2 Timoteo 2:1 - Tokelauan New Testament

¹ Ko koe la toku ataliki, ke fakamākeke e ala i te alofa tūnoa kua maua e ki tātou i te māfutaga ma Keliho Iehu,

2 Timoteo 2:1 ပူးပေါင်းရင်းမြစ်များ

1 Kolinito 16:13

Koutou ke mataala, tūmau i te fakatuatua, loto tetele ma fakamākekeke.

Efeho 6:10

Ko te toe mea e lea atu ai au, koutou ke fakamākekeke i te māfutaga a koutou ma te Aliki, e ala i tona mana hilihili kehe.

Filipi 4:13

Kua fōki mai e Keliho ki a te au te mālohi, ke talia ai e au ho he mea.

1 Timoteo 1:18

Timoteo, toku ataliki, e tuku atu e au te fakatonuga tēnei ki a te koe, e tuha ai ma nā kupu o te vāloaga i nā aho kua teka e uiga ki a te koe. Fakaaogā nā kupu iēnā ma meatau, ke tau ai te taua lelei,

1 Timoteo 1:2

Ki a Timoteo, toku ataliki moni i te talitonuga faka-Kelihiano: Ke ia te koe te alofa tūnoa, te agalelei ma te fīlēmū mai te Atua te Tamana ma Keliho Iehu to tātou Aliki.

2 Timoteo 1:1

Mai ia Paulo, he apohitolo a Keliho Iehu na filifilia e te Atua, ke fakailoa ki tagata te ola moni kua uma te ia folafolagia, e ala i te māfutaga ma Keliho Iehu —

2 Timoteo 1:2

Ki a Timoteo, toku ataliki pele: Ke ia te koe te alofa tūnoa, te agalelei, ma te fīlēmū mai te Atua te Tamana ma Keliho Iehu to tātou Aliki.

2 Timoteo 1:7

Auā ko te Agaga kua fōki mai e te Atua ki a te ki tātou e hē ke matamumuli ai ki tātou; kae ko tona Agaga e fakatumulia ai ki tātou i te loto mālohi, te loto alofa, ma te ola pūlea.

2 Timoteo 2:10

Ma ko au e onohai i nā mea uma iēnei mo te lelei o nā tino kua filifilia e te Atua, kae ke mafai ai foki ke ki lātou maua te fakaolataga e ala ia Keliho Iehu ma maua ai nā vīkiga e fakavavau.

2 Timoteo 4:17

Kae na fakatahi mai te Aliki ki a te au ma ia fōki maia te mālohi, kae ke mafai ai e au oi tālaki atu te kātoatoaga o te fekau ki tagata nukukehe uma; ma ko au na laveaki mai gutu o leona.

2 Petelu 3:18

Kae ke tupu olaola pea koutou i te alofa tūnoa ma te mālamalama mai to tātou Aliki ma to tātou Fakaola ko Iehu Keliho. Ke ia te ia nā vīkiga, nei ma ke pa lava ki te fakavavau! Amene.