3 Ioane 1:2 - Tokelauan New Testament

² Te uō pele, ko au e tatalo e holoholo lelei pea lava ia mea uma, ma e maua e koe te ola mālōlō lelei — auā e iloa e au ko koe e mālōlō lelei i te fakateagaga.

3 Ioane 1:2 ပူးပေါင်းရင်းမြစ်များ

Mataio 9:12

Kua lagona atu e Iehu ki lātou oi tali vē atu ai, “Ko nā tino e mālōlō, e hē ki lātou manakomia he fomai, kae vaganā ai nā tino e tauaale.

Filipi 2:27

Kae e hako nae tauale, ma na mea lava e mate ai. Kae na alofa ki ei te Atua, e hē gata la ki a te ia kae vēnā foki ki a te au, ma hēki pa ai au ki he tūlaga fakanoanoa lahi.

Filipi 2:4

Ma kikila ki nā mea e manuia fakatahi ai koutou, kae nahe kikila lava te tino mo ia lava.

2 Tehalonia 1:3

Te kau uho, ko ki mātou e tatau ke fakafetai pea ki te Atua i aho uma ona ko koutou. Ko he mea tēnei e tonu ma tatau ke fai e ki mātou, ona ko te fakatuatua o koutou kua tuputupu pea lava ma ko te alofa o koutou uma tau tokatahi mo tētahi ki tētahi, e gaholo lava e lahi.

2 Tehalonia 2:13

E tatau ki mātou ke fakafetai ki te Atua i taimi uma mo koutou, te kau uho, koutou iēnā e alofa ki ei te Aliki. Auā ko koutou na filifilia muamua e te Atua ke fakaola e ala i te mana o te Agaga ke kavea ai koutou ma ona tagata paia, ma e ala i te koutou talitonu ki te meamoni.

Iakopo 5:12

Kae fakamuamua i nā mea uma te kau uho, nahe koutou tautō kāfai e fai he koutou folafolaga. Nahe koutou tautō i te igoa o te lagi pe o te lalolagi pe o hētahi lava mea. Lea vē oioti, “Io” pe kāfai koe e loto ki ei, ma “Hēai” kāfai koe e hē loto ki ei, kae ke nahe kavea ai koutou ki lalo o te fakamahinoga a te Atua.

1 Petelu 4:8

Kae fakahilihili ai, ke tūmau pea lava te alofa o tētahi ki tētahi, auā ko te alofa e kave kehea ai te lahi o agahala.

2 Petelu 3:18

Kae ke tupu olaola pea koutou i te alofa tūnoa ma te mālamalama mai to tātou Aliki ma to tātou Fakaola ko Iehu Keliho. Ke ia te ia nā vīkiga, nei ma ke pa lava ki te fakavavau! Amene.

3 Ioane 1:1

Mai te Toeaina — Ki a Kaio te uō pele, e alofa lahi au ki ei.

Fakaaliga 2:9

E iloa e au nā fakafītāuli o koutou; e iloa e au ko koutou e mātitiva — kae ko te meamoni lava, ko koutou e maukoloa! E iloa e au nā kupu kino nae fai ki a te koutou e nā tino e lea ko ki lātou ni Iutaia, kae e hē ni Iutaia; ni tino e o Hātani!