2 Timoteo 2:2 - Tokelauan New Testament

² ma ko nā mea kua fakalogo koe e akoako e au i mua o tagata e tokalahi, ke vēnā foki oi tuku atu e koe ki ni tino fakamoemoegia, ke ki lātou akoako atua ki iētahi tino.

2 Timoteo 2:2 ပူးပေါင်းရင်းမြစ်များ

Mataio 13:52

Oi lea vē atu ai ia Iehu, “Ko tēnei la te uiga. Ko nā faiakoga tau tokatahi uma o te Tūlāfono kua akoakogia i nā mea tau te Mālō o te lagi, e fakatuha ki he tino e i ei hona fale, e tuku mai e ia ki fafo nā mea tāua fou ma nā mea tāua tuai a ia mai te potu e teu ai.”

Mataio 24:25

Fakalogo lelei mai koutou! Ko au kua lea atu i nā mea iēnei, ka ko hēki pa ki te taimi e tutupu ai.

Luka 12:42

Kua lea atu te Aliki, “Ko ai la te kaukauna e fakamāoni ma poto? Ko ia tē ka tōfia e tona matai te pule i ana kaukauna, ma fakahoa a lātou meakai i te taimi tatau?

1 Kolinito 4:2

E hē gata la i tēnā, e manakomia nā kaukauna vēnei, ke fakamāoni ki to lātou matai.

2 Kolinito 2:14

Kae fakafetai ki te Atua, auā i te māfutaga ma Keliho ko ki mātou e takitakia pea lava e ia e vē ni pagotā, i te holo e fakailoa ai te manumālō o Keliho. Ko ki mātou e fakaaogā e te Atua ke fakahalalaua te tala ki a Keliho ke vē he meamanogi manaia, ki ho he koga.

2 Kolinito 3:5

E hēai ho mātou iloa ke mafai ai ke lea ki mātou e ki mātou mafaia oi fai tana gāluega. Ko te Atua lava te na ia fōki maia ki a te mātou, te iloa ma te mafai;

Kolohe 1:7

Kua iloa e koutou te alofa tūnoa o te Atua, mai ia Epafalahi to mātou uho a kaukauna fakapelepele, te kaukauna fakamāoni a Keliho kua fai ma o mātou hui.

1 Timoteo 1:12

Ko au e fakafetai ki a Keliho Iehu to tātou Aliki, tē kua ia fōki maia te mālohi ke galue ai au. Ko au e fakafetai ona e ia kiteagia toku fakamāoni ma ia tōfia ai au ke galue mo ia,

1 Timoteo 1:18

Timoteo, toku ataliki, e tuku atu e au te fakatonuga tēnei ki a te koe, e tuha ai ma nā kupu o te vāloaga i nā aho kua teka e uiga ki a te koe. Fakaaogā nā kupu iēnā ma meatau, ke tau ai te taua lelei,

1 Timoteo 4:14

Fakaaogā te meaalofa fakateagaga kua ia te koe, na tuku atu e ala i nā kupu a te kau pelofeta, ma i te fakaeke atuga o nā lima o te kau toeaina ki ō luga.

1 Timoteo 4:6

Kāfai e tuku atu e koe nā fakatonuga iēnei ki nā tino kua talitonu, ka kavea koe ma kaukauna lelei a Keliho Iehu. Ka fakaalia e koe ko koe kua matua i nā akoakoga e uiga ki to tātou talitonuga ma nā takitakiga kua mulimuli koe ki ei.

1 Timoteo 5:22

Nahe vavevave oi fakauta ō lima ki luga o nā tino ke fakapaia mo te gāluega a te Aliki, pe kau fakatahi i te agahala a he tino; kae e tatau koe ke mamā i taimi uma.

1 Timoteo 6:12

Vili mālohi i te tūkuga o te fakatuatua, ma ke maua e koe te fakailoga ko te ola e fakavavau; auā e mo te ōlaga tēnei na kalagagia ai koe e te Atua, i te faiga o te takutinoga o tō fakatuatua i mua o nā molimau e tokalahi.

2 Timoteo 3:10

Kae kua kē kitea te faiga o aku akoakoga, taku āmio, ma te mea e fakamoemoe au ki ei i toku ōlaga; kua kē kitea toku fakatuatua, toku fakapalepale, toku alofa, toku onohai,

2 Timoteo 3:14

Kae e vē la ki a te koe, pipiki mau pea lava ki nā mea na akoako ai koe ma kua talitonu lelei koe ki ei. E iloa e koe nā tino na akoakoa koe,

Epelu 2:17

Ko tona uiga, na kavea foki ia ke vē ko nā uho ma tuafafine o ia, kae ke fai ai ia ma o lātou Ulu Ohitāulaga fakamāoni ma alofa fakahao i ana gāluega e tautua ai ki te Atua, mo te fakamāgaloga o agahala a ona tagata.