2 Timoteo 3:5 - Tokelauan New Testament

⁵ ka tāofi mau ki lātou ki nā auala e fakatino ai te tātou talitonuga, kae e hē talitonu ki te mana o te talitonuga.

2 Timoteo 3:5 ပူးပေါင်းရင်းမြစ်များ

Mataio 7:15

“Koutou ke fakaeteete i nā pelofeta pepelo: e ōmamai ki a te koutou e fōliga e vē ni māmoe i te kikila atu i fafo, kae ko loto, e vē lava ni luko fekai.

Efeho 4:14

Ka hē toe vē ki tātou ni tamaiti e fetolifaki e nā galu ma pūhia holo i matagi vale o nā akoakoga a nā tino faitogafiti kino, iē e ki lātou takitakia iētahi tino ki te mea hehē, e ala ia lātou togafiti popoto.

2 Tehalonia 3:14

Ātonu e i ei ni tino i kinā ka hē fia fakalogo ki te fekau kua kavatu e ki mātou i te tuhi tēnei. Kāfai e i ei ni tino vēnā, ke koutou iloa pe ko ai ki lātou, ma nahe koutou toe fakapipiki ki ei kae ke fai tēnā ma mea e lagona ai e ki lātou te mā.

2 Tehalonia 3:6

Te kau uho, ko koutou e fakatonu atu e ki mātou i te igoa o to tātou Aliki ko Iehu Keliho. Koutou ke tau mamao lele ma nā tino e ola i he ōlaga paiē, ma hē mulimuli ki nā akoakoga na tuku atu e ki mātou.

1 Timoteo 4:7

Kae tau mamao ma nā tala fāgogo mai anamua, auā e hē paia ma hēai he aogā. Tokaga oi koleni ke maua e koe he ōlaga e fiafia ki ei te Atua.

1 Timoteo 4:8

Ko te koleni fakamālohi tino e moni e aogā, kae ko te koleni fakateagaga e tāua atu ia i nā itū uma lele, auā e mautinoa ai te maua o te ola nei, ma i te lumanaki.

1 Timoteo 5:8

Kae kāfai he tino e hē ia tauhia lelei ona kāiga, kae maihe lava ona tōtino moni, ko tona uiga kua teteke e ia te talitonuga, ma e hili atu te kino o ia i lo nā tino e hēki talitonu.

1 Timoteo 6:5

ma te tauaikupu o nā tino kua hē lelei nā māfaufau, ma kua hē toe ia te ki lātou te meamoni. Ko nā tino iēnei e vēakē ko nā mea tau tāpuakiga e maua ai ni koloa e lahi.

2 Timoteo 2:16

Tau mamao ma nā talanoaga valea ma hēai he aogā, auā e nā ko te tuli kehe ai o tagata ke mamao ma te Atua.

2 Timoteo 2:23

Tau mamao ma nā fīnauga valea ma hēai he uiga; e iloa e koe ko te ikuga o nā mea iēnei ko te tauaimiha.

Tito 1:16

Ko nā tino vēnei e lea e ki lātou iloa te Atua, kae e kitea ia lātou mea e fai te hē hako o tēnei fakakupuga. Ni tino e inohia ma hē fakalogo ki te Atua, ma e hē ki lātou mafaia oi fai he mea lelei e fokotahi.

Tito 3:10

Lapataki fakafokotahi pe fakalua ki nā tino e fakatupua nā fekehekeheakiga, kā hēai lava oi tīaki vē loa nahe kē toe amanakiagia.