolinito, ma nā tino o te Atua i te itūmālō kātoa o Akaia:

Kalatia 1:1

Mai ia Paulo, he apohitolo e hēki tōfiagia e tagata pe e ala i he pule fakatetagata, kae na kalagagia e Iehu Keliho ma te Atua te Tamana, tē na ia fakatūagia ia Keliho mai te oti.

Kalatia 3:26

Ko te fakatuatua te mafai ai oi kavea koutou uma ma fānau a te Atua, i te hokotaga ma Keliho Iehu.

Kalatia 3:28

E hēai la he mea e kehekehe ai ia tagata Iutaia ma tagata nukukehe, ia tagata pologa ma tagata haoloto, ia tamāloa ma fafine; e tahi koutou uma i te hokotaga ma Keliho Iehu.

Kalatia 3:9

Ko Apelaamo na talitonu ma na fakamanuiagia; ko ki lātou uma la e talitonu, e fakamanuia foki e vē ko Apelaamo.

Efeho 1:15

Ona ko te māfuaaga tēnei, talu lava te lagona e au e uiga ki te koutou fakatuatua ki te Aliki ko Iehu ma te koutou alolofa ki tagata o te Atua,

Efeho 2:10

Ko ki tātou na fai e te Atua ke vē lava ko te tūlaga kua i ei ki tātou, ma i te māfutaga ma Keliho Iehu na gaohia ai ki tātou e te Atua mo he ōlaga o gāluega lelei, tēia kua uma te ia hāunia ke fai e ki tātou.

Efeho 2:13

Kae nei, i te māfutaga ma Keliho Iehu, ko koutou nae mamao ma te Atua ka kua kaumai ke pili ki te Atua e ala i te toto o Keliho.

Efeho 2:6

I te māfutaga a ki tātou ma Keliho Iehu na toe fakatutū ai ki tātou e te Atua ki te ola fakatahi ma Keliho, ma ia fakanonofoa ki tātou i tafa o Keliho, i nā nofoaga i te lagi.

Efeho 6:21

Ko Tuhiko, to mātou uho pele ma ko he kaukauna fakamāoni i te gāluega a te Aliki, ka maua ai e koutou nā fakamatalaga uma e uiga ki a te au, kae ke koutou iloa ai te tūlaga e i ei ai au.

Kolohe 1:2

Ki tagata o te Atua i Kolohe, o mātou uho fakamāoni i te māfutaga fakatahi ma Keliho: Ke ia te koutou te alofa tūnoa ma te fīlēmū mai te Atua to tātou Tamana.

Fakaaliga 17:14

Ka tau ki lātou ma te Punuamāmoe; kae ka fakatōkilalogia ki lātou e te Punuamāmoe, auā ko ia ko te Aliki o aliki uma ma te Tupu o tupu uma, ma ko nā tino e kau fakatahi ma ia, ni tino na kalagagia ma filifilia e Atua, ma e tūmau to lātou fakamāoni ki a te ia.”

Fakaaliga 2:10

Koutou nahe mātataku i nā mea ka puapuagātia ai koutou. Kikila, e i ei nā tino o koutou ka togi e te Tiāpolo ki te falepuipui ke tofotofo ai koutou, ma e hefulu ia aho ka maua ai koutou i nā fakafītāuli. Koutou ke fakamāoni pea lava e tuha lava pe oti ai koutou, oi fōki atu ai e au ki a te koutou te ola, ke fai ma pale e fakailoa ai te koutou manumālō.

Fakaaliga 2:13

E iloa e au te mea e nonofo ai koutou i kinā i te mea e i ei ai te nofoāliki o Hātani. E tūmau pea lava te koutou fakamāoni ki a te au, ma e hēki uma te koutou fakatuatua mai ki a te au, ke pa lava ki te taimi na tāmate ai ia Anitipaha, tē nae molimau fakamāoni e uiga ki a te au, i kinā te mea e nofo ai ia Hātani.