2 Timoteo 2:10 - Tokelauan New Testament

¹⁰ Ma ko au e onohai i nā mea uma iēnei mo te lelei o nā tino kua filifilia e te Atua, kae ke mafai ai foki ke ki lātou maua te fakaolataga e ala ia Keliho Iehu ma maua ai nā vīkiga e fakavavau.

2 Timoteo 2:10 ပူးပေါင်းရင်းမြစ်များ

Mataio 24:22

Kae kua uma te fakaitiitia e te Atua te nūmela o nā aho; anei ake e hēki ia faia te mea tēnei, e hēai he tino fokotahi na mafai ke ola. Kae ona ko te alofa o te Atua ki ona tagata kua uma te ia filifilia, ka fakaitiitia ai e ia te nūmela o nā aho.

Mataio 24:24

Auā ka ōmamai nā Keliho pepelo ma nā pelofeta pepelo; ka ki lātou faia ni vāvega uiga kehe ma ni mea ofoofogia ke fakahehē ai ia tagata, ke pa lava ki tagata kua filifilia e te Atua, pe kāfai e mafai.

Mataio 24:31

Ka ili lahi te pu, ma uga atu ai e ia ana agelu, ma ka ki lātou fakamāopoopo maia nā tino kua uma te ia filifilia mai nā itū e fa o te lalolagi, mai tētahi itūlagi ki tētahi.

Luka 18:7

Ka hē fehoahoani nei te Atua ki ona tagata e tatalo atu pea lava ki a te ia i te ao ma te pō, mo tana fehoahoani? E i na tuai nei oi fehoahoani te Atua ki a te ki lātou?

Luka 22:57

Kae kua fakafiti ia Petelu, ma lea vē atu, “Te māfine, e hē kō iloa te tino tēnā!”

Ioane 11:52

ma e hē nā mo nā tino Iutaia oioti, kae ka vēnā foki ona fakamāopoopo e ia nā tino uma o te Atua e takape i atunuku kehekehe, ke kavea e vē ko he tino e tahi.

Ioane 17:24

“Te Tamana, kua kē tuku maia ki lātou ki a te au, ma ko au e fofou ke fakatahi ki lātou ma au i te mea e i ei ai au, kae ke ki lātou kiteagia toku mamalu, te mamalu na kē tuku maia ona ko koe e alofa mai ki a te au, ka ko hēki faia te lalolagi.

Ioane 17:9

“Ko au e tatalo mo ki lātou. Ko au e hē tatalo mo tagata o te lalolagi, kae mo ki lātou uma na kē filifilia ke mulimuli mai ki a te au, auā e a koe ki lātou.

Loma 2:7

Ki a te ki lātou e faia pea lava nā gāluega lelei ma hakilikili ki te vīkiga, te mamalu ma te ola tūmau, ka fōki ki ei e te Atua te ola e fakavavau.

Loma 9:23

ma e vēhea pe kāfai kua ia faia te mea tēnei kae ke fakailoa ai te lahi lele o tona mamalu fakaalia mo ki tātou nā tino e fakaaga ki ei tona alofa fakahao, nā tino o ki tātou kua uma te ia tāpenagia ke maua e ki lātou tona mamalu fakaalia.

1 Kolinito 1:21

Auā ko te poto o te Atua na ia faia ai ke nahe iloa ia e tagata i ho lātou lava poto. Kae e ala i te fekau e folafola e ki mātou, tēia e lea nā tino e “valea,” na tonu ai i te Atua ke fakaola ki lātou e talitonu.

1 Kolinito 9:22

I te mea e i ei nā tino e vāivai to lātou fakatuatua, ko au foki e vāivai e vē ko ki lātou, kae ke kō maua ai ki lātou. Oi e fai la e au ho he mea e kō mafaia, kae ke mafai ai oi fakaola ni tino o ki lātou.

2 Kolinito 1:6

Kāfai ki māua e maua i nā puapuagā, e mo he koutou fehoahoani ma he fakaolataga; kāfai e ki mā maua he fehoahoani, oi ka vēnā foki oi maua e koutou he fehoahoani, vēnā ma te mālohi ke tūmau ai te onohai i nā puapuagā, e vē ona onohai ai foki ki māua.

