2 Timoteo 2:7 - Tokelauan New Testament

⁷ Māfaufau ki nā mea e lea atu ai au, auā ka fehoahoani te Aliki ke fakamālamalama atu ki a te koe nā mea uma iēnei.

2 Timoteo 2:7 ပူးပေါင်းရင်းမြစ်များ

Luka 21:15

auā ka fōki atu e au ki a te koutou nā kupu o te poto; ma ka hē mafai ai e nā fili o koutou oi tali ki ei, pe ki lātou taku hehēa nā mea e lea ai koutou.

Luka 24:45

Oi fakapupula ai e ia o lātou māfaufau ke mālamalama ki lātou i nā Tuhituhiga Paia,

Luka 9:44

“Fakalogo lelei mai ki te mea ka lea atu ai au ki a te koutou! Ko te Ataliki o te Tagata ka tukulima atu ki lalo o te pule a tagata.”

Ioane 14:26

Ko te Fehoahoani, te Agaga Paia, tē ka uga mai e te Tamana i toku igoa, ka ia akoakoa atua ki a te koutou nā mea uma lele, ma ka koutou manatua ai nā mea uma na lea atu ai au.

Ioane 16:13

Kae kāfai e hau te Agaga, tē e ia fakailoa te meamoni, ka ia takitakia koutou ki te meamoni. Ka hē tautala ia i hana lava pule, kae ka tautala i nā mea e ia lagona, ma ka ia fakailoa atua ki a te koutou nā mea ka tutupu.

Gāluega 7:10

ma na ia fakahaoa ia Iohefa mai nā puapuagā uma na pa ki ei. I nā taimi nae fano ai ia Iohefa ki mua o Falao, te tupu o Aikupito, na tuku e te Atua ki ei nā uiga lelei ma te poto, ma na tōfia ai ia e te tupu ke kavea ma kōvana o Aikupito, ma pule i nā meatōtino a te kāiga o te tupu.

1 Kolinito 12:8

E fōki e te Agaga ki tētahi tino te iloa ke tautala ai i te poto, kae ki tētahi tino e fōki ki ei e te Agaga lava e fokotahi te iloa ke tautala ai i te atamai.

Filipi 4:8

Ko aku toe kupu te kau uho, ni a lava ni mea e lelei ma maua ai he vīkiga, ni mea e moni, ni mea e mamalu, ni mea e tonu, ni mea e mamā, ni mea e gali, ni mea e lelei kātoatoa, koutou ke māfaufau pea lava ki ei.

Kolohe 1:9

Mai te aho lava la na ki mātou iloa ai, e hēki uma lele to mātou tatalo mo koutou. Ko ki mātou e tatalo ki te Atua ke fakatumulia koutou i te mālamalama e uiga ki tona finagalo, vēnā ma te poto uma ma te iloa e maua mai i tona Agaga.

1 Timoteo 4:15

Fai nā tiute iēnei o koe ma te fakamāoni, kae ke kitea e tagata uma te tuputupu o koe, i te ōlaga faka-Kelihiano.

2 Timoteo 2:6

Ko te faifatoaga na galue mālohi te tatau ke maua muamua tona vāega o te helehelega.

2 Timoteo 2:8

Ke manatua ko Iehu Keliho, tē na toe fakatū mai i te oti, na tupuga mai ia Tavita e vē ona akoakogia e te Tala Lelei e kō tālakia.

Epelu 12:3

Māfaufau ki nā mea na pa ia ki ei; ki te lava o tona onohai ki faiga fakatauemu a nā tino agahala nae feita lahi ki ei. Koutou la nahe fakavāivai pe loto pala.

Epelu 13:7

Māfaufau ki nā takitaki muamua o koutou kua momoe atu, iēia na ki lātou fakailoa atua te kupu a te Atua ki a te koutou. Māfaufau ki o lātou ōlaga ma pe na vēhea ona feoti, ma fakatakitaki ki to lātou fakatuatua.

Epelu 3:1

Te kau uho Kelihiano, koutou iēnā kua kalagagia foki e te Atua! Māfaufau ki a Iehu, tēia na uga mai e te Atua ke kavea ma Ulu Ohitāulaga ke fehoahoani ki nā mea uma e tālaki e ki tātou, ma e talitonu ki tātou ki ei.

Epelu 7:4

Kua koutou kitea la te tāua lahi o Melekiheteka. Na fōki ki ei e to tātou tupuna takutakua ko Apelaamo, te tahi vaehefulu o nā mea uma a ia na maua i te taua.

Iakopo 1:5

Kae kāfai he tino o koutou e hē ia te ia te poto, tatalo ki te Atua, ma ka ia fōki atu ki a te koe. Auā ko te Atua e kaimakoi ki ho he tino.

Iakopo 3:15

Ko te itūkāigā poto tēnā e hē mai te lagi, kae e mai te lalolagi. E hē ko he mea tau te agaga, kae he mea tau tēmoni.

Iakopo 3:17

Kae ko te poto mai te lagi e mamā, ma e fakatupuagia te fīlēmū, te agamalū ma te loto fiafia; e tumu i te tīgā alofa ma e fua mai ai nā fua o nā gāluega lelei e lahi; e hē i ei he loto kino ma hē fakagutugutulua.

1 Ioane 5:20

E iloa e ki tātou ko te Ataliki o te Atua kua hau ma kua ia fakailoa maia te Atua moni. Ko ki tātou e ola i te māfutaga ma te Atua moni — i te māfutaga ma tona Ataliki ko Iehu Keliho. Ko tēnei te Atua moni, ma ko tēnei te ola e hē gata.