3 Ioane 1:4 - Tokelauan New Testament

⁴ E hēai he mea e hili atu ona fiafia ai au i lo toku fakalogo atu ko taku fānau e ola i te meamoni.

3 Ioane 1:4 ပူးပေါင်းရင်းမြစ်များ

2 Kolinito 6:13

Ko au e tautala atu e vē lava koutou ni fānau moni e āku; tatala lahi ko outou loto, ma alolofa mai foki ki a te ki mātou e vē oi alolofa atu ki mātou ki a te koutou.

Kalatia 2:14

I te kō kiteaga ko te vāega tēnei e hē havavali i te auala hako e tuha ai ma te kupu moni e uiga ki te Tala Lelei, oi lea vēnei ai au ki a Petelu i mua o ki lātou uma, “Ko koe he Iutaia, kae ko koe nae ola lava e vē he tino nukukehe, kae hē vē he Iutaia. E vēhea la ona taumafai koe ke fakamālohi ki nā tino nukukehe ke ola e vē ni tino Iutaia?”

Kalatia 4:19

Taku fānau pele! E vē o na lagona nā tīgā e he mātua kāfai ka fānau, e vēnā foki oi lagona e au nā tīgā, ke pa lava ki te taimi e kavea ai koutou ke vē ko Keliho.

1 Tehalonia 2:11

E iloa e koutou ko nā faiga a ki mātou nae fai ki a te koutou e vē lava ko nā faiga a he tamana e fai ki tana lava fānau.

1 Timoteo 1:2

Ki a Timoteo, toku ataliki moni i te talitonuga faka-Kelihiano: Ke ia te koe te alofa tūnoa, te agalelei ma te fīlēmū mai te Atua te Tamana ma Keliho Iehu to tātou Aliki.

2 Timoteo 1:2

Ki a Timoteo, toku ataliki pele: Ke ia te koe te alofa tūnoa, te agalelei, ma te fīlēmū mai te Atua te Tamana ma Keliho Iehu to tātou Aliki.

Filemoni 1:10

Ko au la e talohaga atu ki a te koe e uiga ki a Onehimahi, ko he ataliki ki a te au e ala ia Keliho; auā na kavea au e vē ko he tamana ki a te ia, ka koi i loto au o te falepuipui.

1 Ioane 2:1

Ko au kua tuhi atu ki a te koutou taku fānau, kae ke nahe faia ai e koutou te agahala; kae kāfai he tino e agahala, e i ei te tino e fautua ki te Tamana mo ki tātou — ko Iehu Keliho, tē e āmiotonu.

2 Ioane 1:4

Kai te lahi o toku fiafia i te kō iloaga ko iētahi o fānau a koutou e mulimuli ki te meamoni, e vē lava oi fakatonu mai ai ki tātou e te Tamana.