2 Timoteo 3:2 - Tokelauan New Testament

² Auā ko tagata ka manatu fakapito ifo lava te tino ki a te ia lava, ka mānumanu ki nā tupe, ka fāfifia ma fiahihili; ka fai kupu fakakino, ka hē uhitaki ki nā mātua, ka hē loto fakafetai ma hē āmio mamalu,

2 Timoteo 3:2 ပူးပေါင်းရင်းမြစ်များ

Mataio 15:6

e hē tau āva la ki lātou ki o lātou tamana. Ko te koutou faiga tēnā kua fakahēaogā ai e koutou te fakatonuga a te Atua, kae ke mulimuli ai pea koutou ki autou tu māhani.

Luka 12:15

Oi lea atu ai ia Iehu ki te kaifenua uma, “Kikila lelei ma ia koutou ke fakaeteete i te mānumanu; auā ko te ola o te tagata e hē fua fakatataua ki te lahi o ana koloa.”

Luka 16:14

I te lagona atuga o nā mea uma iēnei e te kau Falehaio, oi fai ai a lātou kupu fakatauemu ki a Iehu, auā ko ki lātou ni tino e fiafia ki nā tupe.

Luka 6:35

Kae alolofa ki nā fili o koutou ma fai lelei ei; fōki autou mea e aunoa ma he koutou māfaufau, ke toe maua mai he mea. Ka maua ai e koutou he taui lahi, ma kavea ai koutou ma fānau a te Atua Hilihilikehe. Auā ko te Atua e agalelei ki nā tino kino ma hē loto fakafetai.

Gāluega 5:36

Auā e manatua e koutou te hauga o Teutaha i he taimi kua mamao mālie atu, na lea ko ia he tino e lauiloa ma e maua te toka fa helau o tagata na mulimuli ki ei. Kae i te taimi na tāmate ai, ko nā tino uma nae mulimuli ki ei na takape, ma na uma atu ai lava foki ma tana fakalapotopotoga.

Loma 11:18

Ko te mea ia, koutou nahe kikila fakatauemu ki a te ki lātou na tagau kehe e vē ni lālā. E vēhea ona fāfifia koutou? Ko koutou kua nā ko he lālā; e hē fehoahoani koutou ki nā aka — ko nā aka te fehoahoani atu ki a te koutou.

2 Kolinito 5:15

Ma ko Keliho na oti mo tagata uma, kae ke nahe toe ola ai nā tino e ola mo ki lātou lava, kae ola oioti mo tē na oti ma toe fakatū mai ki te ola, mo ki lātou.

Filipi 2:21

Ko iētahi tino uma lele, e kikila ifo lava te tino mo ia lava, kae kua hē kikila pe fehoahoani vēhea ia ki te gāluega a Iehu Keliho.

Kolohe 3:5

Fakauma loa la nā manakoga o te lalolagi e pūleagia outou tino, e vē ko te tuinanau ki te tino, faiamio mātagā, nanau, nauloto kino, ma te kaimanako (auā ko te kaimanako e tutuha ma te ifo ki tupua).

2 Tehalonia 2:4

Ka teteke ia ki ho he itūkāigā atua pe ho he mea e ifo tāpuaki ki ei ia tagata, ma ia fakahilihilia ia i lo nā mea uma iēnei. Ka mafai foki ia ke fano ki loto o te Mālumalu o te Atua ma nofo ki lalo, ma lea ko ia ko te Atua.

1 Timoteo 1:20

Ko iētahi o ki lātou iēnei e i ei ai ia Himenaio ma Alehana. Kua uma te kō tuku atua o te toka lua tēnei ke pule ai ia Hātani, kae ke fai ma akoakoga ki a te ki lāua ke nahe toe fāifāi ki te Atua.

1 Timoteo 1:9

E tatau lava ke manatua, ko nā tūlāfono e hē faia mo nā tino e lelei, kae e fai mo nā tino holi tūlāfono ma hē uhitaki, nā tino agahala ma hē talitonu ki te Atua, nā tino e hē tāpuaki ki te Atua ma fakakinoa tona igoa, nā tino e ki lātou tāmatea o lātou tamana pe ko nā mātua, nā tino tāmate tino,

1 Timoteo 3:3

e hē ko he tino e fiafia oi inu lahi ma konā, e hē fakahāuā kae e agamalū ma tauhi ki te fīlēmū, e hē mānumanu ki te tupe;

1 Timoteo 6:10

Auā ko te mānumanu ki te tupe, ko te pogai ia o nā mea kino uma. Ko te mānumanu ki te tupe kua ala ai oi olo kehe iētahi tino mai to lātou talitonuga, ma kua tuia ai o lātou fatu i te lahi o mea tīgā.

