3 Ioane 1:10 - Tokelauan New Testament

¹⁰ Kāfai la ia au e fanatu, oi ka kikila totoka ai au ki ana mea uma kua fai; ana tala mātagā e uiga ki a te ki mātou, ma ana tala pepelo. Kae e hē malie ai lava tona loto; ka hē ia taliagia foki nā uho Kelihiano kāfai e ōmamai, ma ia tāofiofia foki nā tino o te Ekalehia e fofou ke ki lātou taliagia, ma taumafai ke tuli kehe nā tino iēnei ma te Ekalehia.

3 Ioane 1:10 ပူးပေါင်းရင်းမြစ်များ

Luka 6:22

“Amutia koutou kāfai ia tagata e feita atu ki a koutou, pe teteke, pe fakamātagā koutou, ma fakakino outou igoa, ona ko te Ataliki o te Tagata!

Ioane 9:22

Na lea vēnā ona mātua, ona kua mātataku i nā takitaki o Iutaia, auā kua uma te fai o te lātou tonu, ko te tino e lea ko ia e talitonu ko Iehu ko te Mehia, e tuli kehe mai loto o te hūnako.

Gāluega 1:15

Kua teka atu ni nai aho, oi fai ai he fono a nā tino kua talitonu ki a Iehu, e maua te tai 120 fakatahi, oi tū ai ia Petelu oi tautala.

2 Kolinito 13:2

Ko au e fia lea atu ki a te koutou iēnā nae agahala i te taimi kua teka, vēnā ma iētahi uma; na lea atu au i te mea tēnei i te lua o taimi na āhiāhi atu ai au, kae ka toe lea atu au i te taimi nei kua hē i kinā au: ko tētahi taimi e fanatu ai au, e hēai he tino e fakahaoa mai te fakahalaga.

Kalatia 6:10

Ko te mea ia, i taimi uma e maua ai e ki tātou he avanoa, e tatau ke fai e ki tātou nā mea lelei ki ho he tino, kae maihe lava ki lātou i loto o te tātou kāiga Kelihiano.

1 Timoteo 5:13

E hē gata i tēnā, kua ki lātou iloa foki oi fakamāumau o lātou taimi, i te oatu mai tēia fale ki tēia fale. Kae ko te mea e hili te kino, kua ki lātou iloa oi faitala fakakino ma aiā tauanoa ki nā mea e hēai he lātou fekau ki ei.

2 Ioane 1:10

Ko te mea ia, kāfai ni tino e oatu ki a te koutou kae hē ia te ki lātou te akoakoga tēnei, nahe koutou taliagia ki loto o outou fale; nahe koutou lea foki vē, “Ke ia te koutou te fīlēmū.”

2 Ioane 1:12

E lahi lele nā mea e fia lea atu ai au ki a te koutou, kae ko au e hē fofou ke tuhi i he pepa ma he peni; ko au e fia fanatu oi kikila koutou ma ke talanoa fakatahi ai ki tātou, kae ke kātoatoa ai to tātou fiafia.

3 Ioane 1:3

Ko au na fiafia lahi lele i te taunuku maiga o ni uho Kelihiano, ma ki lātou molimaugia te pipiki o koe ki te meamoni — e vē lava ona ola ai koe i aho uma, i te meamoni.

3 Ioane 1:5

Te uō pele, e aloā koe e fakamāoni ki au gāluega e fai mo iētahi tino Kelihiano, e ui lava ni tino e hē kē iloa.