2 Timoteo 3:8 - Tokelauan New Testament

⁸ E vē oi teteke ia Ianehe ma Iamele ki a Mohe, e vēnā foki oi teteke nā tino iēnei ki te meamoni — nā tino kua kino nā māfaufau ma e hē moni to lātou fakatuatua ki a Keliho.

2 Timoteo 3:8 ပူးပေါင်းရင်းမြစ်များ

Gāluega 15:24

Kua fakalogo ki mātou e i ei ni tino na oatu ia te ki mātou, kua fai ma fakalavelave ki a te koutou ma ko koutou kua hē fiafia lahi ona ko a lātou kupu e tautatala ai. E hēki ki mātou fakatonua lele nā tino iēnā.

Loma 1:28

Ona ko nā tino iēnei kua hē fia talia e ki lātou te mālamalama moni e uiga ki te Atua, kua tīaki vē ai ki lātou e te Atua ma o lātou māfaufau pikopiko, kae ke fai ai pea e ki lātou nā mea e hē tatau ke ki lātou faia.

Loma 16:18

Auā ko nā tino e faia nā mea iēnā, e hē gālulue mo Keliho to tātou Aliki, kae mo ki lātou lava. Ko a lātou kupu gali ma fakafāfia tino, e fakahehē ai nā loto o nā tino e hē lava to lātou iloa.

Efeho 4:14

Ka hē toe vē ki tātou ni tamaiti e fetolifaki e nā galu ma pūhia holo i matagi vale o nā akoakoga a nā tino faitogafiti kino, iē e ki lātou takitakia iētahi tino ki te mea hehē, e ala ia lātou togafiti popoto.

1 Timoteo 1:19

ma tāofi mau ki te fakatuatua ma te lotofuatia e mamā. Ko iētahi tino kua hē fakalogo ki o lātou lotofuatia, ma kua fakahēaogā ai e ki lātou to lātou fakatuatua.

1 Timoteo 4:2

Ko nā akoakoga vēnā e fakahalalau e nā tino talapepelo fakahehē, kua mamate o lātou lotofuatia, e vē na huhunu i he ukamea kakaha.

1 Timoteo 6:5

ma te tauaikupu o nā tino kua hē lelei nā māfaufau, ma kua hē toe ia te ki lātou te meamoni. Ko nā tino iēnei e vēakē ko nā mea tau tāpuakiga e maua ai ni koloa e lahi.

2 Timoteo 4:15

Koe la ke fakaeteete i te tagata tēnei, auā e teteke lahi lele ki te fekau e ki tātou tālakia.

Tito 1:10

Auā e tokalahi nā tino, kae maihe lava ki lātou nae i te tāpuakiga faka-Iutaia, e teteke ma fakahehē ki iētahi tino, i nā kupu e hēai ni uiga e tautatala ai.

Tito 1:16

Ko nā tino vēnei e lea e ki lātou iloa te Atua, kae e kitea ia lātou mea e fai te hē hako o tēnei fakakupuga. Ni tino e inohia ma hē fakalogo ki te Atua, ma e hē ki lātou mafaia oi fai he mea lelei e fokotahi.

2 Petelu 2:14

Oioti lava te mea e fano ki ei o lātou māfaufau, ke i ei he avanoa ke fai ai e ki lātou te mulilua; ko to lātou umiti ki te agahala e hē mafai ke uma. E takitaki hehē e ki lātou nā tino e fakahehē gōfie, ma ko o lātou loto e akoako ke iloa oi manako lahi. Kua fakamālaia ki lātou e te Atua.

1 Ioane 2:18

Taku fānau, ko te ikuga kua pili mai! Na fakailoa atu ki a te koutou ko te Fili o Keliho e hau; kae nei e tokalahi lele nā fili o Keliho kua huhula mai, ma ko te mea ia kua iloa ai e ki tātou ko te ikuga kua pili mai.

1 Ioane 4:1

Te kau uho pele, koutou nahe talitonu ki nā tino uma e lea e ia te ki lātou te Agaga, kae hukehuke lelei ma hakili ke koutou iloa pe ko te agaga e ia te ki lātou e mai te Atua. Auā e tokalahi ia pelofeta pepelo kua olo ki itū kehekehe o te lalolagi.

Fakaaliga 2:20

Kae ko tēnei te mea e hē fiafia ai au ki a te koutou: e hēai lele houtou teteke ki te fafine ko Iehapela, tēia e lea ko ia ko he pelofeta e a te Atua. E fakahehē e ia aku kaukauna e ala i ana akoakoga, ke ki lātou faia nā tuinanauga mātagā ki te tino, ma ke kakai ki nā meakai kua uma te fakatō mo nā tupua ta.

Fakaaliga 2:6

Kae ko tēnei te mea e fiafia ai au ki a te koutou: ko koutou e inoino e vē ko au, ki nā mea e fai e nā tino e mulimuli ki a Nikolaito.