1 Timoteo 6:4

kua fefete i te fāfia kae e hē ia iloa he mea e fokotahi. E fiafia oi fakavevehi ma fai fīnauga ki te uiga o nā kupu, ma fakatupu ai te lotokino, te tauaimiha, te tau fakakino, te māhalohalo kino,

2 Timoteo 3:4

ka hē fakamāoni, hē manatunatu lelei, ma tumu i te mimita; ka fiafia atu ki fiafiaga o te ōlaga i lo ki te Atua;

Iakopo 2:8

Ko he mea e tatau lava ke koutou faia, te uhitaki ki te tūlāfono o te Mālō o te Atua e vē oi tūhia i te tuhituhiga paia, “Alofa ki tō tuākoi e vē oi alofa koe ki a te koe lava.”

Iakopo 4:16

Kae ko koutou e fāfifia ma gugutu. Ko nā itūkāigā gugutu uma vēnā e kino.

Iakopo 4:6

Kae ko te alofa tūnoa o te Atua e hili atu tona mālohi. E vēia oi lea mai te tuhituhiga paia, “Ko te Atua e teteke ki nā tino fakamaualuga kae fakaali tona alofa tūnoa ki nā tino loto maulalo.”

1 Petelu 5:5

E vēnā foki koutou te tupulaga, e tatau koutou ke uhitaki lelei ki toeaina. Ma e tatau koutou uma ke maua i te loto maulalo ma fehoahoani tētahi ki tētahi, e vē oi lea mai te tuhituhiga paia, “Ko te Atua e teteke ki nā tino fakamaualuga, kae alofa ki nā tino loto maulalo.”

2 Petelu 2:10

kae maihe lava ki lātou e mulimuli ki o lātou tuinanauga mātagā ki te tino, ma teteke lahi ki te pule a te Atua. Ko nā faiakoga pepelo iēnei e hē popoi lele pe mātataku oi fāifāi ki nā agelu mamalu.

2 Petelu 2:12

Kae ko nā faiakoga pepelo iēnei, e hē muamua māfaufau oi fātoā fai e ki lātou he mea. E vē ki lātou ko nā manu tāvao, e fānanau ke tapoki ma tāmate. E fāifāi ki nā mea e hēai ho lātou mālamalama ki ei, ma ka fakaumatia ki lātou e vē ko nā manu tāvao,

2 Petelu 2:18

E fai e ki lātou nā tala mimita ma te valea, ma fakatōhina e ki lātou e ala i nā tuinanauga o te tino, nā tino fātoā mafai ke olo kehe mai i te ōlaga hehē.

2 Petelu 2:3

Ko to lātou manako lahi ki nā tupe, ka fakatōhina ai koutou e ki lātou i nā kupu pepelo. Mai te kāloā ke pa mai nei, ko tē e fakamahinoa ki lātou kua nofo hāuni, ma ko tē e fakaumatiagia ki lātou e hē moe lele!

Iuta 1:16

Ko nā tino iēnei e mālohi te taumūimui ma e taku hehē pea lava e ki lātou iētahi tino; e mulimuli ki o lātou lava tuinanauga; e gugutu ma fakavikiviki e ki lātou iētahi tino kae ke mafai ai ke hao a lātou mea e fai.

Fakaaliga 13:1

Oi kō kitea atu ai he manu fekai e fanake mai te tai. E hefulu ona nifo hua ma fitu ona ulu; ko nā nifo hua takitahi e tofu ma te tamā palealiki, ma ko ona ulu takitahi e tūhia ai he igoa fāifāi ki te Atua.

Fakaaliga 16:11

ma fai a lātou kupu kino ki te Atua tē e pule i te lagi, ona ko te tīgā o nā fakafoa o ki lātou. Kae e hēki liliu kehe ki lātou mai o lātou uiga kino.

Fakaaliga 16:21

Na to nā ua aiha matamatalalahi, ko te mamafa o te matāua aiha e fokotahi e maua te helau pauna. Kua malili ifo mai te lagi ki luga o tagata, ma na fai kupu kino ai ki lātou ki te Atua ona ko te mala o te ua aiha, he mala e aloā e matakutia.

Fakaaliga 16:9

kua mu ia tagata i te kakaha o te vevela, ma fai ai e ki lātou uma nā kupu kino ki te Atua, tē e ia te ia te pule ki nā mala uma iēnei. Kae e hēki liliu kehe ki lātou mai a lātou agahala ma viviki atu ki tona hilihilikehe.