2 Timoteo 4:10 - Tokelauan New Testament

¹⁰ Ko Temahi kua fiafia ki nā mea o te lalolagi nei, ma kua ia tiakia au kae fano ki Tehalonika. Ko Keleoke kua fano ki Kalatia, ka ko Tito kua fano ki Talamatia.

2 Timoteo 4:10 ပူးပေါင်းရင်းမြစ်များ

Mataio 12:32

Ho he tino e fai hana kupu e teteke ai ki te Ataliki o te Tagata e mafai ke fakamāgalo; kae ko ai lava e fai hana kupu e teteke ai ki te Agaga Paia, ka hē fakamāgaloa lele ia e te Atua — i te ōlaga nei pe ko te ōlaga ka hau.

Mataio 26:56

Kae ko nā mea uma iēnei kua tutupu, kae ke taunuku ai nā mea nā tūhia e te kau pelofeta i loto o nā Tuhituhiga Paia.” Oi tīaki ai ia Iehu e te kau hoko uma, kae fētutuli kehe.

Luka 14:33

E vēnā foki lava ona hē mafai e he tino o koutou ke kavea ma oku hoko, vaganā e ia tiakia ana mea uma lele.

Luka 16:13

“E hēai he kaukauna e mafai ke kaukauna ki ni matai e toka lua; auā ka ita ki tētahi, kae alofa ki tētahi; ka fakamāoni ki tētahi kae inoino ki tētahi. E hē mafai koe ke kaukauna uma ki te Atua ma nā tupe.”

Luka 17:32

Ke koutou manatua te mea na tupu ki te āvaga a Lota!

Gāluega 13:13

Oi folau ai ia Paulo ma ona hoa mai Pafoho ma taunuku atu ki Pelekē, he kakai i Pamefulia; ko kinā te na tētēka ai ki lātou ma Ioane Maleko ona kua toe foki ki Ieluhalema.

Gāluega 15:38

kae ko te manatu o Paulo, e hē tatau ke kave ona e hēki mafai ke nofo ke uma te lātou gāluega tālaki, kae na toe foki kae tuku ki lāua i Pamefulia.

Gāluega 16:6

Na malaga kui loto atu ki lātou i nā kogāfenua o Fulugia ma Kalatia, ona na fakaali ki ei e te Agaga Paia ke nahe talakiagia te fekau i te itūmālō o Ahia.

Gāluega 17:1

Na fakaauau pea te malaga a Paulo ma Hila, kua kui loto atu i Amefipoli ma Apolonia, oi taunuku ai ki Tehalonika, te mea nae i ei ai he hūnako.

Gāluega 17:11

Na hili atu te tali aloakia o ki lāua e nā tino i kinā, i lo nā tino i Tehalonika. Na fakalogologo ki lātou ki te fekau ma te loto naunau lahi, ma nae hukehuke e ki lātou nā Tuhituhiga Paia i aho uma, ke ki lātou iloa ai pe moni te mea e lea ai ia Paulo.

Gāluega 17:13

Kae i te lagonaga e nā tino Iutaia i Tehalonika kua folafola foki e Paulo te kupu a te Atua i Peloia, oi olo ai foki ki ei ma kāmata oi fakaohooho ki nā tino kae ke tupu ai foki he vevehi.

Gāluega 18:23

Na mataloa malie i kinā, oi fano ai kua kui loto i te kogāfenua o Kalatia ma Fulugia, ma fakamākeke atu ki te kau Kelihiano uma.

2 Kolinito 2:13

Kae ko au nae popole lahi ona e hēki kō maua ki kinā, toku uho a kaukauna ko Tito. Oi na fakamāvae ai au ki nā tino nae i kinā, ma fano ai loa ki Maketonia.

2 Kolinito 7:6

Kae ko te Atua, tē e maua ai te fakamālohiaga e ki lātou kua tau hēai he fakamoemoe, na fakamālohi mai ki a te ki mātou, i te hauga o Tito.

2 Kolinito 8:16

Ko au e fakafetai ki te Atua ona ko ana faiga te kua lagona ai e Tito te agaga naunau e vē foki lava ko ki mātou, ke fehoahoani atu ki a te koutou.

2 Kolinito 8:23

E vē la ki a Tito, ko he hoa e ōku ma e gālulue fakatahi ki māua ke tautua atu ki a te koutou. Ko iētahi hoa a kaukauna, ni kavefekau e a nā Ekalehia, auā lava he vīkiga mo Keliho.

2 Kolinito 8:6

Ko te mea ia kua fakamālohi ai ki mātou ki a Tito, ona na ia kamatagia te gāluega tēnei, ke fakaauau pea ma ke fehoahoani atu ki a te koutou ke fakauma te gāluega lelei na ia kamatagia.

Kalatia 1:2

E fakafeiloaki atu te kau uho Kelihiano uma i kinei fakatahi ma au, ki a te koutou nā Ekalehia i Kalatia:

Filipi 2:21

Ko iētahi tino uma lele, e kikila ifo lava te tino mo ia lava, kae kua hē kikila pe fehoahoani vēhea ia ki te gāluega a Iehu Keliho.

1 Timoteo 6:10

Auā ko te mānumanu ki te tupe, ko te pogai ia o nā mea kino uma. Ko te mānumanu ki te tupe kua ala ai oi olo kehe iētahi tino mai to lātou talitonuga, ma kua tuia ai o lātou fatu i te lahi o mea tīgā.

1 Timoteo 6:17

Kae e vē la ki nā tino e mau koloa i nā mea o te ōlaga tēnei, fakatonu ki ei ke nahe ki lātou fia hihili, kae ke tuku to lātou fakamoemoe, e hē ki nā mea e hē mautinoa e vē ko nā koloa, kae ki te Atua tē e kaumaia nā mea e lahi ke fiafia ai ki tātou.

2 Timoteo 1:15

E iloa e koe ko nā tino uma lele i Ahia e aofia ai ia Fugelo ma Hemokene, kua fulitua mai ki a te au.

2 Timoteo 4:16

I te faiga o toku fakamahinoga, e hēai lele he tino na fehoahoani mai ki a te au; ko au na tīaki e ki lātou uma. Ko au e tatalo ke nahe tauia e te Atua te lātou mea tēnei na fai.

Tito 1:4

Ki a Tito, toku ataliki moni e ala i te talitonuga kua talia fakatahi e ki tāua. Ke ia te koe te alofa tūnoa ma te fīlēmū o te Atua te Tamana ma Keliho Iehu to tātou Fakaola.

Filemoni 1:24

ma e vēnā foki oku hoa i luga o te gāluega, ia Maleko, Alihitako, Temahi, ma Luka.

2 Petelu 2:15

Kua olo kehe ki lātou mai te auala hako ma kua hē ki lātou iloa to lātou auala; kua mulimuli ki lātou i te auala na kui ai ia Palaama te ataliki o Poholo, tē nae fiafia ki nā tupe nae totogi ai ia e ni tino mo ana mea pikopiko nae fai,