2 Timoteo 2:8 - Tokelauan New Testament

⁸ Ke manatua ko Iehu Keliho, tē na toe fakatū mai i te oti, na tupuga mai ia Tavita e vē ona akoakogia e te Tala Lelei e kō tālakia.

2 Timoteo 2:8 ပူးပေါင်းရင်းမြစ်များ

Mataio 1:1

Ko te tuhi tēnei o te gafa o Iehu Keliho, na tupuga mai ia Tavita, ma ko Tavita na tupuga mai ia Apelaamo.

Luka 24:46

ma vāgana atu vēnei ki a te ki lātou, “Ko te mea tēnei kua tūhia: ko te Mehia e tatau ke maua i nā puapuagā, ma toe tū mai i te oti i tona tolu o aho,

Gāluega 13:23

Ka ko Iehu, tē na tupuga mai ia Tavita, te na fai e te Atua ma Fakaola o tagata Ihalaelu, e vē ko te mea na ia folafolagia.

Gāluega 2:24

Kae na toe fakatū e te Atua ia Iehu mai te oti, ma fakahaoloto mai nā tīgā matuitui o te oti, auā e hē mafai e te oti oi tāofi fakapagotā ia Iehu.

Gāluega 2:30

Nae he pelofeta ka koi ola ai, ma na ia iloa te folafolaga a te Atua na fai e uiga ki a te ia: na fai te tautōga a te Atua ka ia faia he lāpuna o Tavita ke kavea ma tupu e vē foki lava ko Tavita.

Loma 16:25

Tātou tuku atu te vīkiga ki te Atua. E ia mafaia oi fakamautū te koutou fakatuatua, e tuha ai ma te Tala Lelei e kō tālakia e uiga Iehu Keliho, ma e tuha ai ma te fakailoa maiga o te meamoni lilo nae mumuni i nā tauhaga e lahi lele kua teka.

Loma 2:16

Ma ko te mea ia, e tuha ai ma te Tala Lelei e kō tālakia, ka vēnā foki lava te mea e pa ki ei i te Aho e fakamahino ai e te Atua e ala ia Iehu Keliho, ia manatunatuga lilo o tagata uma lele.

1 Kolinito 15:1

I te taimi nei, e fia fakamanatu atu e au ki a te koutou oku uho, te Tala Lelei kua uma te folafola atu e au ki a te koutou, tēia kua talia e koutou ma kua mautū ai te koutou fakatuatua.

1 Kolinito 15:4

na tanu, ma toe fakatū mai ai i te oti i te tolu o aho, e vē ona tūhia i nā Tuhituhiga Paia;

2 Tehalonia 2:14

Kua kalaga atu te Atua ki a te koutou ki he fakaolataga vēnei e ala i te Tala Lelei e tālaki atu e ki mātou ki a te koutou; kua kalaga atu ki a te koutou ke i ei fakatahi koutou i te mamalu o to tātou Aliki ko Iehu Keliho.

1 Timoteo 1:11

e tuha ai ma te tala lelei gali a te Atua tē e viviki ki ei ia tagata, kua tuku mai ke folafola e au.

1 Timoteo 2:7

Ko te mea ia na tōfia ai au ma apohitolo vēnā ma faiakoga mo tagata nukukehe, ke kō folafola atua te akoakoga moni e uiga ki a Iehu. Ko au e hē pepelo; ko au e lea atu i te meamoni!

2 Timoteo 1:8

Ia koe la nahe mā oi molimau e uiga ki to tātou Aliki; ia koe foki nahe mā ona ko au, he pagotā ona ko Keliho. Kae ke talia e koe tō vāega o nā puapuagā mo te Tala Lelei, e vē ona fōki atu e te Atua te mālohi ki a te koe, ke fai ai e koe te mea tēnei.

2 Timoteo 2:7

Māfaufau ki nā mea e lea atu ai au, auā ka fehoahoani te Aliki ke fakamālamalama atu ki a te koe nā mea uma iēnei.

Fakaaliga 5:5

Oi lea vē mai ai hētahi o nā toeaina ki a te au, “Koe nahe tagi. Kikila, ko te leona, tē e hau mai te puikāiga o Iuta, te lāpuna takutakua o Tavita, kua ia fakatōkilalogia nā fili o ia, kae ke tatala e ia nā fakamaufakailoga, ma tatala ai te tuhitākai.”