2 Timoteo 2:12 - Tokelauan New Testament

¹² Kāfai e tūmau pea to tātou onohai, ka pule fakatahi foki ki tātou ma ia. Kāfai e fakafiti ki tātou ia te ia, ka fakafiti foki ia ia te ki tātou.

2 Timoteo 2:12 ပူးပေါင်းရင်းမြစ်များ

Mataio 10:33

Kae ko ai lava ia tetekea au i mua o tagata, ka vēnā foki oi teteke e au i mua o toku Tamana i te lagi.

Mataio 26:35

Kua tali mai ia Petelu, “E hē mafai au ke lea vēnā, e tuha lava pe kāfai e oti ai au fakatahi ma koe.” Ma kua lea vēnā foki iētahi o te kau hoko.

Mataio 26:75

ma na manatua ai loa e Petelu te kupu a Iehu na fai ake ki a te ia, “Ka ko hēki vivini te moa, ka kua fakafiti fakatolu koe e hē kē iloa au.” Oi fano ai ki fafo, kua tagi aueuē ai.

Maleko 10:33

Kua vāgana atu ia Iehu, “Kikila, ko ki tātou e olo ki Ieluhalema. Ko kinā ka tukulima atu ai te Ataliki o te Tagata ki te pule a nā ohitāulaga hili ma nā faiakoga o te Tūlāfono. Ka ki lātou fakahalagia ia i te oti, ma tukulima atu ki tagata nukukehe,

Maleko 8:38

Auā ko ai lava he tino i tēnei tupulaga hē talitonu ma te agahala, e mā ia te au ma aku akoakoga, ka vēnā foki oi mā te Ataliki o te Tagata i te tino tēnā, kāfai e hau i te mamalu o tona Tamana fakatahi ma te kau agelu paia.”

Luka 12:9

Kae ko nā tino e ki lātou tetekea au i mua o tagata, ka vēnā foki oi tetekea ki lātou e te Ataliki o te Tagata, i mua o nā agelu a te Atua.

Luka 22:29

ma e vē oi tuku mai e toku Tamana ki a te au te avanoa ke pule ai, ka vēnā foki oi tuku atu e au ki a te koutou te avanoa tēnā,

Luka 22:30

kae ke mafai ai koutou ke kakai ma inu fakatahi ma au i toku Mālō, ma nonofo i luga o nā nofoāliki, ke pūlea ai e koutou nā puikāiga e hefululua o Ihalaelu.

Luka 9:26

Auā ko ai lava e mā ona ko au ma aku akoakoga, ka vēnā foki oi mā te Ataliki o te Tagata i te tino tēnā, kāfai e hau i tona mamalu ma i te mamalu o tona Tamana ma o te kau agelu paia.

Gāluega 14:22

Na fakamālohi atu ki lāua ki nā tino kua talitonu ki a Iehu ma apoapoaki ki ei ke pipiki mau ma te fakamāoni ki to lātou fakamoemoe ki a Iehu. Kua lea vē atu ki lāua, “E tatau ki tātou ke kui i loto o ni puapuagā e lahi, oi ulu atu ai ki tātou ki te Mālō o te Atua.”

Loma 5:17

E hako ko te agahala a he tino fokotahi te na kāmata ai oi pule te oti, ona ko te tino tēnā e fokotahi. Kae e hē hili atu nei la te lelei o te mea na fai e te tino e fokotahi, ko Iehu Keliho! Ko nā tino uma lele e maua e ki lātou te lahi o te alofa tūnoa o te Atua, ma e fakalelei fua to lātou va ma ia, ka fakaatili to lātou mālolohi e ala ia Keliho.

Loma 8:17

Ona ko ki tātou he fānau e a ia, ka maua ai e ki tātou nā fakamanuiaga e tāofi e ia mo ona tagata, ma ka ia te ki tātou foki fakatahi ma Keliho, nā mea e tāofi e te Atua mo ia; auā kāfai e fakatahi ki tātou ma Keliho i ona puapuagā, ka vēnā foki ona fakatahi ki tātou ma ia i tona mamalu.

Filipi 1:28

Koutou nahe mātataku i nā tino e teteke atu ki a te koutou; loto toa i taimi uma ma ka fai tēnā ma fakamāoniga ki a te ki lātou, ko ki lātou ka fakatōkilalogia ka ko koutou ka manumālō, ona ko te Atua e ia fōkiatua te manumālō ki a te koutou.

