2 Timoteo 2:18 - Tokelauan New Testament

¹⁸ Kua olo kehe ki lāua ma te meamoni ma kua āfāina ai te talitonuga o iētahi, ona e lea vē ko te toetū ko he mea kua uma te fakatino.

2 Timoteo 2:18 ပူးပေါင်းရင်းမြစ်များ

Mataio 15:13

Ka kua tali mai ia Iehu, “Ko nā lākau uma e hēki totōa e toku Tamana i te lagi ka laga uma ki luga.

Mataio 22:29

Kua tali atu ia Iehu ki a te ki lātou, “Kai te hehē lele o koutou! E māfua ona e hē koutou iloa nā Tuhituhiga Paia ma te mālohi o te Atua.

Luka 8:13

Ko nā fatu haito na lūlū ki luga o te kelekele fatufatua, e fakatuha ki nā tino e ki lātou lagona te kupu ma talia ma te fiafia. Kae e hēai ni o lātou aka; e talitonu oioti i he taimi pukupuku, kae pa mai loa te taimi o nā tofotofoga, e vave lele oi uma to lātou talitonu.

Gāluega 5:39

kae kāfai e hau mai te Atua, e hē koutou mafaia lele oi fakatōkilalo ki lātou. E i nā ka fakahagatau koutou ki te Atua!” Na talia e te Taupulega te fautuaga a Kamalielu.

1 Kolinito 11:19

(E hē taumate e i ei ni fekehekeheakiga ia te koutou, kae ke iloa ai pe ko ai o koutou e hako.)

1 Kolinito 15:12

Kāfai e folafola e ki mātou ko Keliho kua toe fakatū mai i te oti, e vēhea la oi lea iētahi o koutou ko nā tino kua oti ka hē toetutū mai te oti?

Kolohe 3:1

Kua uma te fakatutū o koutou mai te oti ki te ola fakatahi ma Keliho. Ke fakatāua la i nā loto o koutou nā mea i te lagi, te mea e nofo ai ia Keliho i tona nofoāliki, i te itū taumatau o te Atua.

1 Timoteo 1:19

ma tāofi mau ki te fakatuatua ma te lotofuatia e mamā. Ko iētahi tino kua hē fakalogo ki o lātou lotofuatia, ma kua fakahēaogā ai e ki lātou to lātou fakatuatua.

1 Timoteo 6:10

Auā ko te mānumanu ki te tupe, ko te pogai ia o nā mea kino uma. Ko te mānumanu ki te tupe kua ala ai oi olo kehe iētahi tino mai to lātou talitonuga, ma kua tuia ai o lātou fatu i te lahi o mea tīgā.

1 Timoteo 6:21

Auā e i ei nā tino kua lea, ko ki lātou e popoto, ma kua fai tēnā ma mea e olo kehe ai mai to lātou talitonuga. Ke ia te koutou uma te alofa tūnoa o te Atua.

2 Timoteo 2:14

Fakamanatu te mea tēnei ki a te ki lātou, ma lapataki mālohi ki ei i mua o te Atua, ke nahe ki lātou fai fīnauga ki te uiga o nā kupu. E hēai lele he mea lelei e maua ai, kae nā ko te āfāina lahi ai o nā tino e fakalogo ki ei.

Tito 1:11

Ko nā tino iēnei e tatau ke tāofi, auā ko a lātou mea e fai kae ke maua ai ni a lātou tupe, ma e fakalotovāivai lele ki nā kau kāiga kātoa ona e fai e ki lātou nā akoakoga e hē tatau ke ki lātou faia.

Epelu 3:10

Ma ko au na ita ki nā tino iēnā ma na lea vē ai au, ‘Ko nā loto o nā tino iēnei e fakahehēgia pea lava, ko hēki ki lātou iloa nā mea e fofou au ke ki lātou faia.’

Iakopo 5:19

Te kau uho, kāfai he tino o koutou e fano kehe mai te meamoni kae toe kaumai e he tino o koutou,

1 Ioane 2:19

Ko nā tino iēnei na oatu mai ia te ki tātou, kae e hē ni tino e o ki tātou; anei ake ni tino e o ki tātou, e vēnei ake koi nonofo fakatahi ma ki tātou. Kae na olo kehe kae ke manino ai e hēai he tino o ki lātou e hau mai ia te ki tātou.