3 Ioane 1:7 - Tokelauan New Testament

⁷ Auā kua malaga atu ki lātou ke tautua ki a Keliho, ma e hēki ki lātou taliagia he fehoahoani mai nā tino fakapaupau.

3 Ioane 1:7 ပူးပေါင်းရင်းမြစ်များ

Ioane 15:21

Kae ko nā mea uma iēnei ka ki lātou faia ki a te koutou ona ko koutou e āku; auā e hē ki lātou iloa tē na ia uga maia au.

Gāluega 20:33

E hēki kō manakomiagia ni hiliva, pe ni aulo, pe ni kofu mai he tino.

Gāluega 20:35

Kua fakahino atu e au ki a te koutou i aku mea uma e fai, ko te galue mālohi e vē ona galue ai au, e mafai ai e ki tātou ke fehoahoani ki te tino faitauale, ma manatua ai nā kupu na vāgana ai te Aliki ko Iehu e vē, ‘E lahi atu te manuia o te tino e ia fōkia, i lo te tino e ia taliagia’ ”

Gāluega 5:41

I te olo kehega o te kau apohitolo mai te fono, na fiafia lele ki lātou ona ko te fakatāuagia o ki lātou e te Atua ke fakamātagāgia, i te igoa o Iehu.

Gāluega 8:4

Ko nā tino na takape, na halalau ki nā itū uma ma tālaki atu te fekau.

Gāluega 9:16

Ma ka kō fakahinoa ki ei te lahi o nā puapuagā ka pa ia ki ei, ona ka ia fakailoagia toku igoa ki tagata.”

1 Kolinito 9:18

He totogi a la to oku e maua? Ko te avanoa ke tālaki ai te Tala Lelei e aunoa ma he totogi, e aunoa ma hoku tagi ki aku aiātatau i taku galue mo te Tala Lelei.

2 Kolinito 12:13

He ā nei he mea na fai e au ki a te koutou e hēki kō faia ki iētahi Ekalehia? Oioti lava te mea, ko koutou e hēki fakafītatā lele e au i ni fehoahoani tau tupe? Fakamāgalo mai au kāfai kua hē fetaui taku mea kua fai.

2 Kolinito 4:5

Auā e hē tālakia e ki mātou e uiga ki a te ki mātou lava; e tālaki e ki mātou ko Iehu Keliho ko ia ko te Aliki, ma ko ki mātou ni kaukauna ki a te koutou ona ko Iehu.

Filipi 2:9

Ko te mea ia kua fakaeke ake ai ia e te Atua ki te mea e pito hili te maualuga o tona mamalu i te lagi ma fōki ki ei te igoa e hili ona tāua i igoa uma.

Kolohe 1:24

I te taimi nei, ko au e fiafia ke puapuagā au mo koutou, auā ko oku puapuagā i te tino e fehoahoani ai au ke fakakātoatoa nā puapuagā o Keliho koi totoe, mo tona tino, te Ekalehia.

3 Ioane 1:8

Ko ki tātou la nā tino Kelihiano, e tatau ke fehoahoani ki nā tino iēnei, kae ke mafai ke gālulue fakatahi ki tātou ma ki lātou, mo te meamoni.

Fakaaliga 2:3

E iloa e au ko koutou e onohai ma kua maua i nā puapuagā ona ko au, ma e hē fakavāivai lele ai koutou.