2 Timoteo 4:22 - Tokelauan New Testament

²² Ke fakatahi te Aliki ma koutou. Ke ia te koutou uma te alofa tūnoa o te Atua.

2 Timoteo 4:22 ပူးပေါင်းရင်းမြစ်များ

Filemoni 1:25

Ke ia te koutou uma te alofa tūnoa o te Aliki ko Iehu Keliho.

Kalatia 6:18

Te kau uho, ke ia te koutou uma te alofa tūnoa o to tātou Aliki ko Iehu Keliho! Amene.

Kolohe 4:18

Ko toku lima lava te tuhi atu ai au vēnei: Ni alofaaga mai ia Paulo. Nahe puli i oku filifili e noanoa ai au. Ke ia te koutou te alofa tūnoa o te Atua.

Loma 1:7

Oi ko au la e tuhi atu ki a te koutou uma i Loma, koutou iēnā e alofa ki ei te Atua, ma kua kalagagia e te Atua ke kavea ma ona tagata: Ke ia te koutou te alofa tūnoa ma te fīlēmū mai te Atua to tātou Tamana ma to tātou Aliki ko Iehu Keliho.

Fakaaliga 22:21

Ke ia te ki tātou uma te alofa tūnoa o te Aliki ko Iehu. Amene.

1 Petelu 5:14

Ke fakafeiloaki tētahi ki tētahi i te kihi o te alofa faka-Kelihiano. Ke ia te koutou uma kua ia Keliho, te fīlēmū.

Efeho 6:24

Ke ia te koutou uma e alolofa pea lava ki to tātou Aliki ko Iehu Keliho, te alofa tūnoa o to tātou Atua.

1 Timoteo 6:21

Auā e i ei nā tino kua lea, ko ki lātou e popoto, ma kua fai tēnā ma mea e olo kehe ai mai to lātou talitonuga. Ke ia te koutou uma te alofa tūnoa o te Atua.

1 Kolinito 16:23

Ke ia te koutou te alofa tūnoa o te Aliki ko Iehu.

Loma 16:20

Ma ko te Atua, te puna o te fīlēmū, ka tuki pala e ia ia Hātani i lalo o outou vae, i he taimi pili mai. Ke ia te koutou te alofa tūnoa o to tātou Aliki ko Iehu.

Mataio 28:20

ma akoako ki a te ki lātou ke mulimuli ki nā mea kua kō fakatonua ai koutou. Ma ko au ka fakatahi pea lava ma koutou, ke pa lava ki te gataaga o te ōlaga.”

Filipi 4:23

Ke ia te koutou uma te alofa tūnoa o te Aliki ko Iehu Keliho.