2 Timoteo 3:14 - Tokelauan New Testament

¹⁴ Kae e vē la ki a te koe, pipiki mau pea lava ki nā mea na akoako ai koe ma kua talitonu lelei koe ki ei. E iloa e koe nā tino na akoakoa koe,

2 Timoteo 3:14 ပူးပေါင်းရင်းမြစ်များ

1 Tehalonia 2:13

Ma e i ei foki tētahi māfuaaga e tatau ai ki tātou ke haga fakafetai ki te Atua. I te kaumaiga e ki mātou o te fekau a te Atua ki a te koutou, na fakalogo koutou ki ei ma koutou taliagia e hē vē ko he fekau mai tagata, kae e mai te Atua lava ia. Auā ko te Atua e galue i loto o koutou iēnā kua talitonu.

2 Timoteo 2:2

ma ko nā mea kua fakalogo koe e akoako e au i mua o tagata e tokalahi, ke vēnā foki oi tuku atu e koe ki ni tino fakamoemoegia, ke ki lātou akoako atua ki iētahi tino.

2 Timoteo 1:13

Pipiki mau ki nā kupu moni na akoako atu ai koe e au ke fai ma takiala ki a te koe, ma tūmau i te fakatuatua ma te alofa e maua e ki tātou i te māfutaga ma Keliho Iehu.

1 Tehalonia 1:5

Auā ko te Tala Lelei e hēki ki mātou kavatua ki a te koutou i nā kupu oioti, kae na kavatu foki i te mana o te Agaga Paia, ma te kātoatoa o te mautinoa ki te moni o te fekau. E iloa e koutou te ōlaga nae ola ai ki mātou ka koi māfuta fakatahi ai ki tātou, e mo te lelei o koutou.

Epelu 10:22

Ko te mea ia, tātou olo fakatafapili ki te Atua ma te agaga talitonu moni ma te lotofuatia kino kua fakamamāgia, vēnā ma o tātou tino kua uma te fakatākekele i te vai mamā.

Epelu 6:11

Ko te mea e pito hili ona fofou ki mātou ki ei, ke mafai ke tūmau pea te koutou loto naunau ke pa ki te ikuga, kae ke mafai ai ona fakataunuku nā mea e fakamoemoe koutou ki ei.

1 Timoteo 4:16

Kikila lelei tau āmio ma te faiga o au akoakoga. Fakamālohi oi fai nā mea kua fakatonu atu ai koe e au. Kāfai e fai e koe nā mea iēnei, ka fakaolagia koe e te Atua vēnā ma nā tino e fakalogo atu ki a te koe, e ala i au gāluega.

2 Timoteo 3:15

ma e manatua e koe, na kē iloa mai lava nā Tuhituhiga Paia ka koi tamaiti koe, ma kua maua ai e koe te poto e uiga ki te fakaolataga e ala i te fakatuatua ki a Keliho Iehu.

Loma 14:5

Ko iētahi tino e manatu e i ei he aho e tāua atu i lo iētahi aho, ka ko iētahi e manatu e tutuha uma lava nā aho. E tatau koutou tau tokatahi, ke mautū outou tāofi ki nā mea kua talitonu koutou ki ei.

Kolohe 2:2

E fai e au te mea tēnei kae ke fakatumulia ai ki lātou i te loto mākeke ma fuhia fakatahi i te alofa, ma lahi ai te mautinoa o ki lātou e ala i to lātou mālamalama e uiga ki te mealilo a te Atua, ko Keliho tēnā.

Gāluega 17:31

Auā kua uma te fakamau e ia o te aho ka ia fakamahinoa ai ma te āmiotonu te lalolagi kātoa, e ala i he tino kua ia filifiliagia. Kua ia fakamāoniagia ki tagata uma te mea tēnei, e ala i te toe fakatūga e ia o te tino tēnā mai te oti!”

Tito 1:9

E tatau ke tāofi mau e ia te kupu moni e vē ona akoakogia ai ia, kae ke ia mafaia oi fakaako ia tagata i te talitonuga moni ma fakailoa te hehē o nā tino e teteke ki ei.