2 Kolinito 12:15

E fiafia lahi lele au oi fakafano uma aku mea vēnā ma toku tagata kātoa, ke fehoahoani atu ki a te koutou. Kāfai nei e ātili lahi toku alofa ki a te koutou, ka ātili fakaitiitia ai nei te koutou alolofa mai ki a te au?

2 Kolinito 4:15

Ko nā mea uma iēnei kua fai mo koutou; ma ko te tokalahi o tagata e ki lātou iloa te alofa tūnoa o te Atua, ko te lahi foki ia o tatalo o te fakafetai ma vīkiga ki te Atua.

2 Kolinito 4:17

Ma ko nā tamā fakafītāuli iēnei e fetaiaki ma ki mātou ka maua ai e ki mātou nā vīkiga e fakavavau, e lahi mamao atu i lo nā fakafītāuli.

Efeho 3:13

Ko te mea ia e lea atu ai au ki a te koutou, ia koutou nahe fakavāivai ona ko au e maua i puapuagā mo koutou; ko te mea tēnei e mo te manuia o koutou.

Kolohe 1:24

I te taimi nei, ko au e fiafia ke puapuagā au mo koutou, auā ko oku puapuagā i te tino e fehoahoani ai au ke fakakātoatoa nā puapuagā o Keliho koi totoe, mo tona tino, te Ekalehia.

Kolohe 1:27

Ko te fuafuaga a te Atua, ke fakailoa atu tana mealilo ki ona tagata, te mealilo e vē he koloa tāua ma te gali, mo mālō uma. Ma ko te mealilo la, ko Keliho e i loto ia te koutou, ko tona uiga, ka i ei fakatahi koutou i te mamalu o te Atua.

1 Tehalonia 5:9

Ko ki tātou e hēki filifilia e te Atua ke pagātia i tona tōkahā, kae na ia filifilia ki tātou ke fai mo ki tātou te fakaolataga, e ala i to tātou Aliki ko Iehu Keliho,

2 Tehalonia 2:14

Kua kalaga atu te Atua ki a te koutou ki he fakaolataga vēnei e ala i te Tala Lelei e tālaki atu e ki mātou ki a te koutou; kua kalaga atu ki a te koutou ke i ei fakatahi koutou i te mamalu o to tātou Aliki ko Iehu Keliho.

2 Timoteo 1:1

Mai ia Paulo, he apohitolo a Keliho Iehu na filifilia e te Atua, ke fakailoa ki tagata te ola moni kua uma te ia folafolagia, e ala i te māfutaga ma Keliho Iehu —

2 Timoteo 2:1

Ko koe la toku ataliki, ke fakamākeke e ala i te alofa tūnoa kua maua e ki tātou i te māfutaga ma Keliho Iehu,

2 Timoteo 2:3

Ko koe he fitafita fakamāoni e a Keliho Iehu, ke talia la e koe tō vāega o nā puapuagā.

Tito 1:1

Mai ia Paulo, he kaukauna e a te Atua ma ko he apohitolo e a Iehu Keliho. Ko au na filifilia ke fehoahoani ki tagata o te Atua ke tūmau to lātou fakatuatua ma takitaki ki lātou ki te meamoni e akoako e te tātou talitonuga,

1 Petelu 2:10

Nae i ei te taimi ko koutou nae hē ni tagata e o te Atua, kae nei ko koutou kua kavea ma tagata o te Atua; nae i ei te taimi nae hē koutou iloa ai te agalelei o te Atua, kae nei kua koutou maua tona agalelei.

1 Petelu 5:10

Kāfai e uma atu nā taimi e puapuagā ai koutou, ko te Atua o te alofa tūnoa tē e ia kalagagia koutou ke i ei i tona mamalu tūmau i te māfutaga ma Keliho, ka ia toe fakakātoatoagia koutou, ma lagolago ma fakamākeke atu.