2 Timoteo 4:11 - Tokelauan New Testament

¹¹ Nā ko Luka te i kinei ki māua. Hau ma kaumai ia Maleko, auā e mafai ke fehoahoani mai ki a te au i te gāluega.

2 Timoteo 4:11 ပူးပေါင်းရင်းမြစ်များ

Mataio 19:30

Kae e tokalahi ki lātou e muamua nei ka kavea ma mulimuli, ma e tokalahi foki ki lātou e mulimuli nei ka kavea ma muamua.”

Mataio 20:16

Kua fakauma te akoakoga a Iehu oi lea vē atu ai, “Ko te mea ia, ko ki lātou e mulimuli ka kavea ma muamua, ka ko ki lātou e muamua ka kavea ma mulimuli.”

Luka 13:30

Ma ko nā tino e mulimuli i te taimi nei, ka kavea ma muamua, ma ko nā tino e muamua i te taimi nei, ka kavea ma mulimuli.”

Gāluega 12:12

Kua ia hāfia te tūlaga kua pa ia ki ei, oi fano ai ki te fale o Malia, te mātua o Ioane Maleko. E tokalahi nā tino nae maopoopo i kinā ma nae fai talohaga.

Gāluega 12:25

Kua uma te fakatino e Panapa ma Haulo te mea na ala ai o na olo ki Ieluhalema, oi toe olo kehe ai ma kave e ki lāua ia Ioane Maleko.

Gāluega 15:37

Na fofou ia Panapa ke kave ia Ioane Maleko i te lā kau,

Gāluega 15:39

Na fakavehivehi a lā fefīnauakiga, ma na iku ai kua hē toe gālulue fakatahi ki lāua. Kua kave e Panapa ia Maleko ma malaga i he vaka ki Kupulona,

Gāluega 16:10

I te kiteaga e Paulo te fakaaliga tēnei, oi hāuni ai loa ki mātou ke olo ki Maketonia, auā kua iloa e ki mātou ko te Atua kua kalaga mai ki a te ki mātou ke folafola te Tala Lelei ki nā tino i kinā.

Kolohe 4:10

E alofa atu ia Alihitako, tēnei e falepuipui fakatahi ki māua, vēnā foki ia Maleko te fetautāina o Panapa. (Kua uma te koutou maua o te fakatonuga ke koutou taliagia fiafia ia Maleko kāfai e kui vēnā atu.)

Kolohe 4:14

E momoli atu ia alofaaga o Luka te fomai fakapelepele o ki mātou, vēnā ma Temahi.

2 Timoteo 1:15

E iloa e koe ko nā tino uma lele i Ahia e aofia ai ia Fugelo ma Hemokene, kua fulitua mai ki a te au.

2 Timoteo 2:21

Ko nā tino e ki lātou fakamamāgia ki lātou mai nā mea kino uma iēnā, ka fakaaogā ki lātou mo nā mea fakapitoa, auā kua uma te fakapaiagia o ki lātou ma e aogā mo to lātou Matai, ma kua hāuni ke fakaaogā ki ho he gāluega lelei.

Filemoni 1:24

ma e vēnā foki oku hoa i luga o te gāluega, ia Maleko, Alihitako, Temahi, ma Luka.

1 Petelu 5:13

Ko te hoa Ekalehia o koutou i Papelona, na filifilia foki e te Atua, e fakafeiloaki atu ki a te koutou, e vēnā foki toku ataliki ko Maleko.