1 Timoteo 5:8

Kae kāfai he tino e hē ia tauhia lelei ona kāiga, kae maihe lava ona tōtino moni, ko tona uiga kua teteke e ia te talitonuga, ma e hili atu te kino o ia i lo nā tino e hēki talitonu.

Iuta 1:4

Auā e i ei nā tino hē mātataku i te Atua kua ōmamai munimuni ki te mea e i ei ki tātou; nā tino e fakahehē e ki lātou te fekau e uiga ki te alofa tūnoa o te Atua, kae ke fai ai pea o lātou tuinanauga mātagā ki te tino. E teteke foki ki lātou ki a Iehu Keliho to tātou Matai ma to tātou Aliki e fokotahi. Kua leva te vavalo e nā Tuhituhiga Paia te fakahalaga e ki lātou maua.

Fakaaliga 1:6

ma na ia faia ki tātou ma ohitāulaga i tona mālō ke tautua ki tona Atua ma tona Tamana. Ke ia Iehu Keliho te vīkiga ma te mana ke pa ki te fakavavau lava! Amene.

Fakaaliga 1:9

Ko au ko Ioane, he uho ki a te koutou, ma ko he hoko e o Iehu. Ko au he hoa e o koutou, ma e talia ma te onohai e ki tātou nā puapuagā e maua ai nā tino e o ki lātou te Mālō. Ko au na kave ki te motu ko Patamo ona nae kō folafolagia te kupu a te Atua ma te meamoni na fakaalia e Iehu.

Fakaaliga 2:13

E iloa e au te mea e nonofo ai koutou i kinā i te mea e i ei ai te nofoāliki o Hātani. E tūmau pea lava te koutou fakamāoni ki a te au, ma e hēki uma te koutou fakatuatua mai ki a te au, ke pa lava ki te taimi na tāmate ai ia Anitipaha, tē nae molimau fakamāoni e uiga ki a te au, i kinā te mea e nofo ai ia Hātani.

Fakaaliga 20:4

Oi kō kitea atu ai ni nofoāliki, ma ko nā tino e nonofo i luga ko ki lātou iēnā kua tuku atu ki ei te pule ke fakamahino ai e ki lātou iētahi tino. Ko ki lātou iēnei ko nā agaga ia o nā tino na tatipi o lātou ua, ona na fai ki lātou ma molimau e uiga ki te fekau a Iehu ma te kupu a te Atua. E hēki ifo ki lātou ki te manu fekai pe ki tona fakatuha, ma e hēki maua e ki lātou te fakailoga a te manu fekai ki o lātou muāulu pe ki o lātou lima. Kua toe ola mai ki lātou ma kua pule fakatahi ki lātou ma Keliho, mo he afe tauhaga.

Fakaaliga 20:6

Ko nā tino iēnei kua fakamanuiagia ma e paia. E hēai he pule a te oti tona lua ki a te ki lātou. Ka fai ki lātou ma ohitāulaga a te Atua ma a Keliho, ma ka pule fakatupu ki lātou fakatahi ma ia mo he afe tauhaga.

Fakaaliga 3:10

Ona ko koe kua mulimuli ki taku fakatonuga ke onohai, ka kō puipuia ai foki la koe ke haogalēmū kāfai e pa ki te taimi e maua ai te lalolagi i nā puapuagā, ke tofotofo ai ia tagata uma i te lalolagi.

Fakaaliga 3:21

Ki nā tino e maua e ki lātou te manumālō, ka fōki e au ki ei te avanoa ke nonofo ai i oku tafa i luga o toku nofoāliki, e vē foki lava ko au na manumālō, ma kua nofo ai nei au i tafa o toku Tamana i luga o tona nofoāliki.

Fakaaliga 3:8

E iloa e au autou gāluega e fai. Kikila, kua kō tatalagia he faitotoka mo koutou, ma e hēai he tino e ia mafaia oi tapunia. E iloa e au ko koutou ko he Ekalehia e hē tokalahi, kae ko koutou e mulimuli pea lava ki taku kupu ma e hēki teteke lele koutou ki toku igoa.

Fakaaliga 5:10

Kua fakatū e koe ki lātou ma mālō o ohitāulaga, ke kaukauna ki to tātou Atua, ma ka pule ki lātou i te lalolagi.”