2 Timoteo 2:22 - Tokelauan New Testament

²² Tau mamao ma nā manatu fakataulealea, ma tauivi mo te āmiotonu, te fakamāoni, te alofa ma te fīlēmū, fakatahi ma ki lātou e tāpuaki atu ki te Atua ma te loto mamā.

2 Timoteo 2:22 ပူးပေါင်းရင်းမြစ်များ

Gāluega 7:59

Ka koi fai lava te lātou gāluega ko te fetogiga o Hetefano, ka kua fai te tatalo a Hetefano, “Iehu te Aliki, talia mai ko toku agaga!”

Gāluega 9:14

Ma kua hau ki Tamaheko ma te pule mai nā ohitāulaga hili, ke puke fakapagotā ai ki lātou uma e tāpuaki atu ki a te koe.”

Loma 14:17

Auā ko te Mālō o te Atua e hē ko nā mea e kai ma nā mea e inu, kae e fakatatau ki te faia o nā mea e fiafia ai te Atua, e fakatatau ki te maua o te ola fīlēmū, e fakatatau ki te maua o te fiafia moni. Ko nā mea uma iēnei e maua mai i te Agaga Paia.

Loma 14:19

Ko te mea ia, ko ki tātou e tatau ke taumafai pea lava ke ola i te fīlēmū ma fehoahoani tētahi ki tētahi, ke taufai mālolohi ai.

1 Kolinito 1:10

I te igoa o to tātou Aliki ko Iehu Keliho, e lea atu ai au ki a te koutou oku uho, ma toku loto naunau, ko koutou ke tahi i nā mea e tautatala ai koutou, kae ke nahe i ei ai ni fevaevaeakiga ia te koutou. Ke tahi kātoatoa koutou, tahi te manatu ma tahi te fakamoemoe.

1 Kolinito 1:2

Ki te Ekalehia a te Atua i Kolinito, ki a te koutou uma kua kalagagia e te Atua ke kavea ma ona tagata, i te māfutaga ma Keliho Iehu, fakatahi ai ma nā tino uma lele, pe ko fea lava te mea e tāpuaki ai ki to tātou Aliki ko Iehu Keliho, te Aliki o ki lātou vēnā ma ki tātou.

1 Kolinito 10:14

Ko te mea ia, te kau uho pele, koutou ke kalo kehe mai te ifo ki tupua.

1 Kolinito 14:1

Ko te alofa la te tatau ke tauhiniō koutou ki ei. Ke naunau outou loto ki nā meaalofa fakateagaga, kae maihe lava te meaalofa tau ki te folafolaga o te fekau mai te Atua.

1 Kolinito 6:18

Kalo kehe ma nā āmioga mātagā. Ko ho hētahi agahala a he tamāloa e fai e hē āfāina ai tona tino; kae ko te tamāloa e faia nā āmioga mātagā, kua agahala ia ki tona lava tino.

1 Timoteo 1:14

Na fakatumulia au i te alofa tūnoa o to tātou Aliki ma ia fōki maia ki a te au te fakatuatua ma te alofa, e ala i te māfutaga ma Keliho Iehu.

1 Timoteo 1:5

Ko te ala o te fakatonuga tēnei kae ke tupu ake ai te alofa e hau mai te loto mamā, te lotofuatia lelei ma te fakatuatua moni.

1 Timoteo 2:8

Ko au la e fofou ko tamāloloa ke tatalo i autou tāpuakiga uma lele, nā tamāloa kua ofo atu o lātou tagata mo te Atua ma e mafai ke hiki ake o lātou lima ki luga i te tatalo, e aunoa ma he loto ita pe tauaikupu ma iētahi tino.

1 Timoteo 4:12

Nahe i ei he tino e fakatauemu atu ona ko koe e tamaiti, kae ke kavea koe ma fakatakitakiga ki nā tino kua talitonu, e ala i tau tautala, tau āmio, tō alofa, tō fakatuatua, ma tō mamā kātoatoa.

1 Timoteo 6:11

Kae e vē la ki a te ko koe, ko koe ko he hui e o te Atua. E tatau la koe ke kalo kehe ma nā mea uma iēnei, kae tauivi mo te āmiotonu, te fakatuatua, te fakamāoni, te alofa, te onohai, ma te agamalū.

Epelu 12:14

Taumafai ke maua te fīlēmū i te va o koutou ma iētahi tino uma lele, ma taumafai oi ola e vē ko nā tino kua ofo atu o lātou tagata mo te Atua, auā e hēai he tino e mafai ke kikila ki te Aliki kāfai e hē ia faia te mea tēnei.

1 Petelu 2:11

Ko au e vēnei atu ki a te koutou te kau uho pele, koutou iēnā e nonofo e vē ni tino kehe ma ni tino e fakaaunukua i te lalolagi tēnei! Koutou nahe mulimuli ki tuinanauga o te tino, iē e fakahaga tau pea lava ki nā mea uma e lelei i loto ia te koutou.

1 Petelu 3:11

E tatau ke liliu kehe mai te kino, ma fai nā mea e lelei; e tatau ke hakili ki te fīlēmū ma tona loto kātoa.

3 Ioane 1:11

Te uō pele, nahe kē fakatakitaki ki te mea e kino, kae fakatakitaki ki te mea e lelei. Ko te tino e ia faia te mea e lelei e o te Atua ia; ko te tino e ia faia te mea e kino, ko hēki ia kiteagia te Atua.