2 Timoteo 3:11 - Tokelauan New Testament

¹¹ nā fakahāuāga na pa au ki ei, ma oku puapuagā. Kua kē iloa nā mea uma na tutupu ki a te au i Anitioka, Ikononu, ma Luotala, nā fakahāuāga mātuiā na pa au ki ei! Kae na laveaki au e te Aliki mai nā mea uma iēnei.

2 Timoteo 3:11 ပူးပေါင်းရင်းမြစ်များ

Gāluega 13:14

Na fakaauau pea te lātou malaga mai Pelekē ma taunuku ki Anitioka i Pihitia; ma kua pa ki te Hāpati oi olo ai ki te hūnako ma nonofo ki lalo.

Gāluega 13:45

I te kitea atuga e nā tino Iutaia te kaifenua tokalahi, oi fakatumulia ai ki lātou i te lotokino; kua taku pepelogia e ki lātou nā mea e lea ai Paulo, ma faikupu kino ki ei.

Gāluega 14:8

Nae i Luotala he tamāloa nae pipili talu te fānau mai, ma e hēki mafai lele ke havali.

Gāluega 20:19

Ko au he kaukauna e a te Aliki nae galue ma te lotomaulalo vēnā ma te lahi o te loimata maligi, i nā taimi faigatā na pa mai ki a te au, ona ko nā taupulepulega a ni tino Iutaia.

Gāluega 23:10

Kua matuā fakalalahi lele na fīnauga, ma na popole lele te takitakikau nā ia Paulo e hae likilikiagia. Ko te mea ia na ia fakatonua ai ana fitafita, ke olo ki lalo oi kave kehe mai ia Paulo, ma kave ki te olo.

Gāluega 26:17

Ka kō laveakia koe mai tagata Ihalaelu vēnā foki mai tagata nukukehe iēia ka kō uga atua koe ki ei.

Gāluega 26:22

Kae e pa mai lava ki te aho nei, e fehoahoani mai lava te Atua ki a te au, ma ko au la e tū atu i kinei ke kavatu taku molimau ki tagata uma, ki nā tino e he tāua ma nā tino e tāua. Ko te mea e lea ai au ko te mea foki lava tēnā e tahi na lea ia Mohe ma te kau pelofeta, e taunuku:

Gāluega 9:16

Ma ka kō fakahinoa ki ei te lahi o nā puapuagā ka pa ia ki ei, ona ka ia fakailoagia toku igoa ki tagata.”

Loma 15:31

Tatalo ke puipui malu au mai nā tino hē talitonu i Iutea ma ke talia taku galue tautua i Ieluhalema e tagata o te Atua.

2 Kolinito 1:5

E vē ona kau fakatahi ki māua ma Keliho i te lahi o ona puapuagā, e vēnā foki lava oi maua fakatahi e ki māua te lahi o fehoahoani mai te Atua, e ala ia Keliho.

2 Kolinito 1:7

Ko to mā fakamoemoe la mo koutou, e hē māluelue lele; auā e iloa e ki māua e vē ona kau fakatahi koutou i o mā puapuagā, e vēnā foki oi kau fakatahi koutou i nā fehoahoani e maua e ki māua.

2 Kolinito 12:10

E kō taliagia la oku vāivaiga, nā kupu tau fakakino, nā fakafītāuli, nā fakahāuāga ma nā fakalavelave tutupu, ona ko Keliho. Auā kāfai au e vāivai, oi e mālohi ai au.

2 Timoteo 4:7

Kua vili mālohi au i te tūkuga ki te mea e gata mai ai toku mafai, kua pa au ki te taunukuga, ma na fakamāoni pea lava au ke pa ki te ikuga.

2 Petelu 2:9

E iloa la e te Aliki te auala e fakahao ai nā tino e mātataku i te Atua, mai o lātou puapuagā, ma ia iloa te auala e tāofi ai pea lava nā tino kino i te fakahalaga ke pa ki te Aho Fakamahino,